Marina Nekrasova

Marina Nekrasova — Rus əsilli Azərbaycanlı idman gimnastı. Azərbaycanı 2015-ci ildə Bakı şəhərində keçirilən I Avropa Oyunlarında təmsil etdi.

Marina Nekrasova
Şəxsi məlumatlar
Tam adı	Marina Nekrasova
Vətəndaşlığı	Azərbaycan
Doğum tarixi	19 aprel 1995 (26 yaş)
Doğum yeri	Voronej, Rusiya
Boyu	160 sm.
Çəkisi	54 kq.
İdman növü	İdman Gimnastikası
18 aprel 2016 tarixində yenilənib.

Həyatı

Marina Nekrasova 19 aprel 1995-ci ildə Rusiyanın Voronej şəhərində anadan olmuşdur. Marina Nekrasova 1998-ci ildən idman ilə məşğul olur. Marina Nekrasova Voronej Dövlət Bədən Tərbiyəsi İnstitutunun məzunudur.

Karyerası

Marina Nekrasova birinci uğurunu 2013-cü ildə qazandı. O Voronin Kubokunda 2-ci yeri tutdu və gümüş medal qazandı. Daha sonra Marina Nekrasova 2014-cü ildə Sloveniyanın paytaxtı Lyublyana şəhərində keçirilən Dünya Kubokunda 4-cü, Almaniyanın Kotbus şəhərində keçirilən yarışda isə 6-cı yeri tutdu. O 2014-cü ildə həmçinin Azərbaycan Çempionatında çoxnövçülük yarışlarında qızıl medal qazandı. Marina Nekrasova həmin il həmdə Voronin Kubokunda 1 gümüş və 2 bürünc medal, Bosfor Kubokunda isə 1 gümüş və 1 bürünc medal qazandı. Marina Nekrasova 2015-ci ildə birinci uğurunu Bakı Çempionatında qazandı. O çoxnövçülük yarışlarında qızıl medal qazandı.

Marina Nekrasova 2015-ci ildə önəmli yarışlarından birinə Bakı şəhərində qatıldı. O Azərbaycanı I Avropa Oyunlarında təmsil etdi. Amma bu yarışlarda Marina Nekrasova medal qazana bilmədi. O döşəmədə 12.700 xalla 28-ci, müxtəlif hündürlüklü qollarda 11.300 xalla 45-ci, dirəkdə 12.966 xalla 21-ci, dayaqla tullanmada isə 13.466 xalla 10-cu yeri tutdu. Çoxnövçülükdə ümumi olaraq Marina Nekrasova 50.532 xal topladı və 76 idmançı arasında 34-cü yeri tutdu.

I Avropa Oyunlarında sonra Marina Nekrasova birinci uğurunu 2016-cı ildə qazandı. O Bakı şəhərində keçirilən Dünya Kubokunda döşəmə yarışlarında 3-cü yeri tutdu və bürünc medal qazandı.

Xarici keçidlər

• Marina NEKRASOVA - 2015 Avropa Oyunları^{[ölü keçid]}