Nicat Xankişiyev

Nicat Aşur oğlu Xankişiyev (27 yanvar 1999(1999-01-27), Həsənabad, Neftçala rayonu – 7 oktyabr 2020(2020-10-07), Hadrut, Xocavənd rayonu) — Azərbaycan Silahlı Qüvvələrinin əsgəri, Vətən müharibəsinin şəhidi.

Nicat Xankişiyev
Şəxsi məlumatlar
Doğum tarixi	27 yanvar 1999(1999-01-27)
Doğum yeri	Həsənabad, Neftçala rayonu, Azərbaycan
Vəfat tarixi	7 oktyabr 2020(2020-10-07) (21 yaşında)
Vəfat yeri	Hadrut, Xocavənd rayonu, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2017–2020
Rütbə	Əsgər
Döyüşlər	Vətən müharibəsi  • Füzuli döyüşləri  • Cəbrayıl döyüşləri  • Suqovuşan  • Xocavənd  • Qubadlı  • Hadrut
Təltifləri	2020 2020 2020 2020 2020

Həyatı

Nicat Xankişiyev 27 yanvar 1999-cu il tarixində Azərbaycanın Neftçala rayonunun Həsənabad qəsəbəsində anadan olmuşdur. Atası Aşur traktor sürücüsü, anası isə Seyidnisə idi. O, daha 2 oğlan və 2 qızın olduğu ailənin ən kiçik uşağı idi. Xankişiyev 2005-ci ildə Şəmsəddin Orucov adına Həsənabad qəsəbə tam orta məktəbində 1-ci sinifə daxil olmuş, 2016-cı ildə həmən məktəbin məzunu olmuşdur.

Hərbi xidməti

Nicat Xankişiyev 30 yanvar 2017-ci il tarixində Neftçala RHK-dan hərbi xidmətə yollanmışdır. O, xidmətini Beyləqan rayonunda etmiş, 2018-ci ilin iyul ayında tərxis olmuşdur. Kəşfiyyatçı kimi xidmət etmiş Xankişiyev hərbi xidmətini təşəkkürnamə ilə başa vurmuşdur. Xankişiyev 21 sentyabr 2020-ci il tarixində cəbhəyə yollanmışdır. O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşmışdır. Xankişiyev Füzuli, Cəbrayıl, Suqovuşan, Xocavənd, Qubadlı, Hadrut döyüşlərində yaxından iştirak etmişdir. Nicat Xankişiyev 7 oktyabr 2020-ci il tarixində Hadrut uğrunda gedən döyüşlərdə şəhid olmuşdur. Nicat Xankişiyev anadan olduğu Həsənabad qəsəbəsində dəfn edilmişdir.

Təltiflər

•  2020 (15 dekabr 2020) — "Vətən uğrunda" medalı (ölümündən sonra)
•  2020 (18 dekabr 2020) — "İgidliyə görə" medalı (ölümündən sonra)
•   (24 dekabr 2020) — "Cəbrayılın azad olunmasına görə" medalı (ölümündən sonra)
•   (25 dekabr 2020) — "Xocavəndin azad olunmasına görə" medalı (ölümündən sonra)
•   (29 dekabr 2020) — "Şuşanın azad olunmasına görə" medalı (ölümündən sonra)

İstinadlar

1. "Nicat Xankişiyev: Döyüş tapşırığını yerinə yetirən zamanı şəhid oldu". memorial.az (azərb.). İstifadə tarixi: 12 iyun 2021.
2. Əliyev, İlham (15 dekabr 2020). "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" (azərb.). 17 dekabr 2020 tarixində . İstifadə tarixi: 12 iyun 2021.
3. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". www.e-qanun.az (azərb.). 24.12.2020. 2020-12-24 tarixində arxivləşdirilib. İstifadə tarixi: 12 iyun 2021.
4. Normativ hüquqi sənədlərin vahid internet bazası (25.12.2020). "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az ( (azərb.)). 2020-12-25 tarixində arxivləşdirilib. İstifadə tarixi: 12 iyun 2021.
5. "Azərbaycan Respublikası Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı". president.az. 29 dekabr 2020. 29 dekabr 2020 tarixində . İstifadə tarixi: 12 iyun 2021.