Karla Olivares Sousa

Karla Olivares Sousa (isp. Karla Olivares Souza, 11 dekabr 1985, Mexiko) — meksikalı aktrisa, müğənni və modeldir. ABC-nin "How to Get Away with Murder" (Cinayətdən necə yayınmaq olar?) serialında Lorel Kastillo/Kastiyo (isp. Laurel Castillo) rolunda çəkilərək, məşhurlaşıb.

Karla Olivares Sousa
isp. Karla Olivares Souza
Doğum tarixi	11 dekabr 1985(1985-12-11) (39 yaş)
Doğum yeri	Mexiko, Meksika
Uşağı	3
Təhsili	Mərkəzi Nitq və Dramatik İncəsənət Məktəbi
Fəaliyyəti	kino aktrisası, televiziya aktrisası, teatr aktrisası, model^[d]
Fəaliyyət illəri	2008-ci ildən
karlasouza.com
Vikianbarda əlaqəli mediafayllar

Həyatı

Karla Sousa Mexiko şəhərində anadan olub. Atası Çilidən, anası isə Meksikadandır. 1993-cü ildə 7 yaşlı Karla "Aspen Extreme" filmində çakilmək üçün dəvət alır. Elə bu filmdən başlayaraq Karlanın sənətə marağı başlayır. Nəticədə valideynləri qızının təhsilini fikirləşərək onu Fransaya və İngilitərəyə göndərirlər. İngiltərədə Kral Mərkəzi Nitq və Dram Məktəbində (Royal Central School of Speech and Drama) təhsil alıb. Rusiyada ən yaxşı aktyor məktəblərindən biri olan Moskva şəhərində yerləşən Moskva İncəsənət Teatrı şirkətinə təqaüd aldı.

Sənətini 2009-cu ildə "Sevgi yayı" (Verano De Amor) Meksika serialında çəkilərək başlayır. Sonradan "Şimal qəhrəmanları" (Los Héroes del Norte) və "Klinika" (La Clinica) kimi komediya serialarında (ing. Situation Comedy) çəkilməyə başladı. Daha sonra uğur qazanmış "Biz zadəganlarıq" (Nosotros, los Nobles) və "Təlimatlar daxil deyil" (No se aceptan devoluciones) filmlərində də çəkilib. Sənətini ABŞ-də davam etdirmək üçün, 2014-cü ildə Sousa Los-Anceles-ə köçür. Eyni ildə də Şonda Rayimsin (ing. Shonda Rhimes) "How to Get Away with Murder" ("Cinayətdən necə yayınmaq olar?") serialında əsas qadın rollarının birini alır. Karla ispan, ingilis, fransız dillərində səlis danışır. 2014-cü ildə Sousa Marşal Trenkmana ərə gedir. Cütlüyün 2 uşağı var. Qızının adı Xianadır (aprel 2018), oğlunun adı isə Lukadır (12 iyun 2020).

Filmoqrafiya

• "Aspen-ən çətin enmə" 1993 (Aspen Extreme)
• "Terminal" 2008 (Terminales)
• "Sevgi yayı" 2009 (Verano de amor)
• "Naməlum şəxslər" 2010 (Persons Unknown)
• "Tekilanın təsiri" 2010 (El efecto tequila)
• "Şimal qəhrəmanları" 2010–2011 (Los Héroes del Norte)
• "-"(From Prada to Nada) 2011
• "-"(Niño Santo) 2011
• "Əziz Vətən" 2012 (Suave patria)
• "Klinika" 2012 (La Clinica)
• "-"(Lado B) 2012
• "31 gün" 2013 (31 días)
• "-"(Me Late Chocolate) 2013
• "Biz zadəganlarıq" 2013 (Nosotros, los Nobles)
• "Təlimatlar daxil deyil" 2013 (No se aceptan devoluciones)
• "Cinayətdən necə yayınmaq olar?" 2014–2019 (How to Get Away with Murder)
• "Qürub" 2016 (Sundown)
• "Uşağın nə günahı var?" 2016 (¿Qué culpa tiene el niño?)
• "Hər kəs kimisə sevir" 2016 (Todos queremos a alguien)
• "-"(Crossbow) 2019
• "-"(Jacob’s Ladder) 2019

İstinadlar