Vahid Qazi

Vahid Qazi (tam adı: Qazi Vahid Pərviz oğlu; 22 mart 1968, Ağdam) — Azərbaycanlı yazıçı, publisist, bloger.

Vahid Qazi
Doğum tarixi	22 mart 1968(56 yaş)
Doğum yeri	Ağdam, Azərbaycan
Vətəndaşlığı	Azərbaycan
Təhsili	Bakı Dövlət Universiteti
Fəaliyyəti	yazıçı, publisist, bloger^[d], jurnalist, redaktor
vahidqazi.com

Həyatı

Vahid Qazi 22 mart 1968-ci ildə Ağdam şəhərində anadan olub.

Ağdam şəhəri 1 saylı orta məktəbində oxuyub.

1985-ci ildə Bakı Dövlət Universitetinin jurnalistika fakültəsinə daxil olub, 1992-ci ildə oranı bitirib.

1986–1988-ci illərdə Sovet ordusunda xidmət edib.

Azərbaycan və üzvüdür. Əsərləri rus, ingilis, isveç, ukrayna, latış, polyak, türk dillərinə çevrilib.

Bir çox ölkədə keçirilən konfranslarda iştirakçı olub, demokratiya problemləri mövzusunda çıxışlar edib. Keçmiş kommunist ölkələrində demokratik mübarizələrə beynəlxalq dəstək layihələrində fəallıq göstərib. Azərbaycanın şəhər və kəndlərində vətəndaş cəmiyyətinin gəlişməsi üçün minlərlə insanı əhatə edən layihələrdə təşkilatçılıq edib.

2012-ci ildən İsveçdə yaşayır.

Fəaliyyəti

1990–1992-ci illərdə "Ədalət" qəzetində müxbir işləyib.

1992-ci ilin avqustundan 1993-cü ilin martınadək "Azərbaycan" qəzetində xüsusi müxbir olub.

1993-cü ilin 18 martından həmin ilin 23 iyulunadək – Ağdamın işğal gününədək Azərbaycan Respublikası Prezidentinin Aparatında dövlət müşavirinin böyük inspektoru vəzifəsində işləyib.

1993–1995-ci illərdə Müsavat partiyasının mətbuat xidmətində çalışıb.

1995–2012-ci illərdə "İnam" Plüralizm Mərkəzinin sədri olub.

2002–2012-ci illərdə "III Sektor", "Svobodnaya volya", "Toplum" jurnallarına redaktorluq eləyib.

Kitabları

• "Ruhlar şəhəri": "Təhsil" 2010, Bakı, "MHS" 2011, Bakı
• "Yaddaş ləpirləri: demokratiya yazıları": "MHS" 2011, Bakı
• "Çamayra. Kuba dəftəri": "MHS" 2012, Bakı
• "Çöl Qala": "Bakı Kitab Klubu", 2016, Bakı
• "Озоновые люди": Bakı, 2017
• "Hyresgäster" ("Kirayəşinlər"): "Diktonius Text", 2018 Stockholm
• "Бейсбол на шахматной доске", Ridero, Moskva, 2018

İstinadlar

1. İsveç dilində Azərbaycan romanı 2018-04-12 at the Wayback Machine. qafqazinfo.az, 09.04.2018  (az.)

Web: https://vahidqazi.wordpress.com/

Xarici keçidlər

• "Bütün sevgilərin bir səsi var – pıçıltı"
• "Vikinq babalarıyla fəxr edib sinəsinə döyən isveçli görməmişəm!"
• "Eyforiya ilə depressiya bir dağın iki üzü kimidi…"
• "İztirab – vətəndə qərib olmaqdır"
• "Fərq etməz İsveçdə, Bakıda, lap belə Quzanlıda ol"
• "Aydan baxsan Yer də vətəndi"
• "Gələcək görmək istədiyim keçmişdi"
• Cənubi Qafqazda təhlükəsizlik
• "Öz yazını redaktə eləmək, həyatda buraxdığın səhvləri düzəltmək üçün sənə verilən şansa oxşayır."