Mahir Abbaszadə

Mahir Tapdıq oğlu Abbaszadə (27 oktyabr 1975(1975-10-27), Güləbird, Laçın rayonu) — Azərbaycan Respublikası Milli Məclisinin deputatı (2015) və (2020); Azərbaycan iqtisadçısı, iqtisadi nəzəriyyə müəllimi, iqtisad elmləri üzrə fəlsəfə doktoru, Məcburi Köçkünlərin Sosial İnkişaf Fondunun direktoru.

Mahir Abbaszadə
Mahir Tapdıq oğlu Abbaszadə
Azərbaycan Respublikası Milli Məclisinin deputatı 2015 — indi
Şəxsi məlumatlar
Partiya	Yeni Azərbaycan Partiyası
Təhsili	BDU
Doğum tarixi	27 oktyabr 1975(1975-10-27) (45 yaş)
Doğum yeri	Güləbird, Laçın rayonu, Azərbaycan SSR, SSRİ
Atası	Tapdıq Abbasov
Elmi fəaliyyəti
Elmi dərəcəsi	fəlsəfə dоktоru
Vikianbarda əlaqəli mediafayllar

Həyatı

Mahir Abbaszadə 27 oktyabr 1975-ci ildə Laçın rayonunun Güləbird kəndində anadan olub. 1997-ci ildə Bakı Dövlət Universitetini iqtisadi nəzəriyyə müəllimi ixtisası üzrə bitirmişdir.

1997-ci ildə Güzdək Tikinti Materialları Kombinatında kadrlar şöbəsinin rəisi, 2001-2003-cü illərdə Azərbaycan Beynəlxalq Bankının Sumqayıt filialında xidmət bölməsi üzrə mütəxəssis, 2003-2004-cü illərdə "Zaminbank" ASC-nin "Gənclik" filialında mühasib, xəzinə müdiri, 2004-cü ildən isə həmin filialın müdiri işləyir.

Ehtiyatda olan zabitidir.

Mahir Abbaszadə 15 noyabr 2018-ci il tarixində Məcburi Köçkünlərin Sosial İnkişaf Fondunun direktoru vəzifəsinə təyin edilib.

İngilis, rus, türk dillərini bilir.

Ailəsi

Ailəlidir 3 övladı var.

Əməkdar müəllim Tapdıq Abbasovun oğlu, Azərbaycan şairi Zahir Abbasın isə qardaşıdır.

Elmi fəaliyyəti

Mahir Abbaszadə 2005-ci ildə AMEA-nın İqtisadiyyat İnstitutuna dissertant qəbul edilib. 2010-cu ildə elmi şurada müdafiə edib. 2012-ci ildə Azərbaycan Respublikasının Prezidenti yanında Ali Attestasiya Komissiyasının qərarı ilə iqtisad elmləri üzrə fəlsəfə doktoru adı alıb.

1 elmi kitabın, 7 elmi məqalənin, 3 elmi tezisin müəllifidir.

Siyasi fəaliyyəti

Mahir Abbaszadə Yeni Azərbaycan Partiyasının üzvüdür. 1 noyabr 2015-ci ildə 121 saylı Laçın seçki dairəsindən beşinci çağırış Azərbaycan Respublikasının Milli Məclisinə seçkilərdə iştirak etmiş və millət vəkili seçilmişdir.

İstinadlar

1. Laçınlılar Mahir Abbaszadəni seçdilər^{[ölü keçid]}
2. Mahir Abbaszadəyə yüksək vəzifə verildi
3. "Mahir Abbaszadə" (azərb.). lacin.info. 14-06-2012. İstifadə tarixi: 2014-11-14.^{[ölü keçid]}
4. (azərb.). zaminbank.az. 01.05.2013. 2016-03-05 tarixində orijinalından arxivləşdirilib. İstifadə tarixi: 2015-10-10.
5. (azərb.). sia.az. 09.10.2015. 2016-03-05 tarixində orijinalından arxivləşdirilib. İstifadə tarixi: 2015-10-10.
6. 121 saylı Laçın seçki dairəsi – Abbaszadə Mahir Tapdıq oğlu^{[ölü keçid]}