Mayis Ağabəyov

Mayis Əlişir oğlu Ağabəyov (1 may 1941(1941-05-01), Bakı – 17 iyun 2020(2020-06-17), Bakı) — Azərbaycan kino rəssamı, inzibatçı, rəssam assistenti, geyim rəssamı və dekor rəssamı, Azərbaycan Respublikasının xalq rəssamı (2000).

Mayis Ağabəyov
Mayis Əlişir oğlu Ağabəyov
Doğum tarixi	1 may 1941
Doğum yeri	Bakı, Azərbaycan SSR, SSRİ
Vəfat tarixi	17 iyun 2020 (79 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Fəaliyyəti	rəssam
Mükafatları

Həyatı

Mayis Əlişir oğlu Ağabəyov 1 may 1941-ci ildə Bakıda anadan olub. 1961-ci ildə Azərbaycan Dövlət rəssamlıq məktəbini bitirmişdir. 1969-cu ildə Moskvada Ümumittifaq Dövlət Kinematoqrafiya İnstitutunun rəssamlıq fakültəsini bitirərək, "Azərbaycanfilm" kinostudiyasında quruluşçu rəssam kimi fəaliyyətə başlamışdır. 1965-ci ildən bir sıra Beynəlxalq və Respublika sərgilərində kino və rəngkarlıq əsərləri ilə iştirak etmişdir. 1996-cı ildən Azərbaycan Dövlət Mədəniyyət və İncəsənət Universitetində pedaqoji fəaliyyət göstərmişdir. Azərbaycan Dövlət Rəssamlıq Akademiyasında "Akademik rəngkarlıq" kafedrasının professoru olmuşdur.

Mayis Ağabəyov 2020-ci il iyun ayının 17-də 79 yaşında vəfat etmişdir.

Mükafatları

• "Azərbaycan Respublikasının əməkdar rəssamı" fəxri adı — 4 mart 1992 və 3 fevral 1993
• "Azərbaycan Respublikasının xalq rəssamı" fəxri adı — 18 dekabr 2000
• Təsviri sənət nominasiyasında "Humay" milli mükafatı — 26 aprel 2012

Filmoqrafiya

• Babək (film, 1979)
• Burulğan (film, 1986)
• Çalış, nəfəs alma (film, 2006)
• Çətirimiz buludlardır (film, 1976)
• Dağıdılmış körpülər (film, 1996)
• Dərvişin qeydləri (film, 2013)
• Əlvida, cənub şəhəri (film, 2006)
• Girov (film, 2005)
• Gümüşgöl əfsanəsi (film, 1984)
• Günaydın, mələyim! (film, 2008)
• Həyat bizi sınayır (film, 1972)
• Xoşbəxtlik qayğıları (film, 1976)
• İntizam (film, 1983)
• Köpək (film, 1994)
• Qətl günü (film, 1990)
• Ləqəbi "İKA"dır (film, 1997)
• Məkanın melodiyası (film, 2004)
• Müqəddəs oda yanaram (film, 1991)
• Nə gözəldir bu dünya... (film, 1999)
• Nəsimi (film, 1973)
• Nizami (film, 1982)
• Ölüm növbəsi (film, 2009)
• Ötən ilin son gecəsi (film, 1983)
• Özgə vaxt (film, 1996)
• Rəssam ömrünün palitrası. Xalq rəssamı Böyükağa Mirzəzadə (film, 2006)
• Sevil (film, 1970)
• Silinməyən izlər... (film, 2011)
• Super ağcaqanad (film, 1981)
• Şirbalanın məhəbbəti (film, 1991)
• Təkcə adanı özünlə apara bilməzsən... (film, 1980)
• Təki dam olsun... (film, 1972)
• Toya dəvətnamə (film, 1973)
• Ümid (film, 1995)
• Ürək... Ürək... (film, 1976)
• Yeddi oğul istərəm... (film, 1970)
• Zirzəmi (film, 1990)

İstinadlar

1. . 2014-08-11 tarixində orijinalından arxivləşdirilib. İstifadə tarixi: 2014-03-29.
2. Xalq rəssamı Mayis Ağabəyov vəfat edib
3. "Təsviri sənət xadimlərinə Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Fərmanı". e-qanun.az. 4 mart 1992. İstifadə tarixi: 9 mart 2020.
4. "M. Ə. Ağabəyova "Azərbaycan Respublikasının əməkdar rəssamı" fəxri adının verilməsi haqqında Azərbaycan Respublikası Prezidentinin Fərmanı". e-qanun.az. 3 fevral 1993. İstifadə tarixi: 9 mart 2020.
5. "Azərbaycan Respublikasının kino xadimlərinə fəxri adların verilməsi haqqında Azərbaycan Respublikası Prezidentinin Fərmanı". e-qanun.az. 18 dekabr 2000. İstifadə tarixi: 9 mart 2020.