Trump Tower Baku

Trump Tower Baku və ya indiki adı ilə Yelkən Hotel – Bakı şəhəri, Nəsimi rayonu, Həsən Əliyev küçəsində yerləşən, 72 mənzil və 189 ayrı otel nömrəsindən ibarət çoxmərtəbəli bina. Hündürlüyü 130 metr olan “Trump Tower Baku” 33 mərtəbədən ibarətdir. Azərbaycanın 10 ən yüksək binasından biri hesab olunur.

Trump Tower Baku
Yelkən Hotel
40°23′19″ şm. e. 49°51′53″ ş. u.
Ölkə	Azərbaycan Azərbaycan
Şəhər	Bakı
Yerləşir	Nəsimi rayonu, Heydər Əliyev prospekti, Həsən Əliyev küçəsi
Tikilmə tarixi	2008-2015
Mərtəbə sayı	Yerüstü = 33 Yeraltı = ?
Aidiyyatı	ZQAN holding/Garant Holdinq; Trump Organization
Memarlıq quruluşu	Futuristik
Vəziyyəti	tikilib
Trump Tower Baku
Vikianbarda əlaqəli mediafayllar

Tarixi

Tikintisinə 2008-ci ildə başlanılıb. 2009-cu ilin iyun ayında binanın bünövrəsi artıq tam hazır idi, həmin ilin iyulunda binanın birinci mərtəbəsinin tikintisinə başlanılıb. 2011-ci ilin sonuna kimi binanın beton karkası tikilmiş və eksteryerinin şüşələnməsinə başlanılmışdır. 2015-ci ildə fasadın bəzədilməsi üzrə bütün çöl işləri başa çatdırılmışdır. Binada 11 ədəd sürətli lift quraşdırılmışdır.

Yerləşdiyi yer

Bina Bakıda, paytaxtın mərkəzi magistral yollarının kəsişməsində yerləşir (Heydər Əliyev prospekti, Babək prospekti, Yusif Səfərov küçəsi). Qüllədən 350 metr şimalda bu yaxınlarda tikilmiş Heydər Əliyev Mərkəzi yerləşir. “Trump Tower Baku”ya ən yaxın metro stansiya – 840 metr aralıqda yerləşən Şah İsmayıl Xətai metrostansiyasıdır.

Layihə

Bina, 33 yerüstü mərtəbədən ibarətdir, 130 metr hündürlüyə malikdir. Binanı stilistik baxımdan futuristik memarlıq üslubuna aid edirlər. İşıqlandırma üçün binanın tilləri və qövsşəkilli kənarları boyunca yerləşdirilmiş LED-ekranlardan istifadə olunur.

İstinadlar

1. Məmmədovların dəbdəbəli yelkən-hoteli açılmadı - şok iddialar var
2. Ziya Məmmədov özündən çıxdı: “Onu deyən qələt edir!”
3. skyscraperpage.com
4. skyscrapercenter.com
5. Trump Bakü’ye ‘yelken’ açtı
6. Trampın adı Bakıdakı hotelə qaytarıla bilər-yenə 2,5 milyon alacaqmı?
7. skyscrapercity.com
8. . 2019-04-13 tarixində orijinalından arxivləşdirilib. İstifadə tarixi: 2016-07-07.
9. emporis.com
10. İşıqlandırmanın YouTube-da nümayişi

Xarici keçidlər

• Trump Tower Baku Skyscrapercity saytında.
• “Daily Mail” Bakıda inşa olunan Trump Tower-dən yazdı – FOTO
• "Trump International Hotel & Tower Baku"nun ABŞ-ın yeni seçilmiş prezidenti ilə nə əlaqəsi var?
• Bakı: Keçmiş "Trump Tower"-də yanğın söndürülüb
• Trump Tower, Anar və İran İnqilab Qvardiyası... (ABŞ jurnalı yazır)
• “Trump Tower Baku”nu tikən sahibkarlar: “Pullarımızı ala bilmirik…”
• “Trump Tower Baku” təmirə bağlandı - Video