Muraz Gülməmmədov

Muraz Tariyel oğlu Gülməmmədov - Aşina Türk Qarapapaq Xanı, Gürcüstan ictimai-siyasi xadimi. Gürcüstan Azərbaycanlılarının Milli Assambleyası Ali Məclisinin Sədri və Gürcüstan Türkləri Konfederasiyası Mərkəzi Nəzarət Komitəsinin Sədri

MURAZ GÜLMƏMMƏDOV
Muraz Tariyel oğlu Gülməmmədov მურაზ გიულმამედოვი
Aşina Türk Qarapapaq Xanı 20 iyul 2013 — ömürlük
Sələfi	Titul verilib
Gürcüstan Türkləri Konfederasiyası Mərkəzi Nəzarət Komitəsinin 1-ci Sədri 5 noyabr 2011 — 10 aprel 2014
Sələfi	vəzifə təsis edilib
Gürcüstan Azərbaycanlılarının Milli Assambleyası Ali Məclisinin Sədri 20 avqust 2012 — vəzifədədir
Sələfi	Əsəd Əliyev
Gürcüstan Azərbaycanlılarının Milli Assambleyasının Baş katibi 14 dekabr 2011 — 20 avqust 2012
Sələfi	Eyyub Eyyubov
Xələfi	Elmar Həsənov
Şəxsi məlumatlar
Doğum tarixi	2 dekabr 1983 (37 yaş)
Doğum yeri	Qaçağan, Marneuli rayonu, Gürcüstan SSR
Atası	Gülməmmədov Tariyel
Anası	Gülməmmədova Müşgünaz
Uşaqları	Gülməmmədova Aygün Gülməmmədova Nuray

Həyatı

Muraz Tariyel oğlu Gülməmmədov 12 sentyabr 1983-cü ildə Gürcüstan SSR-in Marneuli rayonunun Qaçağan kəndində ziyalı ailəsində anadan olub. Uşaqlığı Qaçağan kəndində keçib.

Təhsili

• 2000-ci ildə M.H.Mollayev adına Qaçağan 1 saylı orta məktəbini bitirib.
• 2010-cu ildə Ə.Topçubaşov adına Ali Siyasi Məktəbiin (ASM) "İnformasiyanın idarə olumnası" kursunu bitirib.
• 2012-cu ildə Qafqaz Siyasi Texnologiyalar Institutunun "Konfliktologiya" kursunu bitirib.

Muraz Gülməmmədov Azərbaycan, rus və türk dillərində sərbəst danışır.

İctimai-siyasi fəaliyyəti

Muraz Gülməmmədov ictimai-siyasi fəaliyyətə əmisi Daşqın Gülməmmədovun təsiri ilə çox gənc yaşlarından başlayıb. 2001-ci ildə Gürcüstan Azərbaycanlılarının Milli Assambleyası Təşkilat Şurasının yaradılmasında yaxından iştirak edib. Gürcüstanda yaşayan türdilli əhalinin konstitusion hüquqlarının qorunması yönümündə fəaliyyət göstərib. 2002-ci ildə Gürcüstan Azərbaycanlılarının Milli Assambleyası Müvəqqəti Ali Komitəsinin Katibliyinin tərkibinə daxil olub. 2005-ci ildən etibarən M.Saakaşvili müxalif mövqeydə durduğuna görə siyasi motivlərlə qondarma ittihamlar əsasında həbs edilib və ictimai təzyiq nəticəsində azadlığa buraxılıb. 24 noyabr 2002-ci ildə Gürcüstan Azərbaycanlılarının Milli Assambleyasının Tbilisidə keçirilən Təsis qurultayının nümayəndəsi olub. 25 noyabr 2002-ci ildən 10 may 2006-cı ilədək Gürcüstan Azərbaycanlılarının Milli Assambleyası Təhlükəsizlik Xidmətinin Rəisi vəzifəsini icra edib. Muraz Gülməmmədov 14 mart 2006-cı ildə M.Saakaşvili iqtidarına qarşı çıxdığı üçün Gürcüstan Dövlət Təhlükəsizlik Nazirliyi və Baş Prokurorluğun əməkdaşları tərfindən həbs edilərək Tbilisiyə aparılıb. Lakin ciddi ictimai etiraz qalxdığından Gürcüstan hüquq-mühafizə orqanları 16 mart 2006-cı il tarixdə M.Gülməmmədovu azad etməyə məcbur oldular. 2011-ci ildə M.Gülməmmədov GAMA Ali Məclisinin üzvü kimi Gürcüstan Türkləri Konfederasiyasının yardılmasında yaxından iştirak edib. 2 noyabr 2011-ci ildə Gürcüstan Türkləri Konfederasiyasının Azərbaycanın Gəncə şəhərində keçirilən Təsis Qurultayında GAMA nümayəndə heyətininə daxil olub və Qurultayda Gürcüstan Türkləri Konfederasiyası Mərkəzi Nəzarət Komitəsinin üzvü seçilib. 5 noyabr 2011-ci il tarixdə Gürcüstan Türkləri Konfederasiyası Mərkəzi Nəzarət Komitəsinin ilk iclasında MNK Sədri vəzifəsinə seçilib. 14 dekabr 2011-ci ildə GAMA Baş katibi Eyyub Eyyubov vəzifəsindən getdikdən sonra Gürcüstan Azərbaycanlılarının Milli Assambleyasının Baş katibi təyin edilmiş və 20 avqust 2012-ci il tarixədək GAMA Baş katibi vəzifəsini tutmuşdur. 20 avqust 2012-ci ildə Gürcüstan Azərbaycanlılarının Milli assambleyası Ali Məclisinin növbədənkənar sesiyasında Ali Məclis Sədri seçilmişdir. 20 iyul 2013-cü il tarixdə Aşina Türk Qarapapaq Şadı Öndər Aksunun fərmanı ilə Muraz Gülməmmədova Aşina Türk Qarapapaq Xanı ali titulu verilmişdir.

İstinadlar

1. Избран новый президент Национальной ассамблеи азербайджанцев Грузии - www.aze.az^{[ölü keçid]}
2. Избран новый президент Национальной ассамблеи азербайджанцев Грузии - www.day.az
3. Qarapapaq türklərinə titullar verildi - www.avropa.info^{[ölü keçid]}
4. Gürcüstan Azərbaycanlılarının Milli Assambleyasının yeni prezidenti seçilib - www.azerinews.org.com^{[ölü keçid]}
5. Избран новый президент Национальной ассамблеи азербайджанцев Грузии www.day.az
6. У Национальной ассамблеи азербайджанцев Грузии новый президент www.regnum.ru^{[ölü keçid]}
7. Лидер грузинских азербайджанцев заявляет о преследовании со стороны спецслужб Тбилиси - www.axisglobe-ru.com
8. . 2016-03-05 tarixində orijinalından arxivləşdirilib. İstifadə tarixi: 2013-08-02.
9. Национальной ассамблеи азербайджанцев Грузии новый президент - www.regnum.ru^{[ölü keçid]}
10. Азербайджанцы Грузии готовятся к выборам - www.haqqin.az