Ruhullah Zəm

Ruhullah Zəm (fars. روح‌الله زم; 27 iyul 1978(1978-07-27), Tehran – 12 dekabr 2020(2020-12-12), Tehran) — İran ictimai fəalı və jurnalisti. O, hökumət korrupsiyası haqqında sənədləri yayımlamaqla tanınır. Zəm 2009-cu ildə İran İnqilab Keşikçiləri tərəfindən həbs edilmişdi. Həbs edilməsindən və İranı tərk etməsindən sonra 2015-ci ildə "Amad News" adlı "Telegram" kanalı açan Zəm 2017–2018-ci il İran etirazları zamanı əhəmiyyətli jurnalistik fəaliyyət göstərmişdir. "Voice of America" portalının farsdilli bölməsi onu tez-tez buraxılışlarına dəvət edir.

Ruhullah Zəm
fars. روح‌الله زم
Doğum tarixi	27 iyul 1978(1978-07-27)
Doğum yeri	Tehran, Mərkəz bəxşi^[d], Tehran şəhristanı, Tehran ostanı, İran
Vəfat tarixi	12 dekabr 2020(2020-12-12) (42 yaşında)
Vəfat yeri	Tehran, Mərkəz bəxşi^[d], Tehran şəhristanı, Tehran ostanı, İran
Vəfat səbəbi	asılma^[d]
Vətəndaşlığı	İran
Həyat yoldaşı	Məhza Rzani
Fəaliyyəti	jurnalist, esseist
Vikianbarda əlaqəli mediafayllar

Həyatı

Ruhullah Zəm 1978-ci ildə İranın paytaxtı Tehran şəhərində, ruhani ailəsində anadan olmuşdur. Onun atası Məhəmmədəli Zəm 1980–1990-cı illərdə müxtəlif dövlət vəzifələrində çalışmış bir islahatçı idi. Ruhullah Zəm 2009-cu ildə keçirilən etiraz aksiyalarına qoşulmuş, bir müddət Evin həbsxanasında saxlanılmışdır. O, 2011-ci ildə Əli Xameneiyə göndərdiyini açıq məktubda işgəncəyə məruz qaldığını bildirmişdir. Zəm daha sonra Fransaya mühacirət edir.

Həbsi

İran İnqilab Keşikçiləri 14 oktyabr 2019-cu ildə bəyan etmişdir ki, Ruhullah Zəm İrana qayıdıb və orada saxlanılıb. Keşikçilər bu xəbəri "Amad News" kanalını ələ keçirərək orada paylaşmışdır.

İran məhkəməsi 30 iyun 2020-ci il tarixində Ruhullah Zəm barəsində edam hökmü çıxarmışdır.

İstinadlar

1. https://www.elperiodico.com/es/internacional/20201212/ejecutado-iran-periodista-ruhollah-zam-11383361
2. Nəcibulla, Firəngiz (5 yanvar 2018). "Controversial Exile Using Social Media To Try To Bring Down Iranian Government". rferl.org (ingilis). Radio Free Europe. İstifadə tarixi: 30 iyun 2020.
3. Qambrell, Con. "Protests in Iran fanned by exiled journalist, messaging app". apnews.com (ingilis). AP News. İstifadə tarixi: 30 iyun 2020.
4. Əlfuni, Əli. "Tehran's campaign against the opposition raises questions". thearabweekly.com (ingilis). The Arab Weekly. İstifadə tarixi: 30 iyun 2020.
5. "The App Powering the Uprising in Iran, Where Some Channels Pushed for Violence". thedailybeast.com (ingilis). The Daily Beast. İstifadə tarixi: 30 iyun 2020.
6. "نامه روح‌الله زم به رهبر ایران در مورد بدرفتاری در زندان". bbc.com/persian (fars). BBC News. 20 fevral 2012. İstifadə tarixi: 30 iyun 2020.
7. Əbri, Ehsan. "With highspeed internet, the regime would be gone in a month". www.bild.de (ingilis). Bild. İstifadə tarixi: 30 iyun 2020.
8. "ایستگاه خبر؛ دوشنبه ۲۲ مهر ماه ۱۳۹۸". bbc.com/persian (fars). BBC Persian. İstifadə tarixi: 30 iyun 2020.
9. "Jurnalist Ruhullah Zəm haqqında edam hökmü çıxarılıb". azevoice.az (azərb.). Aze Voice. 30 iyun 2020. June 30, 2020 tarixində . İstifadə tarixi: 30 iyun 2020.