Xəzər Lənkəran Mərkəzi Stadionu

Xəzər Lənkəran Mərkəzi Stadionu - Lənkəran şəhərində yerləşən və "Xəzər Lənkəran" futbol klubuna məxsus olan stadion. "Xəzər Lənkəran"ın ev oyunlarında anşlaq olduğuna və azarkeşlər tərəfindən güclü dəstək göstərildiyinə görə sadion qeyri-rəsmi olaraq "Fırtınalar meydanı" adlandırılır.

Xəzər Lənkəran Mərkəzi Stadionu
Tam adı	Xəzər Lənkəran Mərkəzi Stadionu
Qeyri-rəsmi adı	Fırtınalar meydanı
Yeri	Lənkəran, Azərbaycan
Açılış tarixi	11 avqust 2006
Tikinti xərcləri	15 000 000$
Sahibi	Mübariz Mənsimov
Tamaşaçı tutumu	15 000
Ev sahibi komanda	Xəzər Lənkəran FK
Ot örtüyü	Təbii
Vikianbarda əlaqəli mediafayllar

Tarix

Xəzər Lənkəran Mərkəzi Stadionu 11 avqust 2006-cı ildə rəsmi istifadəyə verilib. Stadion Mübariz Mənsimova məxsus olan "Palmali" şirkətlər qrupunun maliyyə vəsaiti ilə tikilib. Tikintiyə 15 milyondan çox ABŞ dolları xərclənib. Açlış mərasimində Azərbaycan Respublikasının Prezidenti İlham Əliyev və "Xəzər Lənkəran" futbol klubunun fəxri prezidenti Mübariz Mənsimov iştirak edib. Elə həmin gün "Xəzər Lənkəran" öz stadionunda ilk rəsmi matçına çıxdı. Azərbaycan çempionatı çərçivəsində keçirilən qarşılaşmada "Xəzər Lənkəran" əzəli rəqibi "Nefçi" ilə qarşılaşdı. Öz stadionunda ilk qarşılaşmada Lənkəran təmsilçisi "Neftçi"ni 2:1 hesabı ilə məğlub etdi.

Struktur

 

8 iyul 2010-cu il. "Xəzər Lənkəran" tarixində ilk dəfə öz doğma stadionunda Avropa arenası çərçivəsində rəsmi matç keçirdi. Rəqib "Olimpiya" (Moldova) klubu oldu. Xəzər Lənkəran Mərkəzi Stadionu adəti üzrə 15 min azarkeş ilə dolu idi.

Xəzər Lənkəran Mərkəzi Stadionu UEFA-nın bütün standartlarına cavab verir. Stadion 15 min (15000) tamaşaçı tutumuna malikdir. Burada 25 kvadratmetrlik işıq tablosu quraşdırılıb. Stadionda uşaq futbolunun inkişafı üçün nəzərdə tutulmuş xüsusi meydançalar var. Təbii ot örtüyü ilə təchiz olunub. Tribunlarının üstü örtülüdür.

Əlamətdar matçlar

• "Xəzər Lənkəran" doğma stadionunda ilk qarşılaşmanı 11 avqust 2006-cı ildə "Nefçi"yə qarşı keçirib. Bu oyunda "Xəzər Lənkəran" rəqibinə 2:1 hesabı ilə qalib gəlib.
• "Xəzər Lənkəran" doğma stadionunda Avropa arenası çərçivəsində ilk oyunu 8 iyul 2010-cu ildə keçirib. Avropa Liqasının 1-ci təsnifat mərhələsində Moldovanın "Olimpiya" klubu ilə keçirilən oyun 1:1 hesablı heç-heçə ilə başa çatıb.
• Azərbaycan milli futbol komandası Azərbaycanda keçirilən bütün ev oyunlarını 2009-cu ilin sentybar ayına kimi Bakı şəhərində keçirmişdi. Azərbaycan milli yığması tarixində ilk dəfə olaraq rəsmi ev qarşılaşmasını Bakıdan kənarda 2009-cu ilin 5 sentyabr tarixində Xəzər Lənkəran Mərkəzi Stadionunda Finlandiya yığmasına qarşı keçirdi. Bu matç futbol üzrə Azərbaycan milli yığması üçün Bakı şəhərindən kənarda, regionda keçirilən ilk oyun kimi tarixə düşdü.

İstinadlar

1. . 2018-08-02 tarixində orijinalından arxivləşdirilib. İstifadə tarixi: 2018-07-28.
2. Xəzər Lənkəran - Xəzər Lənkəran mərkəzi stadionu^{[ölü keçid]}
3. Foto qalereya / Xəzər-Lənkəran mərkəzi stadionu
4. “Xəzər Lənkəran” mərkəzi stadionu təmirə bağlanır
5. . 2020-08-11 tarixində orijinalından arxivləşdirilib. İstifadə tarixi: 2018-07-28.
6. “Fırtınalar meydanı”nda avstriyalı
7. "Fırtınalar meydanı"nda təmir işləri^{[ölü keçid]}
8. "Fırtınalar meydanı"nda heyətlər açıqlandı
9. "Fırtınalar meydanı"nda yeni simalar
10. Fırtınalar meydanı" ilə bağlı rəsmi açıqlama
11. . 2015-06-06 tarixində orijinalından arxivləşdirilib. İstifadə tarixi: 2018-07-28.
12. “Fırtınalar meydanı”nda mövsümün rekordu
13. "Fırtınalar meydanı"nda qol yağışı
14. Fırtınalar meydanı rekorda hazırlaşır (foto)
15. "Fırtınalar meydanı"nda 1 "qırmızı", 1 penalti, 1 qol
16. . 2020-08-11 tarixində orijinalından arxivləşdirilib. İstifadə tarixi: 2018-07-28.
17. “Xəzər Lənkəran" FK-nun yeni stadionu istifadəyə verildi
18. “Olimpiya” Beltsı (Moldova) matçı ilə “Xəzər Lənkəran Mərkəzi Stadionu”nun tarixinə düşəcək!
19. Azərbaycan – Finlandiya oyunu Lənkəranda keçiriləcək
20. Xəzər Lənkəran Mərkəzi Stadionu Finlandiya ilə qarşılaşmaya hazırdı