Nikoya yarımadası

Nikoya (isp. Nicoya) — Mərkəzi Amerika ərazisində, Kosta-Rikanın şimal-qərbində yerləşən yarımada.

Nikoya yarımadası
10°03′14″ şm. e. 85°28′00″ q. u.^(T)
Akvatoriyası	Sakit okean
Sahəsi	1.074 km²
Ölkə	Kosta-Rika Kosta-Rika

Coğrafiya

Yarımada Nikoya körfəzini Sakit okeandan ayırır. Yarımadanın sahəsi 1074,95 km² təşkil edir. Yarımadanın şimalı Quanakaste, cənubu isə Puntarenas vilayəti ərazisinə daxildir. Ən hündür nöqtəsi Serro-Asul (1018 m) dağıdır. Ərazisindən axan ən uzun çay Tempiskedir. İqlimi isti və qurudur. Yarımadanın bitki və heyvanlar aləmi rəngarəngdir. Ərazisində üç milli park vardır: Barra-Onda Milli parkı, Diriya Milli parkı, Las-Baulas Milli parkı.

Ən iri şəhərləri: Nikoya, Filadelfiya, Santa-Krus. Nikoya şəhəri Kosta-Rika ərazisidə yerləşən ən qədim şəhərdir və 1523 ildə salınmışdır. Burada 20 000 nəf. (2000) yaşayır.

Tarixi

1930 ildə Dikvis çayında Dokolumbov sivilizasiyasına aid arxeoloji abidələr aşkarlanmışdır.

Yarımadanı avropalılar ilk dəfə 1518-ci ildə Qaspar de Espinosanın ekspedisiyası zamanı kəşf edilmişdir. İspan imperiyası dönəmində 1814-ci ildə Quanakaste vilayəti Nikoraquadan ayrılaraq Kosta-Rikaya birləşdirilir. Birləşmə 25 iyul 1825-ci ildə referemdumla təstiqlənmişdir. Bu gün Kosta-Rikada milli bayram kimi qeyd edilir.

İstinadlar

1. Brian Haughton. Hidden History: Lost Civilizations, Secret Knowledge, and Ancient Mysteries. Career Press, 2007. ISBN 1-56414-897-1. Pages 120—124.
2. İspanların açılışları
3. Quanakastenin birləşdirilməsi günü

Mənbə

• Yarımadanın videosu Youtube.com
• Monge Nájera, Julián (2004) (en español). Historia Natural de Guanacaste. EUNED. pp. 213 páginas. ISBN 9968-31-348-3.
• González, Carmen Rocío (1998) (en español). Geografía física de Costa Rica. EUNED. pp. 163 páginas. ISBN 9977-64-978-2.