Nicat Dadaşov

Nicat Sahib oğlu Dadaşov (eng. Nijat Dadashov; 30 noyabr 1989, Bakı) – ssenarist, yazıçı. Azərbaycan Kinematoqrafçılar İttifaqının üzvüdür. "Xənnas", Nazik Mətləb", "Xəzərin üzərində yelləncək" filmlərinin,"Ögey ana", "Könül yarası", "Məryəm", "Sarı gəlin" televiziya seriallarının müəllifidir. "Rusiyanın görkəmli azərbaycanlıları" beynəlxalq sənədli filmlər ssenariləri müsabiqəsinin laureatıdır.

Nicat Dadaşov
Пояснительная подпись
Doğum tarixi	30 noyabr 1989 (31 yaş)
Doğum yeri	Bakı Azərbaycan
Milliyyəti	azərbaycanlı
Vətəndaşlığı	Azərbaycan
Fəaliyyəti	Ssenarist, yazıçı
IMDb	ID 10095876

Həyatı

Nicat Sahib oğlu Dadaşov 30 noyabr 1989-cu ildə Bakı şəhərində anadan olub. Məktəbi bitirdikdən sonra, 2007–2011-ci illərdə Bakı Dövlət Universitetində təhsil alıb.

Nicat Dadaşov – "Xənnas" (2017), "İki yad adam" (2017), "Sükut" (2018), "Qaynana 2018" (2018), "Nazik Mətləb" (2021), "Xəzərin üzərində yelləncək" (2021) filmlərinin, "İkinci bahar" (2014), "Məryəm" (2016),"Ögey ana" (2017), "Sarı gəlin" (2017), "Könül yarası" (2018) seriallarının ssenari müəllifidir.

N.Dadaşovun 2018-ci ildə Mir Cəlal Paşayevin "Kəmtərovlar ailəsi" hekayəsinin motivləri əsasında yazdığı "İki yad adam" filmi Pekində "Grand Asian" film festivalında "Ən yaxşı sosial film" mükafatına layiq görülüb. Azərbaycan Kinematoqrafçılar İttifaqı A. M. Qorçakov adına İctimai Diplomatiyaya Dəstək Fondu ilə birgə həyata keçirtdiyi "Rusiyanın görkəmli azərbaycanlıları" beynəlxalq sənədli filmlər ssenariləri müsabiqəsində laureatlar siyahısında olub.

N.Dadaşov bir sıra hekayə və romanın müəllifidir. 2014 ildə yazıçının "Həyatın bir anı" adlı hekayələr kitabı çap edilib və 2021-ci ildə müəllifin "Bizim vaxtımız keçib" adlı romanı oxuculara təqdim olunacaq.

Filmoqrafiya

1. İkinci bahar (serial, 2014) (ssenari müəllifi)
2. Məryəm (teleserial, 2016) (ssenari müəllifi)
3. Xənnas (tammetrajlı film, 2017) (ssenari müəllifi)
4. İki yad adam (qısametraflı film, 2017) (ssenari müəllifi)
5. Ögey ana (serial, 2017) (ssenari müəllifi)
6. Aktyor (qısametrajlı film, 2017) (ssenari müəllifi)
7. Sarı gəlin (serial, 2017) (ssenari müəllifi)
8. Qaynana 2018 (tammetrajlı film, 2018) (ssenari müəllifi)
9. Sükut (qısametrajlı film, 2018) (ssenari müəllifi)
10. Könül yarası (serial, 2018) (ssenari müəllifi)
11. Qara yazı (teleserial, 2019) (ssenari müəllifi)
12. Yad gəlin (serial, 2020) (ssenari müəllifi)
13. Nazik Mətləb (tammetrajlı film, 2021) (ssenari müəllifi)
14. Xəzərin üzərində yelləncək (tammetrajlı film, 2021) (ssenari müəllifi)

İstinadlar

1. "İki yad adam" filmi Çində mükafatlandırıldı
2. Kinematoqrafçılar ittifaqı ssenari müsabiqəsinin qaliblərinin adlarını açıqladı

Xarici keçidlər

• Rəsmi Facebook profili
• Rəsmi İnstagrm profili
• Bioqrafiyası (Rusca)