Nizami Quliyev

Nizami Yusif oğlu Quliyev (17 avqust 1956(1956-08-17), Gədəbəy – 1 noyabr 2017(2017-11-01), Bakı) — azərbaycanlı dövlət və siyasi xadim, Azərbaycan Milli Məclisinin I və II çağırış üzvü.

Nizami Quliyev
Nizami Yusif oğlu Quliyev
Azərbaycan Milli Məclisinin I və I çağırış üzvü 4 fevral 1996 — 30 noyabr 2005
Şəxsi məlumatlar
Partiya	Azərbaycan Xalq Cəbhəsi Partiyası, Aydınlar Partiyası^[d]
Təhsili	Gəncə Dövlət Universiteti
Doğum tarixi	17 avqust 1956(1956-08-17)
Doğum yeri	Gədəbəy, Gədəbəy rayonu, Azərbaycan SSR, SSRİ
Vəfat tarixi	1 noyabr 2017(2017-11-01) (61 yaşında)
Vəfat yeri	Bakı, Azərbaycan
Vətəndaşlığı	Azərbaycan

Həyatı

Nizami Quliyev 1956-cı il avqustun 17-də Gədəbəy şəhərində anadan olub. Gəncə Dövlət Pedaqoji İnstitutunda tarix üzrə ali təhsil alıb. Rus dilini bilir. 2008-ci ilədək Azərbaycan Xalq Cəbhəsi Partiyasının (AXCP), 2008-ci ildən ölümünədək Aydınlar Partiyasının üzvü olmuşdur.

1 noyabr 2017-ci il tarixində vəfat etmişdir.

Nizami Quliyev ailəli olmuşdur, üç övladı var.

Fəaliyyəti

1996-cı il fevralın 4-də baş tutan Parlament seçimlərində 73 nömrəli Gədəbəy dairəsindən Azərbaycan Xalq Cəbhəsi Partiyasının (AXCP) namizədi olan Nizami Quliyev I çağırış Milli Məclisin deputatı seçilib. 1996-cı il fevralın 4-dən səlahiyyətlərinin icrasına başlayan Nizami Quliyev Milli Məclisin Yerli özünüidarəetmə məsələləri Daimi Komissiyasının və Azərbaycan—Danimarka parlamentlərarası əlaqələr üzrə işçi qrupunun üzvü olub.

Daha sonra 2000-ci il noyabrın 5-də baş tutan Parlament seçimlərində 73 saylı Gədəbəy dairəsindən Azərbaycan Xalq Cəbhəsi Partiyasının (AXCP) namizədi olan Nizami Quliyev II çağırış Milli Məclisin deputatı seçilib. 2000-ci il noyabrın 12-dən səlahiyyətlərinin icrasına başlayan Nizami Quliyev Milli Məclisin Regional məsələlər Daimi Komissiyasının və Azərbaycan—Sloveniya parlamentlərarası əlaqələr üzrə işçi qrupunun üzvü olub.

2008-ci ildə Azərbaycan Xalq Cəbhəsi Partiyasından (AXCP) istefa verərək Qulamhüseyn Əlibəyli rəhbərliyində qurulan Aydınlar Partiyasına qatılmışdır. O, Aydınlar Partiyasının Ali Məclisinin sədri olmuşdur.

İstinadlar

1. https://m.modern.az/az/news/147653
2. "I çağırış Azərbaycan Milli Məclisinin Yerli özünüidarəetmə məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 24 noyabr 1995-ci il tarixli Qərarı" (PDF) ( (az.)). 24.11.1995. 26.08.2020 tarixində (PDF). İstifadə tarixi: 26.08.2020.
3. "I çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 7 mart 1997-ci il tarixli 256-IQR nömrəli Qərarı" ( (az.)). 07.03.1997. 26.08.2020 tarixində . İstifadə tarixi: 26.08.2020.
4. "II çağırış Azərbaycan Milli Məclisinin Regional məsələlər Daimi Komissiyasının üzvlərinin seçilməsi haqqında Azərbaycan Milli Məclisinin 30 noyabr 2000-ci il tarixli Qərarı" (PDF) ( (az.)). 30.11.2000. 24.08.2020 tarixində (PDF). İstifadə tarixi: 24.08.2020.
5. "II çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 30 noyabr 2000-ci il tarixli 24-IIQR nömrəli Qərarı" ( (az.)). 30.11.2000. 26.08.2020 tarixində . İstifadə tarixi: 26.08.2020.