Gəlin 1972 ci ildə Türkmənfilmdə dram janrında çəkilmiş bədii film Rejissoru və ssenari müəllifi Xocaqulu Narliyevdi Fil

Gəlin — 1972-ci ildə Türkmənfilmdə dram janrında çəkilmiş bədii film. Rejissoru və ssenari müəllifi Xocaqulu Narliyevdi. Film Böyük Vətən müharibəsində əri həlak olmuş kiçik kənddə yaşayan gənc qadının taleyindən bəhs edir. Filmin premyerası 23 dekabr 1972-ci ildə baş tutmuşdur. Kino tənqidçiləri "Gəlin" filmini Türkmən kinosunun dünya xəritəsinə çıxışı adlandırılır.

Gəlin
rus. Невестка

Janr	drama,
Rejissor	Xocaqulu Narliyev
Ssenari müəllifləri	Xocadurdu Narliyev Xocaqulu Narliyev
Baş rollarda	Mayagözəl Aymedova Xocan Ovezqelenov Xocaberdı Narliev Hömmat Mullık Aynabat Amanlieva
Operator	Anatoli İvanov
Bəstəkar	Rəcəb Rəcəbov
İstehsalçı	Türkmənfilm
İlk baxış tarixi	1972
Müddət	81 dəq.
Ölkələr	Türkmənistan SSR SSRİ
İl	1972
Rəng	rəngli
IMDb	ID 0365552

Süjet

Filmin süjet xəttini Böyük Vətən müharibəsi zamanı arxa cəbhədə yaşayan sadə insanların həyatı təşkil edir. Belə ki, insanlar cəbhə üçün çalışır və ordan gələn xəbərləri gözləyirlər. Bu xəbərlər arasında cəbhədə həlak olan yaxınları barədə məlumatlar da olur. Filmin əsas qəhrəmanı olan Oqulkeyik də bu adamlardan biridir. O, da cəbhədə olan həyat yoldaşının yolunu gözləyir.

Oqulkeyik gənc qadındır, müharibə başlamazdan az öncə ailə həyatı qurmuşdur. Ancaq nigahdan bir qədər sonra yoldaşı cəbhəyə aparılmışdır. Filmin süjeti də burdan başlayır. Oqulkeyik ər evində onun yolunu gözləyir. Buna görə qayınatası ilə birgə yaşayır. Onun əri Böyük Vətən müharibəsi zamanıhəlak olub. Ancaq o, ata evinə qayıda bilmir, çünki bu, ərinin nə vaxtsa evə qayıda biləcəyi ümidinin sonu deməkdir. Filmdə baş qəhrəman sanki, laldır, o heç nə danışmır, yalnız hərkət jestləri ilə fikrini tamaşaçıya çatdırır.

Mükafatları

Film "Gümüş Yasəmən" ("Sorrento Trophy") mükafatına layiq görülüb. 1972-ci ildə Sorrento Beynəlxalq Kino Festivalında (İtaliya) ən yaxşı qadın roluna (Mayagözəl Aymedova) görə.

1972-ci il Lokarno (İsveçrə) Beynəlxalq Kino Festivalında münsiflərin xüsusi mükafatı.

Ən yaxşı rejissorluq diplomu və mükafatı (Xocaquli Narliyev, mükafatı "Sevgi dramı" filminə görə rejissor Şöhrət Abbasovla bölüşmüşdür). 1972-ci ildə Tbilisidə diplom və Ümumittifaq Film Festivalında ən yaxşı qadın roluna görə ikinci mükafat (Mayagözəl Aymedova).

1973-cü il SSRİ Dövlət Mükafatı - rejissor Xocaquli Narliev, operator Anatoli İvanov, rəssam Annamamed Xocaniyazov, aktyorlar Mayagözəl Aymedova və Xocan Ovezqelenov.

Çəkiliş yeri

Çəkilişlər Aşqabad yaxınlığında aparılmışdır.

Maraqlı faktlar

Hekayə sadə və süni deyil. Narliev qardaşlarının şahidi olduğu həqiqi həyat hekayəsinə əsaslanır. Uşaqlıqlarını keçirdikləri kənddə iki nəfər - köhnə çoban və əri müharibədə həlak olan gəlini yaşayırdı. Ancaq qadın onun ölümünə inanmır və onun yolunu gözləyirdi.

Film 2011-ci ildə Moskva Beynəlxalq Film Festivalında "Sosialist Avanqard" filmləri proqramında nümayiş olunmuşdur..

Film 2011-ci ildə Ulyanovskda keçirilən "Mədəniyyət modernləşmə mənbəyi kimi" Beynəlxalq Konqresində nümayiş olunmuşdur.

Tənqid

Gəlin bədii filmi "Türkmən filmini dünya kino xəritəsinə salan film" adlandırıldı. Mira Liehm və Antonín J.Liehm onu "yerli parametrlərlə zəngin güclü kinematik hissi" kimi qeyd edirlər. Mikael Rouland bunu "İkinci Dünya müharibəsi əsnasında səhranın kənarında türkmən həyatının təmsilçisi" adlandırır və bunun "Sovet filmində zəngin bir janra girdiyini: sevdikləri həyatlarını qurban verərkən döyüş cəbhəsinin arxasında qalan həyat faciəsi" olduğunu yazır. Ümumiyyətlə SSRİ-nin geniş ərazi və mədəni sahələrini birləşdirmək, müharibədə olan qurbanlar və çəkdiyi əzablar Sovet kinomatoqrafının ortaq mövzusu olmuşdur.

