Kubra Cəfərova
Cəfərova Kubra Abbas qızı (25 mart 1946, Naxçıvan – 5 aprel 2020) — Azərbaycan Respublikasının "Əməkdar müəllimi", Naxçıvan Muxtar Respublikasının "Əməkdar həkimi", Naxçıvan MSSR Ali Sovetinin deputat.
Kubra Cəfərova | |
---|---|
Cəfərova Kubra Abbas qızı | |
Doğum tarixi | 25 mart 1946 |
Doğum yeri | Naxçıvan, Naxçıvan MSSR, Azərbaycan SSR, SSRİ |
Vəfat tarixi | 5 aprel 2020 (74 yaşında) |
Vətəndaşlığı | SSRİ→ Azərbaycan |
Milliyyəti | azərbaycanlı |
Elm sahəsi | tibb |
İş yeri | Naxçıvan Dövlət Universiteti |
Alma-mater | Naxçıvan Tibb Məktəbi Azərbaycan Tibb İnstitutu |
Tanınır | həkim, alim, pedaqoq |
Mükafatları |
Həyatı
Kubra Cəfərova 1946-cı il mart ayının 25-də Naxçıvan şəhərində anadan olmuşdur. 1960-cı ildə Naxçıvan Tibb Məktəbinə daxil olmuş və 1964-cü ildə həmin məktəbi müvəffəqiyyətlə başa vurmuşdur.
Kubra Cəfərova 5 aprel 2020-ci ildə vəfat etmişdir.
Əmək fəaliyyəti
1964-cü ildən Naxçıvan Muxtar Respublika Xəstəxanasında tibb bacısı vəzifəsində çalışmağa başlamışdır.
1965-1971-ci illərdə Azərbaycan Tibb İnstitutunda "Pediatr" ixtisası üzrə təhsil almışdır. 1978-1985-ci illərdə Naxçıvan Tibb Məktəbinin direktoru vəzifəsində çalışmış, muxtar respublikamızda peşəkar tibbi kadrların hazırlanmasında fəal rol oynamışdır.
1980-ci ildən Naxçıvan Şəhər Xalq Deputatları Sovetinin 2 dəfə deputatı seçilmişdir.
Azərbaycan SSRİ Qırmızı Aypara Cəmiyyətinin və Naxçıvan MSSR Səhiyyə Nazirliyinin Fəxri fərmanlarına layiq görülmüşdür. 2001-ci ildə Naxçıvan Muxtar Respublikasının "Əməkdar həkimi", 2006-cı ildə isə Azərbaycan Respublikasının "Əməkdar müəllimi" fəxri adını almışdır.
Naxçıvan Dövlət Universitetinin Tibb fakültəsi yaranandan həyatının son gününə qədər - 21 il fakültədə "Təməl tibb fənləri" kafedrasının baş müəllimi kimi çalışmışdır.
İstinadlar
- Azərbaycan Respublikasının səhiyyə işçilərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
- Akademik Zərifə Əliyeva Elmi konfrans.
- Azərbaycan Respublikasının səhiyyə işçilərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
- Qadınlar cəmiyyət həyatının müxtəlif sahələrində uğurla təmsil olunur və yüksək fəallıq göstərirlər