Fəlsəfi Maarifçilik Assosiasiyası
"Fəlsəfi Maarifçilik Assosiasiyası" İctimai Birliyi — Azərbaycan elminin və mədəniyyətinin inkişafına və daha geniş miqyasda tanınmasına ictimai dəstək göstərmək istiqamətində fəaliyyət göstərən qeyri-hökumət təşkilatı.
Təşkilatın məramı
Təşkilatın başlıca məqsədi Azərbaycanda fəlsəfi biliklərin inkişaf etdirilməsinə və cəmiyyət içərisində geniş yayılmasısına ictimai dəstək göstərməkdən ibarətdir.
Assosiasiya qarşısında qoyduğu məqsədə çatmaq üçün dünya fəlsəfi irsini Azərbaycan cəmiyyətində təbliğ etmək, Azərbaycan fəlsəfəsininin nailiyyətlərini xarici ölkələrdə yaymaq, Azərbaycanın sosial və mənəvi inkişafından doğan fəlsəfi və sosial problemlərin həllində iştirak etmək, fəlsəfənin ümumi elmi-metodoloji funksiyalarının araşdırılmasına dəstək vermək vəzifələrini həyata keçirməyə çalışır.
Təşkilatın fəaliyyət formaları
Assosiasiyanın əsas fəaliyyət formalarına daxildir:
- Xarici ölkə və Azərbaycan alimləri ilə qarşılıqlı informasiya mübadiləsinin həyata keçirilməsi;
- Beynəlxalq və ölkə əhəmiyyətli müvafiq tədbirlərdə Azərbaycanın təmsil edilməsi;
- Beynəlxalq, regional və ölkə miqyaslı seminarların, konfransların və simpoziumların keçirilməsi;
- Müvafiq mətbuat konfranslarının keçirilməsi;
- müxtəlif mətbu nəşrlərin təsis olunması.
İdarə heyəti
Fəlsəfi Maarifçilik Assosiasiyasının prezidenti — fəlsəfə elmləri doktoru Adil Əsədov, vitse-prezidenti — fəlsəfə elmləri doktoru, Azərbaycan Respublikasının Prezidenti yanında Strateji Araşdırmalar Mərkəzi 2012-06-07 at the Wayback Machine nin şöbə müdiri Tahirə Allahyarova, vitse-prezidenti — Azərbaycan Milli Elmlər Akademiyası Fəlsəfə və Hüquq İnstitutunun aparıcı elmi işçisi, fəlsəfə üzrə fəlsəfə doktoru Həbib Hüseynov[ölü keçid], vitse-prezidenti — Nərgiz Eyvazovadır. Azərbaycan Milli Elmlər Akademiyası Fəlsəfə və Hüquq İnstitutunun elmi işçisi Nailə Əsədova İdarə heyətinin üzvüdür.
Himayədarlar Şurası
Fəlsəfi Maarifçilik Assosiasiyasının Himayədarlar Şurasına , Azərbaycan Milli Elmlər Akademiyasının müxbir üzvü Arif Məlikov 2016-03-06 at the Wayback Machine, tanınmış filosof və dövlət xadimi, akademik Əfrand Daşdəmirov[ölü keçid], Azərbaycan Milli Elmlər Akademiyasının həqiqi üzvü, Azərbaycan Dövlət Rəssamlıq Akademiyasının rektoru, Rusiya Rəssamlıq Akademiyasının həqiqi üzvü Ömər Eldarov 2017-04-12 at the Wayback Machine daxildir.
Fəaliyyəti (2005–2008)
Fəlsəfi Maarifçilik Assosiasiyasının ilk tədbiri 2005-ci ildə "Platonun "Ziyafət" əsəri üslubunda fəlsəfi improvisasiya" adlı diskussiya olmuşdur. Diskussiyanın başlıca mövzusu Platonun "Ziyafət"ində olduğu kimi məhəbbət, məhəbbətin fəlsəfi və poetik anlamları olmuşdur.
Fəlsəfi Maarifçilik Assosiasiyası 2005-ci ildən başlayaraq dünya fəlsəfi irsinin Azərbaycan dilinə tərcümə olunmasında və yayılmasıbda iştirak etmişdir. Assosiasiyanın rəhbəri Adil Əsədov alman filosofu Artur Şopenhauerin "Dünya iradə və təsəvvür kimi" adlı əsrini, Norveç filosofları Gunnar Skirbekkin və Nils Gilyenin "Fəlsəfə tarixi" əsərini və Amerika filosofu Uill Dürantın "Fəlsəfi hekayətlər: dünya fəlsəfəsinin ən görkəmli nümayəndələrinin həyat və baxışları" (Will Durant. The Story of Philosophy. The lives and Opinions of the Grater Philosophers, N.Y, 1933) əsrini Azərbaycan dilinə tərcümə etmişdir.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının formalaşma dövründən başlayaraq Assosiasiya Şuranın işində yaxından iştirak etmişdir və Şurasın himayəsi altında iki layihə həyata keçirmişdir.
Fəaliyyəti (2009)
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının himayəsi altında Fəlsəfi Maarifçilik Assosiasiyasının həyata keçirdiyi birinci layihə 2009-cu ilə aiddir.
"Azərbaycanin dünya birliyinə inteqrasiyasi prosesində milli mədəniyyətin inkişaf perspektivləri" 2010-12-29 at the Wayback Machine adlı həmin layihə 2009-cu ilin may ayının "01"-dən 2009-cu ilin noyabr ayının "01"- nə qədər olan dövr ərzində həyata keşirilmişdir.
