Qahir Hüseynov
Qahir Hüseynov (tam adı: Hüseynov Qahir Qüdrət oğlu; 7 iyul 1968, Sarov, Qasım İsmayılov rayonu – 18 iyun 1992) — "Azərbaycan Bayrağı" ordeni kavaleri Qarabağ müharibəsinin iştirakçısı.
Qahir Hüseynov | |
---|---|
Qahir Qüdrət oğlu Hüseynov | |
Şəxsi məlumatlar | |
Doğum tarixi | |
Doğum yeri | |
Vəfat tarixi | (23 yaşında) |
Vətəndaşlığı | SSRİ→ Azərbaycan |
Milliyyəti | azərbaycanlı |
Təltifləri |
Həyatı
Hüseynov Qahir Qüdrət oğlu 7 iyul 1968-ci ildə Goranboy rayonunun Sarov kəndində anadan olub. 1975-ci ildə Sarov kənd 8 illik məktəbin 1-ci sinifinə gedib və 1983-cü ildə 8 illik məktəbini, 1985-ci ildə Dəlimmmədli orta məktəbini bitirib və həmin ildə Rusiyanın Ulyanovsk şəhərində Ali hərbi tank məktəbinə qəbul olunub. 1989-cu ildə ali məktəbi bitirib və təyinatla Rusiyanin Zabaykal hərbi dairəsində Ulan Ude şəhərində hərbi hissədə 198-ci motoatıcı diviziyasında tank alayının hərbi tank tağımının komandiri vəzifəsində leytenant rütbəsində hərbi qulluğa başlayıb.
Hərbi xidməti
Birinci Qarabağ müharibəsində iştirakı
1992-ci ildə 2 zabit dostu ilə vətənə köməyə gəliblər. Azərbaycan Müdafiə Nazirliyinə müraciət edib. N saylı alayda tank komandiri təyin olunub. 1992-ci ilin mart ayında Ağdam rayonunda yerləşən N sayli hərbi hissənin tank taborunun komandiri vəzifəsinə təyin olunan baş leytenant Qahir Hüseynov dərhal əməliyyat və döyüş şəraiti ilə yaxından tanış olub. Xidmətinin ilk günlərindən qorxmazlığı və igidliyi ilə fərqlənən Qahir qısa bir zamanda komandanlığın və döyüşçülərin rəğbətini qazanır. Ağdam və Tərtər uğrunda gedən döyüşlərdə iştirak edib. 18 iyun 1992-ci ildə axşam 20.30 radələrində Qahir va Şirin Mirzəyev (polkovnik-leytenant, Azərbaycanın Milli Qəhrəmanı) döyüşçülərin mövqelərini yoxlayıb növbəti döyüş tapşırıqlarını verib geri dönərkən Ağdamın Qaralar kəndi ərazisində UAZ 469 markalı avtomobildə minaya düşüblər.
Təltifləri
- Ölümündən sonra Azərbaycan Bayrağı ordeni ilə təltif olunub.
Xatirəsinin əbədiləşdirilməsi
Goranboy rayonun Dəliməmmədli kəndində adına küçə var.Doğulduğu Sarov kənd Mədəniyyət evi Qahir Hüseynovun adını daşıyır.
Həmçinin bax
İstinadlar
- Azərbaycan Respublikasının hərbi qulluqçularının təltif edilməsi haqqında
- Hüseynov Qahir Qüdrət
- Hüseynov Qahir Qüdrət oğlu
- Bu gün altı igidimiz şəhid olub[ölü keçid]l