Fətulla Siracov
Fətulla Qasım oğlu Siracov (2001; Azərbaycan — 29 yanvar 2021; Kəlbəcər rayonu, Azərbaycan) — Azərbaycan Silahlı Qüvvələrinin əsgəri, Vətən müharibəsi iştirakçısı.
Fətulla Siracov | |
---|---|
Fətulla Qasım oğlu Siracov | |
Şəxsi məlumatlar | |
Doğum tarixi | |
Doğum yeri | Gəndov, Şabran rayonu, Azərbaycan |
Vəfat tarixi | (19 yaşında) |
Vəfat yeri | Kəlbəcər rayonu, Azərbaycan |
Vəfat səbəbi | ürək tutması |
Dəfn yeri | Gəndov |
Vətəndaşlığı | Azərbaycan |
Atası | Qasım Siracov |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 2020 |
Rütbə | |
Döyüşlər | Vətən müharibəsi |
Təltifləri |
Həyatı və hərbi xidməti
Fətulla Siracov 18 aprel 2001-ci ildə Şabran rayonunun Gəndov kəndində anadan olmuşdur. Fətulla Siracov ailədə 3 bacı və bir qardaş olmuşdur. Orta məktəbi bitirdikdən sonra hərbi xidmətə yollanmışdır.
Azərbaycan Ordusunun əsgəri olan Fətulla Siracov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Murovdağ istiqamətində gedən döyüşlərdə vuruşmuşdur.
Müharibə bitdikdən sonra Kəlbəcərdə xidmət edən Fətullanın xidmətdə ikən çəkilən bir videosu sosial şəbəkələrdə paylaşılmışdı.
Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Fətulla Siracov "Kəlbəcərin azad olunmasına görə" medalı ilə təltif edildi.
Hərbi xidmət müddətində ağciyər iltihabından əziyyət çəkən Fətulla Siracov 29 yanvar 2021-ci ildə Kəlbəcərdə xidmət zamanı ürək tutmasından dünyasını dəyişmişdir. Nəşi doğulduğu Şabran rayonunun Gəndov kəndində dəfn edilmişdir.
Təltifləri
- (29.12.2020) — "Kəlbəcərin azad olunmasına görə" medalı
İstinadlar
- "O videodakı əsgər Kəlbəcərdə vəfat edən Fətulla imiş..." www.konkret.az ( (azərb.)). 31.01.2020. İstifadə tarixi: 31.03.2021.
- Azərbaycan Prezidentinin saytı (29.12.2020). "Azərbaycan Silahlı Qüvvələrinin hərbi qulluqçularının "Kəlbəcərin azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.president.az ( (azərb.)). 2020-12-29 tarixində arxivləşdirilib. İstifadə tarixi: 29.12.2020.
- "Hərbi qulluqçumuz Kəlbəcərdə vəfat etdi - FOTO". www.xebertime.az ( (azərb.)). 30.01.2021. İstifadə tarixi: 31.03.2021.
- Normativ hüquqi sənədlərin vahid internet bazası (29.12.2020). "Azərbaycan Silahlı Qüvvələrinin hərbi qulluqçularının "Kəlbəcərin azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az ( (azərb.)). 2021-12-29 tarixində arxivləşdirilib. İstifadə tarixi: 29.12.2020.