Vilvorde

Vilvorde (nid. Vilvoorde, fr. Vilvorde) — Belçikanın Flamand Brabantı kommunasının Halle-Vilvorde rayonu daxilində yerləşən şəhər və bələdiyyə. Bələdiyyə əsas Vilvorde şəhərini, Koninqslo və Houtem kimi iki məhəlləni və kiçik Peutiye şəhərini əhatə edir.

Vilvorde
Bayraq^[d] Gerb^[d]
^HGYO
Ölkə	Belçika
Tarixi və coğrafiyası
Sahəsi	21,48 km²
Saat qurşağı
Əhalisi
Əhalisi	44.015 nəf. (2018)
Rəsmi dili	Niderland dili
Rəqəmsal identifikatorlar
Telefon kodu	+32 15-02
Poçt indeksi	1800
Digər
vilvoorde.be
Xəritəni göstər/gizlə Vilvorde
Vikianbarda əlaqəli mediafayllar

Tarixi

Şəhərin tarixi Roma imperiyası dövründən başlayır. Romalılar Zenne çayı yaxınlığında ilk yaşayış məskəni salaraq, məskunlaşıblar. XIV əsrdə Zenne çayı üzərindəki mövqeyi sayəsində, Vilvorde mühüm hərbi mərkəzə çevrilib.

XV–XVIII əsrlər arasında isə, Vilvorde uzun müddət tənəzzülə uğrayıb. Əsasən Brüssel ilə olan rəqabət, parça sənayesindəki ümumi geriləmə, epidemiyalar və dini və siyasi müharibələr tənəzzülün əsas səbəbləri sırasında olub.

Sənaye inqilabının XVIII əsrin sonlarında başlaması Vilvorde üçün bir uğurlu dövr olub. 1835-ci ildə dəmir yollarının istifadəyə verilməsi ilə şəhər dirçəlməyə başlayıb, tezliklə orta əsr binaları yerini daha yeni və yaxşı tikililərə verib. Vilvoord Brüssel ətrafında ən böyük sənaye bölgələrindən birinə çevrilib və əhalisi 150 il əvvəlki rəqəmin beş qatına çatıb.

Müasir dövr

Vilvorde Belçikanın mərkəzi hissəsində, paytaxt Brüsseldən bir qədər şimalda yerləşir. Şəhərin sahəsi 21,48 km²-dir. Əhalisi 38,557 nəfərdir (2008-ci ilə görə), onun təxminən 10%-i ispanlardır. Əhalinin sıxlığı 1795 nəfər/km²-dir. Şəhər 3 rayona bölünür. Vilvorde inkişaf etmiş sənaye şəhəridir. Böyük dəmir yolu qovşağı (buradan keçən Brüssel-Antverpen xətti xüsusilə vacibdir), bir neçə avtomobil yolunun kəsişməsi şəhərdən keçir. Şəhər Brüssel-Şeld gəmi kanalı üzərində yerləşir

Vilvoordun rəsmi dili holland dilidir. Şəhərdə təxminən 33,7% fransızdilli azlıq mövcuddur, bu da xüsusilə Koningslo və Beauval məhəllələrində, Brüsselin Neder-Over-Heembeek məhəlləsinə sərhəd olan ərazilərdə cəmlənib. Fransızdilli azlıq, 33 üzvlü yerli şuradakı 3 nümayəndə ilə təmsil olunur.

2000-ci ildən 2007-ci ilin 1 avqustuna qədər Vilvoordun meri keçmiş Belçika baş naziri Jan-Luk Dehane olub. 2013-cü ildən bəri isə meri Hans Bontedir. O, həmçinin Federal Parlamentin üzvüdür.

Vilvoorde sakinlərinə peirefretters (at yeyənlər) ləqəbi verilir, çünki at əti (xüsusilə biftek) Vilvordedə sevimli yeməkdir.

İstinadlar

1. Wettelijke Bevolking per gemeente op 1 januari 2018. Statbel.
2. Crossroad Bank of Enterprises.
3. "Wet tot toekenning van de titel van stad aan de gemeenten Beringen, Bilzen, Blankenberge, Borgloon, Ciney, Couvin, Damme, Geel, Genepiën, Gistel, Halen, Hamont-Achel, Hannuit, Harelbeke, Herk-de-Stad, Lo-Reninge, Mesen, Oudenburg, Peer, Scherpenheuvel-Zichem, Vilvoorde en Walcourt". www.ejustice.just.fgov.be (holland). . 19 July 1985. İstifadə tarixi: 22 April 2025.
4. "The Brussels district of Vilvoorde is fighting radicalisation with kindness". The Independent (ingilis). 2015-12-30. İstifadə tarixi: 2023-07-03.
5. "Origin | Statbel". statbel.fgov.be. İstifadə tarixi: 2023-07-04.
6. "Les projets de statut de Bruxelles".
7. "Présence francophone en périphérie bruxelloise". December 14, 2016.
8. "Accueil enfants communes à facilités Bruxelles". www.communauteurbaine.be.

Xarici keçidlər

• Official website – Only available in Dutch