Rollarda

Mayagözəl Aymedova — Oqulkeyik (R.Makaqonova səsləndirir)
Xocan Ovezqelenov — Anna-ağa (İvan Pereverzev səsləndirir)
Xocaberdı Narliev — Murad
Hömmat Mullık — Nazar (Roman Xomyatov səsləndirir)
Aynabat Amanlieva — Bibitaç (Nina Menşikova səsləndirir)
Oqulkurban Durdıyeva - Tuvak Eje (Valentina Ananyin səsləndirir)
Arslan Muradov - Arslan (Svetlana Alekseyeva səsləndirir)
Merqen Niyazov - Merqen, sürücü (Vladimir Qusev səsləndirir)
Baba Annanov - Rəcəb
Sabira Ataeva - Muradın anası
Nazar Bekmiyev - epzodik rol
Kurban Annakurbanov - epzodik rol
S.Ovezov - epzodik rol
Pirkuli Atayev - epzodik rol
İlmurad Bekmiyev - epzodik rol

Çəkiliş qrupu

Senari müəllifi: Xocadurdu Narliyev, Xocaqulu Narliyev
Rejissor: Xocaqulu Narliyev
Operator: Anatoli İvanov
Quruluşçu rəssam: Annamamed Xocaniyazov
Bəstəkar: Rəcəb Rəcəbov

Texniki göstəricilər

İstehsalı: Türkmənfilm
Bədii film: rəngli
Orijinal dil: türkmən dili
Müddət: 81 dəq.

İstinadlar

Beumers, Birgit. A History of Russian Cinema. Bloomsbury Academic. 2009. səh. 157. ISBN . 2021-07-09 tarixində . İstifadə tarixi: 2021-07-09.
Тарасов А. Новая точка отсчёта: Заметки о туркменском кино // Искусство кино. № 1. 1974. 57.
"1972. 25th Locarno Festival". Locarno Film Festival.^{[ölü keçid]}
Кинематографисты — лауреаты Государственных премий СССР // Искусство кино. № 1. 1974. 56.
"НЕВЕСТКА (1971), ИНФОРМАЦИЯ О ФИЛЬМЕ". 2021-07-12 tarixində . İstifadə tarixi: 2021-07-09.
"Московский Международный кинофестиваль. 2011 год". Московский Международный кинофестиваль. 2019-10-13 tarixində . İstifadə tarixi: 2021-07-09.
"Киноафиша Международного конгресса «Культура как ресурс модернизации»". Губернатор и Правительство Ульяновской области. 2020-09-28 tarixində . İstifadə tarixi: 2021-07-09.
Liehm, Mira; Liehm, Antonín J. The Most Important Art: Eastern European Film After 1945. University of California Press. 1977. səh. 335. ISBN . 2021-07-09 tarixində . İstifadə tarixi: 2021-07-09.
. Worldscinema.org. 3 February 2012. 11 March 2014 tarixində orijinalından arxivləşdirilib. İstifadə tarixi: 10 March 2014.

Ədəbiyyat

Тарасов А. Новая точка отсчёта: Заметки о туркменском кино // ru:Искусство кино. — 1974. — № 1. — С. 57—70.

Xarici keçidlər

«Невестка» на сайте IMBD

[Beumers2009-1] Beumers, Birgit. A History of Russian Cinema. Bloomsbury Academic. 2009. səh. 157. ISBN . 2021-07-09 tarixində . İstifadə tarixi: 2021-07-09.

[ReferenceA-2] Тарасов А. Новая точка отсчёта: Заметки о туркменском кино // Искусство кино. № 1. 1974. 57.

[3] "1972. 25th Locarno Festival". Locarno Film Festival.^{[ölü keçid]}

[4] Кинематографисты — лауреаты Государственных премий СССР // Искусство кино. № 1. 1974. 56.

[5] "НЕВЕСТКА (1971), ИНФОРМАЦИЯ О ФИЛЬМЕ". 2021-07-12 tarixində . İstifadə tarixi: 2021-07-09.

[6] "Московский Международный кинофестиваль. 2011 год". Московский Международный кинофестиваль. 2019-10-13 tarixində . İstifadə tarixi: 2021-07-09.

[7] "Киноафиша Международного конгресса «Культура как ресурс модернизации»". Губернатор и Правительство Ульяновской области. 2020-09-28 tarixində . İstifadə tarixi: 2021-07-09.

[LiehmLiehm1977-8] Liehm, Mira; Liehm, Antonín J. The Most Important Art: Eastern European Film After 1945. University of California Press. 1977. səh. 335. ISBN . 2021-07-09 tarixində . İstifadə tarixi: 2021-07-09.

[9] . Worldscinema.org. 3 February 2012. 11 March 2014 tarixində orijinalından arxivləşdirilib. İstifadə tarixi: 10 March 2014.