Mariya Kaçinska

Mariya Kaçinska, pol. Maria Helena Kaczyńska — Polşanın birinci xanımı.

Mariya Kaçinska
pol. Maria Kaczyńska
Doğum tarixi	21 avqust 1943
Doğum yeri	Polşa, Lüblin
Vəfat tarixi	10 aprel, 2010
Vəfat yeri	Rusiya, Smolensk
Vəfat səbəbi	Smolenskdə təyyarə qəzası
Dəfn yeri	Polşa
Vətəndaşlığı	Polşa
Həyat yoldaşı	Lex Kaçinski
Fəaliyyəti	iqtisadçı
Vikianbarda əlaqəli mediafayllar

Həyatı

Mariya Kaçinska 1943-cü il avqustun 21-də faşist Almaniyasının işğalı altında olan Lüblin dairəsinin Maxuv kəndində doğulub. Qızlıq soyadı Matskeviçdir. Atası Çeslav və anası Lidiya Litva polyaklarındandır. Əmilərindən biri Xatın faciəsində qurban gedib.

Uşaq vaxtı valideynləri ilə birgə Polşanın Rabka-Zdruy şəhərinə köçüb, orta məktəbi orada bitirib.

Sopotda nəqliyyat və xarici ticarət iqtisadiyyatı üzrə təhsil alan Mariya 1966-cı ildə Qdansk Dəniz İnstitutunda çalışmağa başlayıb. Polşanın gələcək prezidenti Lex Kaçinski ilə 1976-cı ildə tanış olub. 1978-ci ildə onunla ailə qurub. 1980-ci ildə doğulmuş Marta adlı qızları var.

Son illər ictimai fəaliyyətlə məşğul olan Mariya Kaçinskya ingilis və fransız dillərində sərbəst danışır, ispan və rus dillərini də orta səviyyədə bilirdi.

Vəfatı

Əsas məqalə: Smolenskdə təyyarə qəzası (10 aprel 2010)

Polşa prezidenti Lex Kaçinskinin təyyarəsi 10 aprel 2010-cu ildə Rusiyanın Smolensk vilayətində hərbi aerodromda eniş edərkən qəzaya uğrayıb. Hadisə nəticəsində o da vəfat edib.

İstinadlar

1. . 2010-04-12 tarixində orijinalından arxivləşdirilib. İstifadə tarixi: 2010-04-12.

Xarici keçidlər

• Mariya Kaçinskaya^{[ölü keçid]}