Səftər Cəfərov
Səftər Məmməd oğlu Cəfərov (iyun 1900, Pirşağı, Bakı quberniyası – 16 noyabr 1961, Bakı) — Azərbaycan-sovet dövlət xadimi, Azərbaycan SSR Ali Soveti Rəyasət Heyətinin sədri (1959–1961).
Səftər Cəfərov | |||||||
---|---|---|---|---|---|---|---|
Sələfi | İlyas Abdullayev | ||||||
Xələfi | Məmməd İsgəndərov | ||||||
| |||||||
Sələfi | Kübra Fərəcova | ||||||
Xələfi | Zərifə Şükürova | ||||||
| |||||||
Sələfi | Ələkbər Əliyev | ||||||
| |||||||
| |||||||
| |||||||
Şəxsi məlumatlar | |||||||
Partiya | Sovet İttifaqı Kommunist Partiyası | ||||||
Doğum tarixi | |||||||
Doğum yeri | Pirşağı, Bakı qəzası, Bakı quberniyası, Rusiya İmperiyası | ||||||
Vəfat tarixi | (61 yaşında) | ||||||
Vəfat yeri | Bakı, Azərbaycan SSR, SSRİ | ||||||
Dəfn yeri | Fəxri Xiyaban | ||||||
Vətəndaşlığı | Rusiya İmperiyası→ AXC→ SSRİ | ||||||
| |||||||
Təltifləri | |||||||
Vikianbarda əlaqəli mediafayllar |
Həyatı
Səftər Cəfərov 1900-cü ilin iyununda Bakı qəzasının Pirşağı kəndində kəndli ailəsində anadan olmuşdur. 15 yaşından işləməyə başlamış, xüsusi sahibkarların yanında fəhləlik etmişdir. Həmin illərdə fəhlə hərəkatına qoşulmuşdur.
1920-ci ilin aprelində Azərbaycanda Sovet hakimiyyəti qurulduqda Səftər Cəfərov Qızıl Orduya daxil olmuş, həmin ilin oktyabrında isə Sov.İKP üzvlüyünə qəbul edilmişdir. O, Qızıl Orduda 1932-ci ilədək xidmət etmiş, sıravi əsgər rütbəsindən siyasi işçi vəzifəsinədək yüksəlmişdir. Batalyon və polk hərbi komissarı, diviziya qərargahı rəisinin siyasi hissə üzrə köməkçisi, sonra isə Styopin adına Azərbaycan ikinci Qafqaz atıcı diviziyasının və Xəzər hərbi donanmasının hərbi prokuroru olmuşdur.
1932-ci ildən 1935-ci ilədək Azərbaycan SSR-in prokuroru, 1933-cü ildən eyni zamanda Azərbaycan SSR xalq ədliyyə komissarı vəzifəsində işləmişdir. Sonralar Naxçıvan MSSR Mərkəzi İcraiyyə Komitəsinin sədri, Moskvada SSRİ Xalq Komissarları Soveti yanında Azərbaycan SSR-in daimi nümayəndəsi olmuş, 1940-cı ilin oktyabrında isə Azərbaycan SSR xalq torpaq komissarı vəzifəsinə təyin edilmişdir.
Səftər Cəfərov 1947-ci ilin əvvəlində Azərbaycan SSR Ali Soveti Rəyasət Heyətinin katibi, 1957-ci ildə sədr müavini, 1959-cu ilin noyabrında isə sədri seçilmişdir. 1959-cu ildən Azərbaycan KP MK siyasi bürosunun üzvü olmuşdur.
Sov.İKP 22-ci qurultayının, Azərbaycan KP 19–25-ci qurultaylarının nümayəndəsi olmuşdur. Sov.İKP 22-ci qurultayında Sov.İKP mərkəzi təftiş komissiyasının üzvü seçilmişdir. Azərbaycan SSR Ali Sovetinin 1–5 çağırış deputatı olmuşdur.
Səftər Cəfərov 16 noyabr 1961-ci ildə Bakıda ürək-damar xəstəliyindən vəfat etmiş və 19 noyabrda Fəxri Xiyabanda dəfn edilmişdir.
Təltifləri
- 2 dəfə "Lenin" ordeni — 1943, 7 sentyabr 1960
- 2 dəfə "Qırmızı Əmək Bayrağı" ordeni — biri 27 aprel 1940
İstinadlar
- ↑ "Сәфтәр Мәммәд оғлу ҸӘФӘРОВ". № 271 (11830). Коммунист. 18 нојабр 1961-ҹи ил. сәһ. 3.
- ↑ Азәрбајҹан Совет Енсиклопедијасы: [10 ҹилддə]. X ҹилд: Фрост – Шүштəр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. сәһ. 432. (#invisible_char); (#invisible_char); (#invisible_char); (#invisible_char); (#invisible_char); (#invisible_char)
- ↑ Fəxri Xiyaban. Bakı: Heydər Əliyev Fondu. 2007. səh. 37.
- "С. М. Ҹәфәровун дәфни". № 273 (11832). Коммунист. 20 нојабр 1961-ҹи ил. сәһ. 4.
Xarici keçidlər
- "Джафаров Сафтар Мамед оглы". knowbysight.info (rus). 14 iyul 2021 tarixində . İstifadə tarixi: 14 iyul 2021.