Təbriz Xəlilbəyli

Vikipediyada bu adlı digər şəxslər haqqında da məqalələr var; bax: Təbriz (ad).

Xəlilbəyli Təbriz Xəlil Rza oğlu (12 fevral 1964, Bakı – 31 yanvar 1992, Naxçıvanlı, Xocalı rayonu) — Azərbaycanın Milli Qəhrəmanı; Qarabağ müharibəsi şəhidi. Azərbaycanın xalq şairi Xəlil Rzanın oğlu.

Xəlilbəyli Təbriz
Xəlilbəyli Təbriz Xəlil Rza oğlu
Şəxsi məlumatlar
Doğum tarixi	12 fevral 1964(1964-02-12)
Doğum yeri	Bakı, Azərbaycan SSR, SSRİ
Vəfat tarixi	31 yanvar 1992(1992-01-31) (27 yaşında)
Vəfat yeri	Naxçıvanlı, Xocalı rayonu, Azərbaycan
Dəfn yeri	Şəhidlər Xiyabanı
Milliyyəti	azərbaycanlı
Uşağı	2 qızı var
Atası	Xəlil Rza
Təhsili	ADMİU
Hərbi fəaliyyəti
Mənsubiyyəti	Azərbaycan
Xidmət illəri	1991-ci ildən
Döyüşlər	Qarabağ müharibəsi
Təltifləri

Həyatı

1964-cü il 12 fevralda Bakı şəhərində anadan olmuşdur. 1981-ci ildə Bakı şəhəri M.Müşfiq adına 18 saylı orta məktəbi bitirmişdi. 1982-ci ildə o, Azərbaycan Dövlət İncəsənət Universitetinə daxil olur. Təhsilini davam etdirərək, həm də C.Cabbarlı adına "Azərbaycan film" kinostudiyasında işıqçı işləyir.

Döyüşlərdə iştirakı

Xəlilbəyli Təbriz 1991-ci ilin sonunda könüllü olaraq cəbhəyə yollandı. Xromord və Naxçıvanik kəndləri uğrunda gedən döyüşlərdə o, qəhrəmanlıq nümunəsi göstərmişdi. Döyüş şücaətinə görə DİN-nin "Boz qurd" mükafatına layiq görülüb. 1992-ci il 31 yanvar Təbriz Xəlilbəylinin son döyüşü oldu. O, Şuşanın mühasirədən çıxarılması üçün təşkil edilən Daşaltı əməliyyatı zamanı qəhrəmancasına həlak oldu.

Ailəsi

Ailəli idi. İki övladı vardı.

Milli Qəhrəman

Azərbaycan Respublikası Prezidentinin 8 oktyabr 1992-ci il tarixli 264 saylı Fərmanı ilə Xəlilbəyli Təbriz Xəlil Rza oğluna ölümündən sonra "Azərbaycanın Milli Qəhrəmanı" fəxri adı verilmişdir.

Bakı şəhərinin Şəhidlər Xiyabanında dəfn edilmişdir.

Bakı şəhərində və Salyan rayonunda küçələrdən biri onun adını daşıyır. Xüsusi məqsədlər üçün istifadə olunan bir gəmi onun şərəfinə adlandırılmışdır. Yaşadığı evin qarşısına xatirə lövhəsi vurulub.

Həmçinin bax

• Xocalı soyqırımı
• Qarabağ müharibəsi
• Erməni terrorizmi
• Azərbaycanlıların Soyqırımı Günü
• Şəhidlər Xiyabanında dəfn olunanlar
• Xəlil Rza Ulutürk

Mənbə

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 131.

İstinadlar

1. "Xəlilbəyli Təbriz Xəlil Rza oğlu". veten-ugrunda.az. 15 October 2015. İstifadə tarixi: 23 November 2018.
2. . veten-ugrunda.az. 15 October 2015. 23 November 2018 tarixində orijinalından arxivləşdirilib. İstifadə tarixi: 23 November 2018.
3. "24 years pass since Dashalty military operation". interaztv.com. 31 January 2014. İstifadə tarixi: 23 November 2018.
4. "National Heroes". Azerbaijans.com. İstifadə tarixi: 23 November 2018.
5. "Gəmilərin siyahısı Dövlət Gəmi Reyestri" (PDF). ardda.gov.az. İstifadə tarixi: 23 November 2018.
6. "TABRIZ KHALILBEYLI". marinetraffic.com. İstifadə tarixi: 23 November 2018.

Xarici keçidlər

• Xəlilbəyli Təbriz^{[ölü keçid]}