Larisa Vinoqradova

Larisa Afanasyevna Vinoqradova (5 dekabr 1947(1947-12-05) – 16 sentyabr 2009(2009-09-16), Bakı) — aktrisa, Azərbaycan Respublikasının xalq artisti (2000).

Larisa Vinoqradova
Doğum tarixi	5 dekabr 1947
Doğum yeri	Mari, Türkmənistan
Vəfat tarixi	16 sentyabr 2009 (61 yaşında)
Vəfat yeri	Bakı, Azərbaycan
Fəaliyyəti	Aktrisa
Mükafatları	2000

Həyatı

Larisa Vinaqradova Afanasyevna 5 dekabr 1947-ci ildə Türkmənistanın Mari şəhərində anadan olmuşdur. 1971-ci ildə Asəf Zeynallı adına Musiqi məktəbinin vokal sinfini bitirmişdir. 1 dekabr 1968-ci ildə Azərbaycan Dövlət Musiqili Komediya Teatrının xor artisti vəzifəsinə qəbul edilmişdir. Bir qədər sonra aktyor kimi II dərəcəli artist-vokalist keçirilir. Daha sonra aparıcı səhnə ustası kimi fəaliyyətini davam etdirmişdir.

Teatrda işlədiyi müddət ərzində bir neçə rollar ifa etmişdir. "Şən dul qadın"da Qanna, "Maritsa"da Qrafinya Maritsa, "Silva"da Silva, "Düyməcik"də Feya, "Bayadera"da Odetta, "Uçan sıçan"da Rozaminda, "Foz Mari"də Vanda, "Çelovek iz Lamonci"də Aldonso, "Drakon"da Elza, "Razvod po-polski"də Krısya, "Mənim gözəl xanımım"da Eliza, "Arşın mal alan"da Gülçöhrə, "Sabahın xeyir, Ella!"da Ella, "Bir dəfə Bağdadda" Züleyxa, "Sıqan prmyer"də Yulyuşka, "Qırmızı papaq"da ana, "Perekryostok"da Zümrüd kimi obrazları özünəməxsuz ustalıqla oynamışdır.

Subay idi.

Larisa Vinaqradova Afanasyevna 16 sentyabr 2009-cu il də Bakı şəhərində vəfat etmişdir.

Mükafatları

• "Azərbaycan SSR əməkdar artisti" fəxri adı — 1 dekabr 1982
• "Azərbaycan Respublikanın xalq artisti" fəxri adı — 28 oktyabr 2000
• Prezident mükafatı

Filmoqrafiya

1. Yaşıl eynəkli adam (film, 1987)
2. Yaşıl eynəkli adam-2 (film, 1999)
3. Yaşıl eynəkli adam-3 (film, 2002)
4. Yoxlama (film, 2006)

İstinadlar

1. Ş.Qurbanov adına Azərbaycan Dövlət Musiqili Komediya teatrının artistlərinə Azərbaycan SSR fəxri adları verilməsi haqqında Azərbaycan SSR Ali Soveti Rəyasət Heyətinin 1 dekabr 1982-ci il tarixli Fərmanı — anl.az saytı

Xarici keçidlər

• Larisa Vinoqradova^{[ölü keçid]}