Kseniya Levkovska

Kseniya Yuriyivna Levkovska (ukr. Ксенія Юріївна Левковська) — Ukrayna əsilli Azərbaycanlı triatlonçu. Azərbaycanı 2015-ci ildə Bakı şəhərində keçirilən I Avropa Oyunlarında təmsil etdi.

Kseniya Levkovska
ukr. Ксенія Левковська
Kseniya Levkovska 2010-cu ildə
Şəxsi məlumatlar
Vətəndaşlığı	Azərbaycan
Milliyəti	Ukraynalı
Doğum tarixi	13 oktyabr 1989 (31 yaş)
Doğum yeri	Xarkov, Xarkov vilayəti, Ukrayna SSR, SSRİ
Boyu	171 sm.
Çəkisi	55 kq.
İdman növü	Triatlon
2 may 2016 tarixində yenilənib.

Həyatı və karyerası

Kseniya Levkovska 13 oktyabr 1989-cu ildə Ukraynanın Xarkov şəhərində anadan olmuşdur. Kseniya Levkovska 2008-ci ildən idman ilə məşğul olur. Kseniya Levkovska orta təhsilini Xarkov şəhərində 25 nömrəli məktəbdə alıb. Ali təhsilini isə o Xarkov Bədən Tərbiyəsi Akademiyasında alıb.

Kseniya Levkovska birinci uğurunu 2011-ci ildə qazandı. O Qazaxıstanın Kökşetau şəhərində keçirilən Asiya Kubokunda 3-cü yeri tutdu və bürünc medal qazandı. O həmçinin 2012-ci ildə İspaniyada keçirilən Gənclərin Avropa Çempionatında 10-cu yeri tutdu. Kseniya Levkovska 2015-ci ildə Azərbaycanı Bakı şəhərində keçirilən I Avropa Oyunlarında təmsil etdi. O fərdi yarışlarda 2 saat 5 dəqiqə 47 saniyə nəticə ilə 47 idmançı arasında 17-ci yeri tutdu.

Xarici keçidlər

• Kseniya LEVKOVSKA - 2015 Avropa Oyunları^{[ölü keçid]}

İstinadlar