Kerkini su anbarı

Kerkini su anbarı (yun. Λίμνη Κερκίνη) — Yunanıstanın şimalında, Serre nomunun şimal-qərbində yerləşən su anbarı. Su anbarı Yunanıstan-Bolqarıstan sərhəddindən 47 km, Serro nomunun paytaxtından 20 km, Sidirokastro şəhərindən 10 km məsafədə yerləşir. Su anbarı 1932-ci ildə Struma çayının üzərində, irriqasiya işlərinin aparılması və çayın tez-tez daşmasının qarşısını önləmək məqsədi ilə i8nşa edilmişdir. 1983 və 1987-ci illərdə anbarda genişləndirmə işləri aparılmışdır. Onun su səthinin sahəsi 109,96 km², su toplayıcı sahəsi isə 11 520 km²-dir. Su anbarının ərazisi bölgə canlılarını özünə cəlb etdiyindən Natura 2000 zonasına daxil edilmişdir.

Kerkini su anbarı
Ölkə	Yunanıstan
Sahəsi	109,96 m²
Bəndi	36

Su anbarı Kerkini və Movravuni dağlarının arasında yerləşən alluyvial düzənlikdə yerləşir. Bu düzənlik keçmişdə bataqlaşmış ərazidən ibarət idi. Su anbarını Struma çayı qidalandırır. Onun anbara töküldüyü hissədə su sərfiyyatı 65–83 m³/s-dir. Anbara şimal-qərbdən Kerkinitis və bir necə kiçik çaylar tökülür. Su anbarına tökülən suyun miqdarı ildə 1.7 milyon kubmetr təşkil edir.

Su anbarının yerləşdiyi regionda 785 növ borulu bitki növü aşkarlanmışdır. Anbarın ornitofaunasına ən azı 300 növ quş (Yunanıstanda yaşayan 407 növ) daxildir. Bunlardan ikisi Qıvrımlələk qutan ( Pelecanus crispus ) və kiçik qarabattaq ( Phalacrocorax pygmaeus ) hər yerdə təhlükə altındadır. Faunaya həmcinin 28 növ məməli, 12 növ sürünən, 9 növ suda-quruda yaşayan, 8 növ onurğasız və 27 növ balıq daxildir. Kerkini su anbarı indi Yunanıstanın ən böyük quş qonaqlama sahələrindən biridir. Egey dənizi, Balkan bölgəsi, Qara dəniz, Macarıstan və digər ərazilərə köç edən quşlar anbarda qısa müddətinə istirahət edir

İstinadlar

1. "Artificial Lake Kerkini" (ingilis). Ramsar Sites Information Service. 2021-04-29 tarixində . İstifadə tarixi: 2017-03-21.