Məhəmməd Qocayev
Bu məqalə qaralama halındadır. Məqaləni redaktə edərək Vikipediyaya kömək edə bilərsiniz. Əgər mümkündürsə, daha dəqiq bir şablondan istifadə edin. Bu məqalə sonuncu dəfə 39 gün əvvəl TexnoBot tərəfindən redaktə olunub. (Yenilə) |
Məhəmməd Qəmbər oğlu Qocayev (1912 - 27 noyabr 1972 ) — Gürcüstan SSR dövlət və partiya xadimi. 1950-1951-ci illərdə Gürcüstan SSR Marneuli Rayon XDS İcrayyə Komitəsinin Sədri. Sovet İttifaqı Sosialist Əməyi Qəhrəmanı.
Məhəmməd Qocayev | |
---|---|
Məhəmməd Qəmbər oğlu Qocayev | |
Şəxsi məlumatlar | |
Təhsili | Ali |
Fəaliyyəti | Gürcüstan SSR regional idarəetmə sahəsi |
Doğum tarixi | |
Doğum yeri | Qaçağan, Borçalı qəzası, Tiflis quberniyası, Qafqaz canişinliyi, Rusiya İmperiyası |
Vəfat tarixi | |
Vəfat yeri | Marneuli, Gürcüstan SSR, SSRİ |
Vətəndaşlığı | Rusiya İmperiyası 1897-1917 Zaqafqaziya Demokratik Federativ Respublikası 1918 Gürcüstan Demokratik Respublikası 1918-1921 Gürcüstan SSR 1921-1922 SSRİ 1922-1972 |
Atası | Qəmbər Qoca oğlu Qocayev |
Anası | Xeyransa Alı qızı Qocayeva |
Həyat yoldaşı | Zöhrə Səməd qızı Qocayeva |
Uşaqları | Ramiz Qocayev,Mübariz Qocayev,Afis Qocayev,Qəmbər Qocayev. |
| |
Təltifləri | Sosialist Əməyi Qəhrəmanı |
Həyatı
Məhəmməd Qəmbər oğlu Qocayev 1912ci ildə anadan olmuşdur.1917ci ildə atasını itirən 5yaşlı Məhəmməd,anası Xeyransa Alı qızının himayəsində qalır. 1927ci ildə Məhəmməd Qocayev komsomol sıralarina qəbul olunur,1929-cu ildə Kəndli Gənclər Məktəbini bitirir. 1930-cu ildə Gürcüstan SSR Maarif Komissarlığının Tbilisidə 6aylıq kursuna daxil olur.Oranı bitirdikdən sonra Borçalı rayonunun Betarabçı kənd dördillik məktəbinə müdir təyin edilir. 1932-ci ildə Qaçağan kənd sovetliyinin katibi,sonra kənd sovet sədrinin müavini seçilir. 1933-cü ildə Borçalı Rayon Partiya Komitəsi Bürosunun qərarı ilə Tbilisi şəhərindəki Zaqafqaziya Ali Kommunist Kənd Təsərrüfatı Məktəbinə təhsil almağa göndərilir.1935-ci ildə Gürcüstan LKGİ MK bürosunun qərarı ilə Borçalı rayon komsomol komitəsində təlimatçı-təbliğatçı vəzifəsinə təyinat alır.
Məhəmməd Qocayev 1936-cı ildə "Gündoğan"kolxozuna sədr seçilir. 1938-ci ildə Borçalı Rayon Tədarük İdarəsinə direktor və rayon istehlak İdarəsinin sədri seçilir. 1939-cu ildə Borçalı Rayonunun Xalq Maarif Şöbəsinin müdiri vəzifəsinə keçirilir. 1940-1945-ci illərdə əvvəl Marneuli,sonra Şulaver maşın-traktor stansiyalarının direktoru olmuşdur. 1946-cı ildə "Sosializm"kolxozunun sədri seçilir. "Sosializm"kolxozunun sədri Məhəmməd Qocayev kənd təsərrüfatı məhsullarının,xüsusilə tütüncülüyün inkişafında göstərdiyi yüksək təşkilatçılıq və təşəbbüskarlıq hünərinə görə SSRİ Ali Soveti Rəyasət Heyətinin 3may 1949-cu il tarixli Fərmanı ilə Lenin ordeni və "Oraq-Çəkic Qızıl Ulduz" medalı təqdim edilməklə Sosialist Əməyi Qəhramanı adına layiq görülür.
1949-51-ci illərdə Marneuli rayon XDS İcraiyyə Komitəsinin sədri vəzifəsində çalışır,bölgənin yüksəlişi uğrunda hərtərəfli qabiliyyət nümayiş etdirir. 1951-ci ildə ikinci Lenin ordeni ilə təltif olunur. 1951-54-cü illərdə Gürcüstan KP MK nəzdində 3illik Ali Partiya Məktəbinə göndərilmişdir. 1954-cü ildə Marneuli yağ-süd zavoduna direktor təyin edilir. 1957-ci ildə "Qırmızı Körpü" maşın-traktor stansiyasının direktoru vəzifəsinə keçirilir. 1963-cü ilə qədər həmin vəzifədə çalışan Məhəmməd Qocayev kənd təsərrüfatı texnikasının təmiri və bərpası sahəsində yüksək təşkilatçılıq,işgüzarlıq nümayış etdirir. 1963-cü ildə Məhəmməd Qocayev regionun 5 bölgəsinə(Marneuli, Bolnisi, Dmanisi, Tetriskaro, Salka) xidmət göstərən Taxıl Məhsulu Tədarükü kombinatına baş direktor göndərilir. 1966-cı ildə Məhəmməd Qocayev "Şərəf nişanı" ordeni ilə təltif olunur. 1969-cu ildə Alget tərəvəzçilik-südçülük sovxozuna direktor vəzifəsinə göndərilir. 1970-72-ci illərdə Məhəmməd Qocayev Marneuli Baş pendir-yağ-süd zavodunun direktoru vəzifəsində son fəaliyyətini etdirir. Məhəmməd Qocayev həm də görkəmli ictimai-siyasi xadim idi. O, daşıdığı vəzifələrinə və malik olduğu Sosialist Əməyi Qəhrəmanı adına görə Gürcüstan KP MK üzvü seçilmişdir.
Soykökü
Qəmbəruşağı
İctimai-siyasi karyerası
Gürcüstan SSR dövlət və partiya xadimi