Təbriz Həsənov
Təbriz Bəxtiyar oğlu Həsənov (d. 27 yanvar 1996; Hacıqabul, Azərbaycan - ö. 23 aprel 2016; Azərbaycan) — Azərbaycan Silahlı Qüvvələrinin əsgəri. 2016-cı ildə Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
Təbriz Həsənov | |
---|---|
Təbriz Bəxtiyar oğlu Həsənov | |
Şəxsi məlumatlar | |
Doğum tarixi | |
Doğum yeri | Hacıqabul, Azərbaycan |
Vəfat tarixi | (20 yaşında) |
Vəfat yeri | Azərbaycan |
Dəfn yeri | |
Vətəndaşlığı | Azərbaycan |
Təltifləri |
Həyatı
Təbriz Həsənov 1996-cı il 27 yanvarda Hacıqabul rayonunun Qızılburun kəndində anadan olub. Təbriz Həsənov 2002-2011-ci illərdə Seyfulla Məmmədov adına 110 nömrəli tam orta məktəbdə təhsil alıb.
Hərbi xidməti
Əsgər Təbriz Həsənov 2016-cı ilin aprelin 23-də Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid oldu. Elə aprelin 23-də isə Təbriz Həsənov Bakı şəhərinin Qaradağ rayonunda son mənzilə yola salındı. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Həsənov uğrunda şəhid olduğu torpağa tapşırıldı.
Təbriz Həsənov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.