Məhərrəm Məhərrəmov

Məhərrəm Məmməd oğlu Məhərrəmov (rus. Магеррамов Магеррам Мамедович ; d. 7 dekabr 1971, Qazaxıstan SSR, SSRİ) — Qazaxıstan Respublikası Məclisinin deputatı..

Məhərrəm Məhərrəmov
Doğum tarixi	7 dekabr 1971 (49 yaş)
Doğum yeri	Balpık bi Koksusk Almatı vilayəti
Vətəndaşlığı	Qazaxıstan
Fəaliyyəti	siyasətçi

Həyatı və təhsili

Məhərrəmov Məhərrəm Məmməd oğlu 1971-ci dekabrın 7-də Almatı vilayətinin Koksusk rayonunun Balpık bi qəsəbəsində anadan olub. Babaları 1937-ci ildə Stalin repressiyaları nəticəsində Naxçıvanın Şərur rayonunun Ərəbyengicə kəndindən Qazaxıstana sürgün olunublar.1989–1991-ci illərdə SSRİ-nin Dövlət Təhlükəsizlik Xidmətinin (KQB) Rusiyanın Çita şəhərində yerləşən Qırmızı Ulduzlu Zabaykal sərhəd dairəsində hərbi xidmətdə olub. 1998-ci ildə Qazaxıstan Kommunist Partiyasına üzv qəbul olunub, 2001-ci ildə Partiyanın Almatı vilayət komitəsinin birinci katibi, elə həmin ildə də QKP-nin Mərkəzi Komitəsinin üzvü seçilib. 2005-ci ildə Partiyanın prezidentliyə namizədinin seçkiqabağı kampaniyası qərargahının rəhbəri, 2004, 2007 və 2012-ci illərdə isə Qazaxıstan Respublikasının Parlament Məclisinə deputatlığa namizəd olub. 2009-cu ildə Joldasbekov adına İqtisadiyyat və Hüquq Akademiyasında hüquqşünaslıq üzrə təhsil alıb. O, həmçinin QXKP MK-nın təşkilati-partiya və kadr işləri şöbəsinin müdiridir. M.Məhərrəmov Qazaxıstan Xalq Kommunist Partiyasının Almatı vilayətinin birinci katibi kimi martın 20-də keçirilən seçkilərdə 7 faizlik səddi aşaraq partiya siyahısı əsasında uğur qazanaraq Qazaxıstanın Parlament Məclisinin deputatı seçilib.

Ailəsi

Ailəlidir bir qızı iki oğlu var.

Mükafatları

2016-cı ildə Məhərrəm Məhərrəmov Prezident Nursultan Nazarbayevin fərmanı ilə təltif edilib. O, "Əmək fəaliyyətində fərqlənməyə" görə medalı və "Qazaxıstan Respublikasının 25 illiyi" ilə bağlı yubiley medalı ilə təltif olunub.

İstinadlar

1. "Qazaxıstan Parlament Məclisinə azərbaycanlı deputat seçilib" (azərb. ‎). 25 mart 2016.
2. Pünhan Mirzə (6 aprel 2016). "Qazaxıstanda deputat seçilən azərbaycanlı kimdir?" (azərb. ‎).
3. modern.az (6 dekabr 2016). "Qazaxıstan parlamentinin azərbaycanlı kommunist deputatı: "Bizi ölməyə qoymadılar"" (azərb. ‎).
4. "МАГЕРРАМОВ Магеррам Мамедович" (rus. ).^{[ölü keçid]}
5. Fuad Hüseynzadə (7 yanvar 2017). "Azərbaycanlılar Qazaxıstanda bütün sahələrdə çalışırlar" (azərb. ‎).
6. "МАГЕРРАМОВ МАГЕРРАМ МАМЕДОВИЧ" (qaz. ).
7. "Магеррамов Магеррам Мамедович" (rus. ).
8. "Nursultan Nazarbayev Qazaxıstan parlamentinin azərbaycanlı deputatını təltif edib" (azərb. ‎). 19 dekabr 2016.
9. "Qazaxıstan prezidenti azərbaycanlı deputatı təltif edib" (azərb. ‎). 20 dekabr 2016.