The Dangers in My Heart

The Dangers in My Heart, Yaponiyada tanınan adı ilə Boku no Kokoro no Yabai Yatsu, qısaca BokuYaba – Norio Sakuray tərəfindən yazılan və çəkilən manqa seriyası. 2018-ci ilin martında "Akita Shoten" nəşriyyatının "Weekly Shōnen Champion" jurnalında nəşr olunmağa başlamışdır. 2024-cü ilin noyabrına qədər 11 tankobon cildi buraxılmışdır. Manqa seriyası sinifin çunibyo və tənha şagirdi Kyotaro İçikava ilə sinifin ən populyar qızı Anna Yamada arasındakı yaranan romantik münasibətlərdən bəhs edir.

The Dangers in My Heart
Birinci tankobon cildinin üzlüyü. Personajlar: Anna Yamada (solda) və Kyotaro İçikava (sağda).
僕の心のヤバイやつ (Boku no Kokoro no Yabai Yatsu)
Janr	romantik komediya,həyat dilimi
Manqa
Manqaka	Norio Sakuray
Nəşriyyat	Akita Shoten
Jurnal	Weekly Shōnen Champion (2018) Champion Cross (2018) Manga Cross (2018–hazırda)
Demoqrafiya	şonen
Nəşr tarixi	8 mart 2018 – hazırda
Cildlər	11 (cild siyahısı)
Əlavə məlumat Anime serialı Rejissor Hiroaki Akaqi Ssenarist Cukki Hanada Bəstəkar Studiya Kanal () Yayım tarixi 2 aprel 2023 – 31 mart 2024 Seriyalar 25 (seriya siyahısı) Ranobe Yazıçı Kota Nozomi Rəssam Norio Sakuray sune Nəşriyyat Media Factory İmprint Demoqrafiya kişilər Nəşr tarixi 25 sentyabr 2024

Seriya əsasında "" tərəfindən çəkilən anime serialı adaptasiyasının birinci mövsümü 2023-cü ildə, ikinci mövsümü 2024-cü ildə yayımlanmışdır. 2024-cü ildə spin-off ranobesi nəşr olunmuşdur.

Məzmun

Kyotaro İçikava vaxtının çoxunu cinayət ensiklopediyaları oxuyaraq keçirən asosial və şagirddir. O, sinfin ən populyar və gözəl qızı olan, modellik və aktrisalıq ilə məşğul olan Anna Yamadanı "öldürməyin" fantaziyasını qurur. Lakin Yamadanı müşahidə etdikcə əslində onun da qəribə bir qız olduğunu görür. Yamada gizlicə yemək yemək üçün məktəb kitabxanasına gəlməyə başlayanda onlar arasında gözlənilməz romantik münasibətlər inkişaf etməyə başlayır.

İstehsal

Norio Sakuray verdiyi müsahibədə fanatı olduğunu, favorit idolu ilə eyni sinifdə oxusaydı onunla ünsiyyətinin necə olacağı barədə xəyallar qurduğunu bildirmişdir. O, bu fikirlərindən təsirlənərək "The Dangers in My Heart" manqasını və Anna Yamada personajını yaratmağa qərar vermişdir. İçikava personajını yaradarkən özünü düşündüyünü bildirmişdir. Sakuray İçikavanın Yamada ilə interaksiyalarından sonra özünü "sağaltdığını" vurğulamaq üçün fəsilləri "karte" adlandırmağa qərar vermişdir.

Prodüser Kazuki Endo manqanın 2-ci və 3-cü cidlərini oxuduqdan sonra manqanı çox bəyənmiş və anime adaptasiyasını çəkmək üçün "Akita Shoten" redaktorlarına təklif göndərmişdir. Redaktor Keyta Takakaşi müsahibəsində bildirmişdir ki, Endonun layihəyə olan entuziazmi anime təklifini qəbul etməsi üçün əsas faktorlardan biri olmuşdur. Endo animenin ssenarisi üçün Cukki Hanadaya müraciət etmiş və manqa ilə öncədən tanışlığı olan Hanada təklifi dərhal qəbul etmişdir. Endo "A Silent Voice" anime filminin saundtrekini çox bəyəndiyi üçün animenin bəstəkarı kimi seçmişdir. Uşio animenin saundtrekini bəstələmək üçün doğma şəhərinə getmiş və məktəbdə gedərkən istifadə etdiyi yolu gəzərək qeydə almışdır. Rejissor Hiroaki Akaqi emosiyaları və personajlardakı dəyişiklikləri əks etdirmək üçün rənglərə diqqət yetirmişdir. Sakuraydan icazə alaraq manqada personajların sinifdə əyləşdikləri yeri animedə bir qədər dəyişdirmişdir. Səs aktyorlarının seçilməsi prosesi zamanı Hina Yoomiyanın nadir səsə malik olmasını bəyənmiş, çips yemə səhnəsini yaxşı ifa etdiyi üçün Yamada roluna onu seçmişdir.

