Vilavan Apinyaponq tailandlı voleybolçu iki qat Asiya çempionudur Voleybolçu hal hazırda iqtisadçının və Tailand millisi

Vilavan Apinyaponq – tailandlı voleybolçu. İki qat Asiya çempionudur. Voleybolçu hal-hazırda İqtisadçının və Tailand millisinin kapitanıdır.

Vilavan Apinyaponq วิลาวัณย์ อภิญญาพงศ์

Şəxsi məlumatlar
Tam adı	Vilavan Apinyaponq
Doğum tarixi	10 dekabr 1990(33 yaş)
Doğum yeri	Banqkok Tailand
Vətəndaşlığı	Tailand
Voleybolçu məlumatları
Boyu	1.74 m
Çəkisi	65 kq
Zərbəsi	288 sm
Bloku	280 sm
Mövqeyi	Hücumçu
Karyerası
Komandası	İqtisadçı
Nömrəsi	2
Klub karyerası
2007–2008 2008 2008–2010 2010 2010–2011 2011–2012 2012 2012–	Sang Som J.A.V. Olímpico Ereyli Belediyespor Eveqrande Voleybol Federbrau Chang Bangkok Fujian Xi Meng Bao İqtisadçı
Milli komanda karyerası
2008–	Tailand
Vikianbarda əlaqəli mediafayllar

Karyerası

Apinyaponq 2008-ci il də İspaniya superliqası komandalarından "Olimpico"yla müqavilə imzalayaraq ilk dəfə ölkəsindən kənara çıxır. O burada həmyerlisi Nutsara Tomkomla bir komanda da oynayır. Burada yarım sezon oynadıqdan sonra voleybolçu milli komandadan yoldaşları-Malika Kanthong və Amporn Hyaphanın çıxış etdiyi "Ereğli Belediyespor"a transfer olunur. İki il Türkiyə Qadınlararası Voleybol Çempionatında çıxış edən Apinyaponq burada göstərdiyi oyunla Çin klublarının diqqətini çəkir.

Voleybolçu 2010-cu ildə Çinin ən titullu voleybol klublarından olan Quançjou şəhərinin təmsilçisi Eveqrande ilə anlaşır. Burada Cenni Lanq Pinq rəhbərliyində çox çətin forma savaşına girən tailandlının bu klubda əsas heyətdə oynamaq istəyinə Çin voleybol federasiyasının legioner məhdudiyyəti qanunu böyük maneçilik törədirdi. Belə ki, qaydalara görə hər komanda meydançaya yalnız 2 legioner voleybolçu buraxa bilərdi. Quançjouluların heyətində isə Loqan Tom, Yovana Brakoçeviç kimi dünyaca məşhur leginerlər var idi. Bu voleybolçularla forma mübarizəsindən məğlub ayrılan voleybolçu tez-tez ehtiyat oyunçular siyahısında yer alırdı. Bu səbəbdən də Apinyaponq növbəti mövsüm öz ölkəsinə qayıdır.

2012-ci ildə kapitanı olduğu Çanq klubu ilə birlikdə Klublar arası dünya çempionatında da iştirak etmişdi. Ancaq komandası turnirdə yarımfinal mərhələsini keçə bilmədiyindən böyük bir mükafat şansını qaçırmışdı.

Ölkəsindəki karyerası hər zamankı kimi uğurlu olan (çempionluq yaşamışdır) voleybolçunun tək arzusu isə 2012 Yay Olimpiya Oyunlarına Tailand millisi ilə birlikdə getmək idi, lakin asiyalılar Serbiya və Yaponiya ilə birlikdə mübarizə apardıqları təsnifat mərhələsində mübarizəni dayandırdı və Apinyaponqun da Londona getmək ümidləri puç oldu. Ancaq 2016 Yay Olimpiya Oyunları üçün Tailand millisinin şansının yüksək olduğunu nəzərə alsaq Apinyaponqun bu arzusun həyata keçəcəyinə ümid etmək olar.

2012-ci ildə "Dünya Qranpiri"sində tarixinin ən yaxşı nəticəsini əldə edən asiyalı elə həmin il 6 komanda yoldaşı ilə birlikdə İqtisadçıya imza atdı. 2013–14 idman mövsümündə ilk dəfə olaraq Çempionlar Liqası təcrübəsi yaşayan voleybolçu Azərbaycan çempionatında da adından söz etdirməyi bacara bilmişdir.

Uğurları

Şəxsi mükafatları

2011 "Asiya Klublar Çempionlar Liqası"nın "Ən dəyərli oyunçusu"
2013 "Asiya Çempionatı"nın "Ən dəyərli oyunçusu"

Milli komanda ilə

Asiya çempionatları

Tailand 2001 — Bürünc medal
Tailand 2007 — Bürünc medal
Vyetnam 2009 — Qızıl medal

Asiya kubokları

2008 Asiya kuboku — Bürünc medal
2010 Asiya kuboku — Gümüş medal
2012 Asiya kuboku — Gümüş medal

Klublar ilə

2010 Asiya Klublar Çempionlar Liqası — "Federbrau" ilə
2011 Asiya Klublar Çempionlar Liqası — "Chang" ilə

İstinadlar

Rookie Igtisadchi aiming high in first CL appearance 2016-03-05 at the Wayback Machine (ing.)
El anfitrión Ibsa sueña con meterse en las semifinales 2013-10-15 at the Wayback Machine (isp.)
SFV: Previa de la décimotercera jornada de la Fase Regular 2013-10-14 at the Wayback Machine (ing.)
"Çanq"ın heyətində isə kapitan Vilavan Apinyaponq daha güclü olub. O, klubunun aktivinə 16 xal yazdırıb. apasport.az 2016-03-07 at the Wayback Machine (az.)
Tailand millisi Bakıya köçür 2016-03-07 at the Wayback Machine (az.)
Bakının "İqtisadçı" voleybol klubu Tailand millisinin kapitanını heyətinə cəlb edəcəkdir 2016-03-04 at the Wayback Machine (az.)

Xarici keçidlə r

Vilavan Apinyaponq CEV saytında 2013-12-11 at the Wayback Machine (ing.)

[1] Rookie Igtisadchi aiming high in first CL appearance 2016-03-05 at the Wayback Machine (ing.)

[2] El anfitrión Ibsa sueña con meterse en las semifinales 2013-10-15 at the Wayback Machine (isp.)

[3] SFV: Previa de la décimotercera jornada de la Fase Regular 2013-10-14 at the Wayback Machine (ing.)

[4] "Çanq"ın heyətində isə kapitan Vilavan Apinyaponq daha güclü olub. O, klubunun aktivinə 16 xal yazdırıb. apasport.az 2016-03-07 at the Wayback Machine (az.)

[5] Tailand millisi Bakıya köçür 2016-03-07 at the Wayback Machine (az.)

[6] Bakının "İqtisadçı" voleybol klubu Tailand millisinin kapitanını heyətinə cəlb edəcəkdir 2016-03-04 at the Wayback Machine (az.)