Mehdiabad (Abşeron)
Mehdiabad — Azərbaycan Respublikasının Abşeron rayonunun inzibati ərazi vahidində qəsəbə.
| Mehdiabad | |
|---|---|
| 40°30′02″ şm. e. 49°51′14″ ş. u. | |
| Ölkə | Azərbaycan |
| Region | Abşeron rayonu |
| Tarixi və coğrafiyası | |
| Əsası qoyulub | 1956 |
| Saat qurşağı | |
| Əhalisi | |
| Əhalisi | 12 700 nəfər |
| Rəsmi dili | azərbaycanca |
| Rəqəmsal identifikatorlar | |
| Poçt indeksi | AZ0118 |
| | |
.svg.html){kind=link}
1957-ci ildə Samur-Abşeron kanalının istismara buraxılması ilə əlaqədar Novxanı Fatmayı və Digah kəndlərinin sahələrində Abşeron Üzümçülük sovxozlarının salınmasına qərar verilir və ora rəhbərlik etmək Səfərov Səfər Mirzəbala oğluna tapşırılır.S.Səfərovun təşəbbüsü ilə sovxoz üçün yeni qəsəbələrin salınması qərara alınır və tezliklə ilk binalar tikilir. S.Səfərovun səyi nəticəsində,qəsəbə əfsanəvi partizan, Sovet ittifaqı qəhrəmanı Mehdi Hüseynzadənin şərəfinə Mehdiabad adlandırılır.
Haqqında
Mehdiabad Abşeronun yeni salınmış, lakin böyük qəsəbələrindən biridir. Mehdiabad qəsəbəsinin salınması sırf iqtisadi amillərlə bağlı olub. Abşeron yarımadasında kənd təsərrüfatını, xüsusilə üzümçülüyü inkişaf etdirmək məqsədilə bu ərazidə 1956-cı ildə sovxoz yaradılıb. 1958-ci ildə ilk yaşayış evləri tikilib, istifadəyə verilib. Qəsəbədə əsasən Azərbaycanın müxtəlif bölgələrindən olan, xüsusilə 1949–1950-ci illərdə Qərbi Azərbaycan torpaqlarından departasiya edilmiş insanlar məskunlaşıb. Ərazisi 1957 hektar, əhalisi isə 11624 nəfərdir.
Bələdiyyəsi
1999-cu ildə yerli özünüidarəetmə orqanlarına ilk seçkilər keçirilərkən yaradılıb. Hazırda bələdiyyədə 13 nəfər üzv, 9 nəfər isə bələdiyyə qulluqçusu fəaliyyət göstərir. Bələdiyyə yarandığı gündən ərazidə bir çox quruculuq və abadlıq işləri həyata keçirilmiş, daxili yollar asfaltlanmış, yeni yaşayış massivlərinə qaz, su, elektrik xəttlərinin çəkilməsində imkanı daxilində köməklik göstərmişdir.
Ərazidə yaşıllıqların artırılması üçün müəyyən işlər görmüşdür. Daim aztəminatlı ailələrə qayğı göstərilmiş, bayramlarda onlara sovqat çatdırılması təmin edilmişdir. Qəsəbədə 2 mərtəbəli yaraşıqlı, müasir avadanlıqlarla təchiz edilmiş səhiyyə müəssisəsi tikilərək sakinlərin istifadəsinə verilmişdir. Gələcəkdə də bir çox işlərin görülməsi nəzərdə tutulur. Ünvan: Mehdiabad qəsəbəsi, "20 Yavnvar" küçəsi 18 Tel: (012) 343–15-55
Məktəblər
Ünvan: Mehdiabad qəsəbəsi, 20 yanvar küçəsi 1
Ünvan: Mehdiabad qəsəbəsi, 20 yanvar küçəsi Telefon: (012) 343 10 81 (012) 343 13 71
Ünvan: Mehdiabad qəsəbəsi, Q.Qarayev küçəsi Telefon: (012) 343 28 76
Ünvan: Mehdiabad qəsəbəsi
Ünvan: Binəqədi, Mehdiabad şosesi 20
İstinadlar
- Azərbaycan Respublikasının Dövlət Statistika Komitəsi
- http://absheron-ih.gov.az/page/11.html
- http://absheron-ih.gov.az/page/23.html
- http://absheron.edu.gov.az/az/page/511?page=3