Tavat Hümbətova Quba şəhərində Səməd Ağamalı oğlunun savadsızlığı ləğv etmək üçün təşkil etdiyi məktəbdə oxuyub və Quba şəhərində işləyib. Alxaslı kəndində qəza icrayyə komitəsinin sədri olub. Kəndin abadlaşmasında, kolxoz təsərrüfatının təşkilində, ambarların, ictimai tövlələrin, məktəbin tikilməsində, əhali arasında savadsızlığın ləğv edilməsində böyük işlər görüb. Müxtəlif dövrlərdə Kəlbəcər, Ağdam, Laçın rayon Qəza İcrayə komitəsinin sədri vəzifəsində çalışıb. Laçın şəhər XDS İK-nin sədri olub.
Dəfələrlə kənd sovetinə, rayon sovetinə deputat seçilib. O, ömrünü Laçın, Kəlbəcər, Ağdam rayonlarında və kəndlərində quruculuq işlərinin görülməsinə, məktəblərin tikilməsinə, əhali arasında savadsızlığın ləğv edilməsinə, mədəniyyət və səhiyyə müəssisələrinin, ticarət obyektlərinin yaradılmasına, rayon və kənd yollarının salınmasına, kənd təsərrüfatının bitkiçilik və heyvandarlıq sahələrinin inkişaf etdirilməsinə həsr edib.
Onun xidmətləri dövlət tərəfindən yüksək qiymətləndirilib, dəfələrlə orden və medallarla, fəxri-fərmanlarla təltif olunub 50 il kommunist partiyasının üzvü olub və dövlət qulluqçusu təqaüdü alıb.
