Səkkiz yarım (film, 1963)

"Səkkiz yarım" (it. Otto e mezzo) — rejissor Federiko Fellininin filmi.

Səkkiz yarım
it. 8 ½ it. Otto e mezzo
Janr	Dram
Rejissor	Federiko Fellini
Prodüser	Anjelo Rissoli
Ssenari müəllifləri	Federiko Fellini Ennio Flayano Tullio Pinelli Brunello Rondi
Baş rollarda	Marçello Mastroyanni Klaudiya Kardinale
Operator	Canni Di Venanso
Bəstəkar	Nino Rota
İlk baxış tarixi	14 fevral 1963, 23 may 1963
Filmin növü	bədii film
Rəng	ağ-qara
Müddət	138 dəqiqə
Ölkə	İtaliya
Dil	italyan dili
İl	1963
IMDb	ID 0056801
Vikianbarda əlaqəli mediafayllar

Məzmun

Rejissor Qvido Anselmi nüvə qəzasından sonra bəşəriyyətin xilası haqqında film çəkməyə hazırlaşır. Qvidonun bundan əvvəlki filmi böyük müvəffəqiyyət qazandığına görə prodüser belə hesab edir ki, bu film də ondan geri qalmayacaq. Dekorasiyalara milyonlarla pul xərclənib, neçə-neçə aktyorun siyahısı tutulub, ssenarist öz işini görməyə tam hazırdır. Lakin Qvido bu filmi çəkməyə hazır deyil, o, özünə ilham mənbəyi axtarır. Səbəb onun həyatdan və sevgidən bezməsidir. Prodüserlər və kinostudiya ekran əsərinin çəkilişlərinin başlanmasını tələb edirlər. Film isə hələ ki, mövcud ola bilməz.

Bu ekran əsərinin ideyasını Qvidonun həyatı, uşaqlıq xatirələri, sürrealistik görünüş və işıqlandırma təşkil edir. Lakin bunun üçün hələ də ilham mənbəyi lazımdır.

Film haqqında

• Filmin adının niyə məhz "Səkkiz yarım" olmasının izahının bir neçə cavabı var. Versiyalardan biri isə belədir: Bu rəqəm Fellininin filmoqrafiyasında bu filmin sıra nömrəsini bildirir. Belə ki, bu filmə qədər Fellini 6 tammetrajlı və 2 qısametrajlı və eləcə də rejissor Alberto Lattuada ilə birlikdə 0,5 film (yarımfilm) çəkmişdi. Ona görə də 6+2+0,5=8,5...
• Fellini bu filmin əsas məğzini belə açırdı:

Mənim personajım çıxış yolunu görmədiyi dolaşıq situasiyaya düşüb. Onun həyatında bəlkə də nədənsə tuta biləcəyi heç nə yoxdu. O, axınla birgə üzür, hərçənd, belə həyat onun özünə də dəhşətli sərsəmlik, mənasızlıq, məqsədsizlik kimi gəlir. Mən bir çox ölçülərdə insan mahiyyətinin, varlığının portretini ortaya çıxaran film yaratmaq istəmişəm. Daha doğrusu, insanın özündə ehtiva etdiyi bütün dünyanı göstərməyə çalışmışam. Ona görə insanı müxtəlif planlardan, daha doğrusu, onun fiziki həyatından, hisslərindən, arzularından, xəyallarından, xatirələrindən danışdığım film düşündüm. Bunu elə danışmaq lazım idi ki, xaotik, ziddiyyətli, dolaşıq ümumidən insan mahiyyəti bütün mürəkkəbliyi ilə meydana gəlsin. Federiko Fellini

• Moskvada keçirilən beynəlxalq festivalda Nikita Xruşşov filmi izləyəndə yatıb. Bunu bilən Fellini mükafatlandırma mərasiminə qalmayıb, arvadı, dostları ilə birlikdə dincəlməyə gedib.

Mükafatlar

• Bu ekran nümunəsi 1964-cü ildə Xarici dildə ən yaxşı film və Ağ-qara filmdə ən yaxşı kostyum dizaynına görə 2 "Oskar" mükafatına layiq görülüb.
• Bu film 1964-cü ildə III Moskva Beynəlxalq Kinofestivalında böyük mükafat qazanmışdır.
• Film 1966-cı ildə Tokioda keçirilən "Kinema Jumpo Awards" kinofestivalında Ən yaxşı xarici film və Ən yaxşı xarici rejissor nominasiyalarında mükafata layiq görülmüşdür.

Filmin heyəti

Film üzərində işləyənlər

Ssenari müəllifləri : Federiko Fellini, Ennio Flayano, Tullio Pinelli, Brunello Rondi

Rejissor : Federiko Fellini

Operator : Canni Di Venanso

Bəstəkar : Nino Rota

Prodüser : Anjelo Rissoli

Geyim üzrə rəssam : Leonor Fini

Montaj : Leo Katosso

Rollarda

Marçello Mastroyanni – Qvido Anselmi

Klaudiya Kardinale – Klaudiya

Anuk Eme – Luiza Anselmi

Sandra Milo – Karla

Rossella Falk

Barbara Stil

Madlen le Bo

İstinadlar

1. http://collections-search.bfi.org.uk/web/Details/ChoiceFilmWorks/150039149
2. http://www.imdb.com/title/tt0056801/releaseinfo?ref_=tt_dt_dt
3. Lexicon of international films (alm.) — Zweitausendeins.
4. Tutte le news per Federico Fellini. ""Otto e mezzo". Torna nelle sale britanniche il capolavoro di Fellini in versione restaurata" (italyan). Sentireascoltare.com. 16 aprel 2016. İstifadə tarixi: 2016-04-18.
5. Reklam çəkməyə məcbur olan dahi rejissor

Xarici keçid

Video

İzlə

YouTube

• Filmin orijinal treyleri sayt YouTube