Səxavət Sahil
Səxavət Sahil — yazıçı və şair, Azərbaycan Yazıçılar Birliyinin üzvü, Prezident təqaüdçüsü.
Səxavət Sahil | |
---|---|
Təxəllüsü | Səxavət Sahil |
Doğum tarixi | |
Doğum yeri | Azərbaycan |
Vətəndaşlığı | Azərbaycan |
Milliyyəti | azərbaycanlı |
Fəaliyyəti | yazıçı |
Vikianbarda əlaqəli mediafayllar |
Həyat və fəaliyyəti
1982-ci il yanvarın 1-də anadan olub. 1999-2003-ci illərdə Azərbaycan Dövlət Neft Akademiyasında ali təhsil alıb. 2003-2004-cü illərdə Azərbaycan Respublikası Silahlı Qüvvələrində həqiqi hərbi xidmət keçib. 2005-ci ildə Bakıdakı Niderland jurnalistika məktəbini bitirib. 2000-2006-cı illərdə “Gün” qəzetində çalışıb. 2006-2010-cu illər ərzində “Azad Azarbaycan” Televiziyasının Xəbərlər demartamentində müxbir işləmişdir. 2010-2014-cü illərdə “Azad Azarbaycan” televiziyasında “Atvxeber.az” xəbər saytının rəhbəri olmuşdur.
2012-2014-cu illərdə Bakı Slavyan Universitetinin "Yaradıcılıq fakültəsi"ndə təhsl alıb. 2012-ci ildə yaratdığı "Avanqard.net" mədəniyyət portalının qurucusu və baş redaktorudur. 2014-cü ildə "Avanqard" ədəbiyyat jurnalını təsisi edib. 2014-2018-ci illərdə Nazirlər Kabineti yanında Tərcümə Mərkəzinin "Xəzər" Dünya ədəbiyyatı dərgisində internet üzrə redaktor işləyib. 2016-2018-ci illərdə Türkiyənin Ardahan Univeristetində Türk Dili və Ədəbiyyatı üzrə magistr təhsili alıb.
“ARB 24” Televiziyasında redaktor işləyir.
Mükafatları
Yaradıcılığı
Bir sıra qəzet, jurnal və internet dərgilərində (Avanqard.net, Kulis.az, Azadliq.org, Teleqraf.com, Kult.az, 1937.az, Dayaq.org, Modern.az , Publika.az, Kaspi qəzeti, Şərq qəzeti, Ədəbiyyat qəzeti, Yazı dərgisi, Avanqrad jurnalı, “Kurşun Kalem” (Türkiyə) dərgisi, “Vsesvit” (Ukrayna) jurnalı və s.) yazıları cap olunub, şeir, hekayə və məqalələri dərc olunub, şeirləri ingilis, türk, özbək, Ukrayna və rus dillərinə tərcümə edilib. Bir çox müasir Azərbaycan yazarlarının və ayrıca Petrarkanın, Sapfonun şeirləri, Uliyam Folknerin “Avqust günəşi”, Qabriel Qarsiya Markesin “Patriarxın payızı”, Joze Saramaqonun “İsanın İncili”, Mustafa Məsturun “Cüzamlı əllər”, Viktor Pelevinin “Omon Ra”, Andrey Platonovun “Can”, Lo Klezionun “Raga”, Volterin “Kandit”, Lope de Veganın dram əsərləri, Corc Sandın “İndiana”, Edqar Ponun “Sfinks” və s. əsərlər haqqında məqalələr yazıb. Azadliq.org ədəbi portalının təşkil etdiyi "Ədəbi Azadlıq-2012" müsabiqəsinin iştirakçısıdır.
2009-cu ildə Gənclər və idman nazirliyi tərəfindən “Hər zaman və heç vaxt” adlı şeirlər kitabı nəşr olunub. Kitabda əsasən müəllifin müasir üslubda yazdığı sevgi, insan, həyat, zaman və digər mövzuları əhatə edən şeirləri toplanıb.