Media

Manqa

Manqa seriyası Norio Sakuray tərəfindən yazılır və illüstrasiya olunur. Manqanın individual fəsilləri "karte" adlanır. Manqa 8 mart 2018-ci ildə "Akita Shoten" nəşriyyatının "Weekly Shōnen Champion" jurnalında serializasiya olunmağa başlamışdır. 10 aprel 2018-ci ildə "Champion Cross" manqa saytına köçürülmüşdür. 10 iyul 2018-ci ildə "Champion Cross" və "Champion Tap!" saytları birləşdirilmiş və manqa yeni yaradılmış "Manga Cross" saytında serializasiya olunmağa başlamışdır. 2024-cü ilin noyabrına qədər manqanın 11 tankobon cildi buraxılmışdır.

Spin-off manqası "Twi-Yaba" müxtəlif qısa hekayələr kolleksiyasından ibarətdir və Sakurayın rəsmi "Twitter" hesabı vasitəsilə yayımlanır. Manqanın adı "Twitter" və "Yabai" sözlərinin birləşməsindən ibarətdir.

Anime

"" studiyası tərəfindən çəkilən anime serialı adaptasiyasının birinci mövsümü 2023-cü ilin aprelindən iyuluna qədər kanalında yayımlanmış və 12 seriya davam etmişdir. Animenin rejissoru Hiroaki Akaqi, ssenaristi Cukki Hanada, personaj dizayneri Masato Katsumata, bəstəkarı . Açılış mahnısı "" qrupu tərəfindən ifa olunan "Shayō" mahnısı, bağlanış mahnısı tərəfindən ifa olunan "Sū Sentimental" mahnısıdır.

"Twi-Yaba" spin-off manqasına əsaslanan, hərəsi bir neçə dəqiqə davam edən qısa seriyalardan ibarət anime adaptasiyası 10 dekabr 2023-cü ildə yayımlanmışdır.

Anime serialının ikinci mövsümü 2024-cü ilin yanvarından aprelinə qədər TV Asahi kanalında yayımlanmış və 13 seriya davam etmişdir. Açılış mahnısı "" qrupu tərəfindən ifa olunan "" mahnısı, bağlanış mahnısı Kohana Lam tərəfindən ifa olunan "Koi Shiteru Jibun Sura Aiserunda" mahnısıdır.

20 fevral 2024-cü ildə "YouTube"da "Re:Zero" və "The Danger in My Heart" personajlarının yer aldığı qısa krossover animesi buraxılmışdır. 29 sentyabr 2024-cü ildə anime serialının iki mövsümünün hekayəsini ümumiləşdirən və finaldan sonrakı hekayəyə dair yeni səhnələr ehtiva edən anime filmi anons edilmişdir.

Ranobe

Kota Nozomi tərəfindən yazılan, Sakuray və sune tərəfindən illüstrasiya olunan spin-off ranobesi "Media Factory" nəşriyyatı tərəfindən 25 sentyabr 2024-cü ildə buraxılmışdır. Ranobeyə 4 fərqli hekayə daxildir: İçikavanın ibtidai məktəbdə əldə etdiyi nadir kart və həmin vaxt tanış olduğu sirli qadın, İçikava və Yamada arasındakı münasibətlərin Moekonun gözündən təsviri, İçikava və Yamadanın cüt görüşü, Yamadanın anasının gizli hekayəsi.

Qəbul

Manqa

Manqa 2020-ci ildə veb-manqa kateqoriyasının qalibi olmuşdur. Həmin il Yaponiyada kitab mağazaları işçilərinin 15 başlıqdan ibarət manqa tövsiyəsi siyahısına daxil olmuşdur. 2021-ci ildə 250.000 iştirakçı arasında keçirilən "ən çox anime adaptasiyası istənilən manqa seriyaları" sorğusunda birinci yeri tutmuşdur.

Anime

"" tənqidçisi Alan Mudi animeni "" və "" animeləri ilə müqayisə etmişdir.

