Məmməd Nazimoğlu

Məmməd Nazimoğlu — azərbaycanlı jurnalist, Söz Azadlığını Müdafiə Fondunun icraçı direktoru.

Məmməd Nazimoğlu
Doğum tarixi	sentyabr 1959
Doğum yeri	Qobuüstü, Ağdaş Azərbaycan SSR
Vəfat tarixi	6 iyul 2008 (48 yaşında)
Vəfat yeri	Bakı
Vəfat səbəbi	hepatit
Fəaliyyəti	jurnalist

Həyatı

Məmməd Nazimoğlu 1959-cu ilin sentyabrında Ağdaş rayonunun Qobuüstü kəndində doğulub. 1983-cü ildə Bakı Dövlət Universitetinin jurnalistika fakültəsini bitirib. Azərbaycanın ilk müstəqil nəşrlərindən olan "Aydınlıq" qəzetinin yaradıcılarından idi. "Xalq qəzeti"nin baş redaktor müavini, "Ulus" qəzetinin baş redaktoru, "Avropa", "Yeni Müsavat", "Azadlıq", "Şans", "525-ci qəzet" qəzetlərinin yazarı, ANS telekanalında efirə gedən "Qulp" verilişinin müəlliflərindən biri, Söz Azadlığını Müdafiə Fondunun icraçı direktoru olub.

Şəkərli diabet və hipatit xəstəliklərindən əziyyət çəkirdi.

2008-ci il iyulun 6-da Bakı şəhərində vəfat edib. Ağdaş rayonunun Qobuüstü kəndində dəfn olunub.

Vəfatından sonra haqqında foto-albom, eləcə də İlham Abbasovun tərtibi və redaktəsi ilə "Mənim bir dostum vardı" adlı xatirə kitabı nəşr olunub, onlarla məqalə dərc edilib.

Mənbə

• Məmməd Nazimoğlu. Mənim bir dostum vardı. Bakı: 2008.
• Məmməd Nazimoğlunun ili^{[ölü keçid]}