Lalə Şirinova
Lalə Araz qızı Şirinova (12 iyun 1984) — AMEA Zoologiya İnstitutunun Təhsil Şöbəsinin müdiri, biologiya üzrə fəlsəfə doktoru.
Lalə Şirinova | |
---|---|
Lalə Araz qızı Şirinova | |
Doğum tarixi | |
Doğum yeri | Bakı, Azərbaycan SSR, SSRİ |
Vətəndaşlığı | SSRİ→ Azərbaycan |
Elm sahəsi | biologiya-zoologiya |
Elmi dərəcəsi | biologiya üzrə fəlsəfə doktoru |
İş yeri | AMEA |
Təhsili | BDU |
Həyatı
Lalə Araz qızı Şirinova 1984-cü ildə Bakı şəhərində anadan olmuşdur. Anası Quliyeva Nigar Qulam qızı müəllimədir. Atası Quliyev Araz Kamran oğlu. 2005-ci ildə Bakı Dövlət Universitetinin bakalavr pilləsini, 2008-ci ildə Azərbaycan Dövlət Pedoqoji Universitetin Magistratura pilləsini bitirib. 2005-ci ildən AMEA Zoologiya İnstitutunda işləyir. 2008-ci ildə “Entomologiya” ixtisası üzrə AMEA Zoologiya İnstitutunun əyani aspirantı olmuş,2012-ci ildə “Abşeronda ksilofaqların (Coleoptera) biotənzimlənməsində entomofaqların rolu və onlardan bioloji mübarizədə istifadənin mümkünlüyü” mövzusunda namizədlik dissertasiyasını (Bakı) müdafiə etmişdir.
Elmi fəaliyyəti
L.A.Şirinova 2005-ci ildə “Faydalı cücülərin introduksiyası və bioloji mübarizənin elmi əsasları” laboratoriyasında laborant, 2007-ci ildə böyük laborant, 2012-ci ildə kiçik elmi işçi olmuş, 2014-cü ildən isə elmi işçi işləyir. L.A.Şirinova institutda işlədiyi dövrdə AMEA-nın proqramlarına daxil olan bir neçə elmi tədqiqat mövzularının yerinə yetirilməsində iştirak etmişdir. Hal-hazırda “Şəki-Zaqatala bölgəsində ağaclara ciddi zərərverən qızılqarın kəpənəyin sayının tənzimlənməsində kompleks entomofaqların rolu” mövzusunda işləyir. L.A.Şirinova 2008-ci ildən indiyə kimi Abşeronda meyvə və meşə ağaclarının zərərvericiləri və onların entomofaqlarının müxtəlif aqrosenozlarda yayılmasını, qida əlaqələrini, bioekoloji xüsusiyyətlərini, zərərvericilərin parazit və yırtıcılarını aşkar etməklə, onlara qarşı bioloji mübarizənin elmi əsaslarını işləyib hazırlamışdır. Çoxillik tədqiqatlar nəticəsində meyvə bitkilərinə zərər verən 56 növ ksilofaq aşkar edilmişdir ki, bunlardan 26 növü Azərbaycan faunası, 19 növü isə Abşeron yarımadası üçün ilk dəfə qeyd olunur. İlk dəfə olaraq ksilofaqların biotənzimlənməsində 3 dəstəyə, 14 fəsiləyə mənsub 50 növ entomofaqın (36 növ parazit, 14 növ yırtıcı) fəaliyyət göstərdiyi aşkar edilib.
Mükafatları
Kitabları və monoqrafiyaları
Elmi əsərləri
- Şirinova L.A. Azərbaycanda meyvə ağaclarına zərərverən ksilofaqlar və onların entomofaqlarının öyrənilməsinə dair. AMEA aspirantlarının elmi konfransının materialları. Bakı, 2009. Səh.246-249.
- Şirinova L.A. Abşeron yarımadasında ağaclara zərərverən ksilofaqların sayını tənzimləyən entomofaqlar. Azərbaycan Zooloqlar Cəmiyyətinin əsərləri. Bakı, 2010. Səh. 415-419.
- Şirinova L.A. Abşeron yarımadasında ağaclara zərərverən başlıca ksilofaqların (Coleoptera) morfobioekoloji xüsusiyyətləri və entomofaqları. / Məmmədov Z.M. // AMEA “Xəbərlər” jurnalı. Bakı, 2011. Səh. 165-169.
- Şirinova L.A. Abşeronda ksilofaqların biotənzimlənməsində yırtıcı həşəratların rolu. Zoologiya institutunun əsərləri. Bakı, 2011, Səh. 289-294
- Şirinova L.A. Abşeron yarımadasında ilk dəfə rast gəlinən ksilo¬faqlar və onların entomofaqları. AMEA aspirantlarının elmi konfransının materialları. Bakı, 2011. Səh. 113-115
- Ширинова Л.А. Ксилофаги, вредящие лесным насаждениям и их энтомофаги в условиях Апшеронского полуострова Азербайджана. Респ. Молдова, г.Кишинев, 2011. Стр. 86-91
- Şirinova L.A., Məmmədov Z.M., Atayeva R.S., Səfərova E.F. Azərbaycanda ağaclara zərərverən ksilofaq böcəklər (Coleoptera). Bakı, 2012, səh. 51-57
- Ширинова Л.А. Роль энтомофагов в регуляции численности ксилофагов и возможности использования их в биологической борьбе в условиях Aпшеронского полуострова Азербайджана. Дагестан, 2012. стр.62-65
- Şirinova L.A. Azərbaycanda ağaclara zərərverən uzunbiğ böcəklərin bioekoloji xüsusiyyətləri. / Məmmədov Z.M., Atayeva R.S.// Bakı, 2014. səh. 75-77.
- Şirinova L.A. Abşeronda ağac və kol bitkilərinə başlıca zərərverən ksilofaqların (Coleoptera) parazitləri və onlardan bioloji mübarizədə istifadənin mümkünlüyü. / Məmmədov Z.M., Atayeva R.s., Səfərova E.F.// Bakı, 2015. Səh. 62-67.
İstinadlar
- Lalə Araz qızı Şirinova[ölü keçid]