2014-cü ildə “Qanun” nəşriyyatı tərəfindən "İsanın qadını" romanı çap olunub. Roman geniş rezonansa səbəb olmuş və ən çox satılan kitablar siyahısına başılıq etmişdir .
"İsanın qadını" romanı
Romanın qəhrəmanı əyalətdən şəhərə xilas olmağa gəlsə də, həyatın gözlənilməz hadisələri ilə üzləşir. Uşaqlığında və yeniyetməliyində mental dəyərlərin, ziddiyətli ailə ehkamlarının əsarətinə düşən qadın həyatını yenidən qurmaq, sərbəst yaşamaq istəsə də şüuraltı olaraq atdığı addımlar onu fəlakətə daha da yaxınlaşdırır. Ata sözündən, adət-ənənələrdən çıxa bilməsə də sonradan bütün bunlara etiraz edib öz gələcəyini müəyyən edir. İsa peyğəmbərin həyatına daxil olması düşüncələrini dəyişdirib gələcəyə inanmasına stimul verir. Özünü seçilmiş, məsih adlandırması isə ətrafındakılara qeyri ciddi görünür, gülüş hədəfi olur. Ruhdan düşmür, yuxularına inanıb, Məsihin dediklərinə əməl eləməyə başlayır.
Geciksə də “Təzə avtovağzal” ərazisindəki kəsilən şam ağaclarının şahidi olur, məsihlik qismətinin bir addımlığında durur. Həpsxanadakı cinsi istismar təkliflərinə yox deyib işgəncələrə, əzablara məruz qalır. Gördüyü dəhşətlər, yaşadığı acılar psixoloji durumuna təsir etsə də, inamını itirmir. Mənəvi iztirablar, maddi sıxıntılar iradəsini sındıra bilmir. Əksinə gələcəyə nikbin baxıb arzularla yaşayır. Xoşbəxtlik dünyasının axtarışına çıxır.
Ailə təpkilərinə məruz qaldığından təkliyə çan atır, sərbəstliyini təkliyində axtarır. Kafedə işləyəndə yüksək pul müqabilində fahişəlik təklifinə yox deyir. Lakin fahişə ilə “yatmağa” pulu olmayan müştəriyə təmənasız fahişəlik edir. Savadsızlığın və mentalitetin qurbanına çevrilən qadın özü kimi qurbanların ümumiləşdirilmiş obrazıdır. Müəllif mətnə real hadisələrlə yanaşı, təxəyyüldən doğan sujetlər əlavə etməklə obrazın xarakterini açmağa çalışıb. “İsanın qadını” ilə antik və dini-mistik mətnlər arasında paralellər aparanda romanın “ikinci nəfəsi” açılır, qaranlıq mətləblər aydın olur.
Kitabları
- "Hər zaman və heç vaxt", şeirlər, Gənclər və İdman Nazirliyi, Bakı, 2010
- "İsanın qadını", roman, Qanun Nəşriyyatı, Bakı, 2014
- "Azərbaycan və Türk ədəbiyyatından məqalələr", Avanqard Yayınları, Bakı, 2017
- "Şimşəklər qoynunda", Tərcümə, Ramis Aymet, tatar şairi, Zərdabi nəşriyyatı, Bakı, 2018, (Xanım Aydınla birlikdə)
İstinadlar
- [1]
- . 2013-10-31 tarixində orijinalından arxivləşdirilib. İstifadə tarixi: 2013-12-28.
- Yazı ədəbiyyat dərgisi
- [2][ölü keçid]
- [3][ölü keçid]
- [4]
- . 2016-03-04 tarixində orijinalından arxivləşdirilib. İstifadə tarixi: 2013-12-28.
- . 2016-03-05 tarixində orijinalından arxivləşdirilib. İstifadə tarixi: 2013-12-28.