Qeydlər

1. hərf. Mənim ürəyimdəki təhlükələr
2. yaponca: 僕の心のヤバイやつ, Hepbörn: Boku no Kokoro no Yabay Yatsu, hərf. Mənim ürəyimin pis hissəsi
3. yaponca: 僕ヤバ
4. yaponca: 斜陽, Hepbörn: Şayo, hərf. Batan günəş
5. yaponca: 数センチメンタル, Hepbörn: Su Sentimental, hərf. Bir az sentimental
6. yaponca: 僕は.., Hepbörn: Boku va..., hərf. Mən...
7. yaponca: 恋してる自分すら愛せるんだ, Hepbörn: Koi Şiteru Cibun Sura Ayserunda, hərf. Mən özümü sevməyimi sevə bilərəm

İstinadlar

1. "Series: The Dangers in My Heart". (ingiliscə). İstifadə tarixi: 26 fevral 2025.
2. "EXCLUSIVE INTERVIEW: The Dangers in My Heart Manga Artist Norio Sakurai". Anime News Network (ingiliscə). 1 avqust 2022. İstifadə tarixi: 26 fevral 2025.
3. "『僕の心のヤバイやつ』連載インタビュー第5回：遠藤一樹プロデューサー×秋田書店担当編集・髙橋圭太さん＆福田裕子さんインタビュー｜「市川が自分の力で頑張って山田の心を動かして、成長していく物語なんです」". Animate Times (yaponca). 22 may 2023. İstifadə tarixi: 27 fevral 2025.
4. "『僕の心のヤバイやつ』連載インタビュー第4回：音楽担当・牛尾憲輔さん｜「ふたりの歩くテンポを意識して曲を作っています。ふたりの歩くテンポはおおよそ0.5秒。0.5秒って音楽的には扱いやすい数字なんです」". Animate Times (yaponca). 8 may 2023. İstifadə tarixi: 27 fevral 2025.
5. "春アニメ『僕の心のヤバイやつ』連載インタビュー第1回：監督・赤城博昭さん｜「原作のストーリーに沿って、ふたりの距離感を大切に描きました」". Animate Times (yapon). 3 aprel 2023. İstifadə tarixi: 27 fevral 2025.
6. "Mitsudomoe's Norio Sakurai Starts Boku no Kokoro no Yabai Yatsu Manga". Anime News Network (ingiliscə). 22 fevral 2018. İstifadə tarixi: 25 fevral 2025.
7. "崖っぷち作家がカラオケ愛を語る新連載がチャンクロで、桜井のりお新作は移籍". Comic Natalie (yaponca). 3 aprel 2018. İstifadə tarixi: 25 fevral 2025.
8. "チャンピオンクロスとタップ！が合併した新サイト誕生、「星姫村」続編など新連載も". Comic Natalie (yaponca). 10 iyul 2018. İstifadə tarixi: 25 fevral 2025.
9. "僕の心のヤバイやつ 第11巻". Akita Shoten (yaponca). İstifadə tarixi: 25 fevral 2025.
10. "The Dangers in My Heart Spinoff Manga Twi-Yaba Also Gets Anime". Anime News Network (ingiliscə). 18 oktyabr 2023. İstifadə tarixi: 25 fevral 2025.
11. "The Dangers in My Heart Season 2 Announces Theme Song Artists". Anime News Network (ingiliscə). 13 noyabr 2023. İstifadə tarixi: 25 fevral 2025.
12. "The Dangers in My Heart Anime's Teaser Reveals Cast, Staff, April Debut". Anime News Network (ingiliscə). 5 dekabr 2022. İstifadə tarixi: 25 fevral 2025.
13. "The Dangers in My Heart Anime's Teaser Reveals More Staff, Theme Songs, April 1 Debut". Anime News Network (ingiliscə). 27 fevral 2023. İstifadə tarixi: 25 fevral 2025.
14. "Re:Zero, The Dangers in My Heart Cross Over in Short YouTube Anime". Anime News Network (ingiliscə). 4 may 2024. İstifadə tarixi: 26 fevral 2025.
15. "The Dangers in My Heart TV Anime Gets Compilation Film With Some New Footage". Anime News Network (ingiliscə). 29 sentyabr 2024. İstifadə tarixi: 25 fevral 2025.
16. "The Dangers in My Heart Manga Gets Light Novel". Anime News Network (ingiliscə). 8 avqust 2024. İstifadə tarixi: 25 fevral 2025.
17. "Norio Sakurai's The Dangers in My Heart Wins Tsugi ni Kuru Web Manga 2020 Awards". Anime News Network (ingiliscə). 19 avqust 2020. İstifadə tarixi: 26 fevral 2025.
18. "Japanese Bookstores Recommend 15 Top Manga for 2020". Anime News Network (ingiliscə). 1 fevral 2020. İstifadə tarixi: 26 fevral 2025.
19. "The Dangers In My Heart, Solo Leveling Top AnimeJapan's "Manga We Want to See Animated" Poll". Funimation (ingiliscə). 26 mart 2021. 28 iyul 2021 tarixində arxivləşdirilib. İstifadə tarixi: 26 fevral 2025.
20. "The Dangers in My Heart: Season 1". THEM Anime Reviews (ingiliscə). 2023. İstifadə tarixi: 26 fevral 2025.

Xarici keçidlər

• mangacross.jp/comics/yabai — "Manga Cross"də manqanın rəsmi saytı  (yap.)
• bokuyaba-anime.com — Animenin rəsmi saytı  (yap.)