Rəşad Məmmədov (aktyor)

Vikipediyada bu ad-soyadlı digər şəxslər haqqında da məqalələr var; bax: Rəşad Məmmədov.

Məmmədov Rəşad Rasim oğlu (28 sentyabr 1986, Bakı) – Azərbaycanlı aktyor.

Rəşad Məmmədov
Məmmədov Rəşad Rasim oğlu
Doğum tarixi	28 sentyabr 1986(37 yaş)
Doğum yeri	Bakı
Vətəndaşlığı	azərbaycan
Atası	Rasim
Fəaliyyəti	Aktyor
IMDb	ID2929276

Həyatı

28 sentyabr 1986-cı ildə Bakı şəhərində anadan olub. Orta məktəbi bitirdikdən sonra 248 saylı peşə məktəbinə daxil olmuşdur.

İş fəaliyyətinə 2001-ci ildən A.Şaiq adına Azərbayjan Dövlət Kukla Teatrından başlamışdır.

2003-cü ildən Azərbayjan Dövlət Musiqili Komediya teatrında əvvəlcə səhnə maşinisti, sonralar isə xor artisti kimi fəaliyyət göstərməyə başlayıb.

Teatrda işlədiyi müddət ərzində «O olmasın, bu olsun», «Hələlik», «Bankir adaxlı», «Səhnədə məhəbbət», «Məhəbbət oyunu», «Qırmızı papaq», «Şən dul qadın», «Əlin cibində olsun», «Məsmə xala dayımdır», «Maritsa», «Talelər qovuşanda», «Volqalı canan», «Silva», «Bəydullanın möhtəşəm toyu», «Çılğın Qasqoniyalı», «Bir günlük siğə», «Aldın payını, çağır dayını», «Şeytanın yubileyi» və s. bu kimi tamaşalarda iştirak edir.

R.Abbasov hal-hazırda Musiqili Komediya teatrında yaradıcılıq fəaliyyətini davam etdirir.

Subaydır.

Filmoqrafiya

1. Qızlar (film, 2007)
2. Miras (2008)
3. Mübariz (2018)
4. Bağli qapilar (2019)

İstinadlar