Soltan Məmmədov (deputat)
Soltan Teymur oğlu Məmmədov (d. 1 aprel 1974; Bakı, Azərbaycan SSR) — azərbaycanlı dövlət və siyasi xadim, Azərbaycan Milli Məclisinin VI çağırış üzvü.
Soltan Məmmədov | |||||||
---|---|---|---|---|---|---|---|
Soltan Teymur oğlu Məmmədov | |||||||
| |||||||
Şəxsi məlumatlar | |||||||
Partiya | Bitərəf | ||||||
Təhsili | ADNA və “Xəzər” Universiteti | ||||||
Doğum tarixi | |||||||
Doğum yeri | Bakı, Azərbaycan SSR | ||||||
Vətəndaşlığı | Azərbaycan | ||||||
Elmi fəaliyyəti | |||||||
Elmi dərəcəsi | texnika elmləri namizədi[d] | ||||||
| |||||||
Təltifləri |
Həyatı
Soltan Məmmədov 1974-cü il aprelin 1-də Bakı şəhərində anadan olub. 1981-1991-ci illərdə Sabunçu rayonu 80 №-li tam orta məktəbdə təhsil alıb. 1991-1996-cı illərdə Azərbaycan Dövlət Neft Akademiyasında (ADNA) istehsalat proseslərinin avtomatlaşdırılması üzrə ali təhsil alıb. 2002-ci ildə Azərbaycan Dövlət Neft Akademiyasının (ADNA) aspiranturasını bitirib. 2005-ci ildə isə “Xəzər” Universitetində ictimai səhiyyənin idarəedilməsi üzrə magistr təhsili alıb.
Fəaliyyəti
Soltan Məmmədov 1996-1997-ci illərdə Azərbaycan Respublikası Dövlət Neft Şirkətinin (ARDNŞ) Balaxanı Neft İdarəsində operator-nəzarətçi vəzifəsində çalışıb. Daha sonra o, 1998-2001-ci illərdə Səhiyyə Nazirliyinin Gigiyena və Epidemiologiya Mərkəzində çalışıb.
2003-2005-ci illərdə Ümumdünya Səhiyyə Təşkilatında (ÜST) inzibati yardımçı, 2000-2015-ci illərdə isə Rostropoviç-Vişnevskaya Fondunun Azərbaycan nümayəndəliyinin Prezidenti olan Soltan Məmmədov, 2015-ci ildən Heydər Əliyev Fondunun Beynəlxalq əlaqələr Departamentinin rəisidir.
Soltan Məmmədov Azərbaycan Prezidenti İlham Əliyevin 6 may 2019-cu il tarixli Sərəncamı ilə "Tərəqqi" medalı ilə təltif edildi.
2020-ci il fevralın 9-da baş tutan Parlament seçimlərində 14 saylı Xəzər dairəsindən namizəd olan Soltan Məmmədov, 47.20 % səslə VI çağırış Milli Məclisin deputatı seçildi. 2020-ci il martın 10-dan səlahiyyətlərinin icrasına başlayan Soltan Məmmədov, Milli Məclisin Əmək və sosial siyasət Komitəsinin, Səhiyyə Komitəsinin üzvü, habelə Azərbaycan—Fransa parlamentlərarası əlaqələr üzrə işçi qrupunun rəhbəri oldu.
Ailəsi
Soltan Məmmədov ailəlidir, iki övladı var.
İstinadlar
- Bünyadzadə, Fənarə (25 yanvar 2021). "Ümumdünya Səhiyyə Təşkilatının Azərbaycan Nümayəndəliyi yerli və beynəlxalq tərəfdaşlarla "PROACT-Care" layihəsinin birinci onlayn koordinasiya görüşünü keçirib". BMT Azərbaycanda (azərb.). İstifadə tarixi: 26 iyun 2021.
- "Heydər Əliyev Fondunun işçilərinin təltif edilməsi haqqında Azərbaycan Prezidentinin 6 may 2019-cu il tarixli 1164 nömrəli Sərəncamı" ( (azərb.)). 06.05.2019. 20.08.2020 tarixində . İstifadə tarixi: 20.08.2020.
- "Candidates elected by constituencies in the Parliamentary elections to be held in Azerbaijan on february 9, 2020" ( (azərb.)). 10.02.2020. 20.08.2020 tarixində . İstifadə tarixi: 20.08.2020.
- ( (azərb.)). 14.03.2020. 2020-08-20 tarixində orijinalından arxivləşdirilib. İstifadə tarixi: 20.08.2020.
- ( (azərb.)). 14.03.2020. 2020-08-20 tarixində orijinalından arxivləşdirilib. İstifadə tarixi: 20.08.2020.
- "Azərbaycan Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında Azərbaycan Milli Məclisinin 24 aprel 2020-ci il tarixli 63-VIQR nömrəli Qərarı" ( (azərb.)). 24.04.2020. 20.08.2020 tarixində . İstifadə tarixi: 20.08.2020.