Layihənin əsas məqsədi Azərbaycanın dünya birliyinə inteqrasiyası prosesində milli mədəniyyətimizin öz məxsusi tarixi köklərindən ayrılmadan müasir dünya mədəniyyəti, xüsusən də Qərb mədəniyyəti dəyərlərinin yaradıcı surətdə mənimsənilməsi və milli mədəniyyətimizin bu əsaslar zəminində inkişaf etdirilməsi işinə müəyyən töhfə verməkdən ibarət olmuşdur.
Layihə çərçivəsində görülmüş işlərə dəyirmi masanın keçirilməsi, assosiasiya tərəfindən təsis olunan "Fəlsəfə dünyası" jurnalı üçün və metodik vəsait üçün materialların toplanması, tədqiqi, nəşrə hazırlanması və çap olunması, Quba şəhərində gənclərlə görüşün təşkili, keçirilməsi və yerli televiziyada işıqlandırılması, Assosiasiyanın saytının hazırlanması və internetə qoşulması aiddir.
Dəyirmi masada dövlət və qeyri-dövlət təşkilatlarının nümayəndələri, Azərbaycan Milli Elmlər Akademiyasının alimlərii iştirak etmişlər. Tədbirdə Fəlsəfi Maarifçilik Assosiasiyası İctimai Birliyinin sədri, fəlsəfə elmləri doktoru Adil Əsədov gündəlikdə duran mövzu ətrafında çıxış etdi. O, mədəniyyət tipləri ilə bağlı irəli sürdüyü konsepsiyanı tədbir iştirakçılarına təqdim etdi və müasir qloballaşma şəraitində Azərbaycanın milli mədəniyyətin inkişaf perspektivlərini bu konsepsiya kontekstində mənalandırdı. Fəlsəfi Maarifçilik Assosiasiyası İctimai Birliyinin sədr müavini Həbib Hüseynov qeyri-hökumət təşkilatları ilə dövlət təşkilatları arasında hərtərəfli, o cümlədən elmi əməkdaşlığın əhəmiyyətindən söhbət açdı. Fəlsəfə elmləri namizədi Yaqut Paşayeva konsepsiyaya musiqi mədəniyyəti materialları əsasında izah verməyin mümkünlüyünü diqqətə çatdırdı. Nailə Əsədova müəllifin irəli sürdüyü konsepsiyada vurğulanan cəngavər mədəniyyətinin başlıca əxlaqi dəyəri – iradə — ilə alman filosofu Artur Şopenhauer fəlsəfəsinin əsas anlayışı kimi səciyyələndirilən iradə arasında paralellər apardı. Tədbirin sonunda mədəniyyət, onun nəzəri-fəlsəfi problemləri, tarixi tipləri və Azərbaycanın dünya birliyinə inteqrasiyası prosesində milli mədəniyyətin inkişaf perspektivləri məzmununda gənclərlə görüşlərin keçirilməsinin məqsədəuyğun olduğu vurğulandı.
Assosiasiya tərəfindən təsis olunan "Fəlsəfə dünyası" jurnalı üçün və layihənin məzmunu ilə bağlı metodik vəsait üçün materialların toplanması, tədqiqi, nəşrə hazırlanması və çap olunması ilə bağlı nəzərdə tutulmuş məqsədlər də uğurla yerinə yetirildi.
"Fəlsəfə dünyası" jurnalının ilk sayı bütövlükdə Azərbaycanın mədəniyyətinin, onun qaynaqlarının fəlsəfi mənalandırılmasına həsr olundu. Azərbaycan mədəniyyəti və onun fəlsəfi mənalandirilmasina dair dərc edilmiş materiallar jurnalın başlıca məzmunun təşkil etmişdir. Jurnalda Azərbaycan filosoflari dünya meredianlarinda rublikaları çərçivəsi daxilində tarixi-fəlsəfi materiallar və həmçinin dünya fəlsəfəsindən materiallar verilmişdir. Fəlsəfi gündəlik rublikası daxilində Layihə ilə baglı geniş məlumat da çap edilmişdir.
Quba şəhərində gənclərlə görüşün təşkili, keçirilməsi və yerli televiziyada işıqlandırılması tədbirləri də uğurla həyata keçirilmişdir. Gənclərlə görüş 22 iyul 2009-cu il tarixində Quba şəhərində, Milli QHT Fotumunun Quba Regional Resurs və Təlim Mərkəzində baş tutmuşdur. Tədbirdə QHT sektorunun ("Fəlsəfi Maarifçilik Assosiasiyası" İctimai Birliyinin, Milli Qeyri-Hökumət Təşkilatları Forumunun Quba Regional Resurs və Təlim Mərkəzinin, "İrəli" İctimai Birliyinin, "Nursu Sabah" UGT)nümayəndələri ilə yanaşı, dövlət orqanının (Quba rayon İcra Hakimiyyətinin, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının, Quba Tarix və Diyarşünaslıq Muzeyinin və eləcə də tədris və inzibati müəssisələrin) nümayəndələri iştirak etmişlər. Tədbirdə həmçinin KİV-dən ("Xəyal" televiziyasından və "Şəfəq" qəzetindən) nümayəndələr iştirak etmişdir.
Quba şəhərində keçirilən görüşdə Assosiasiyanın sədri Adil Əsədov "Azərbaycanın Dünya Birliyinə İnteqrasiyası prosesində milli mədəniyyətin inkişaf perspektivləri" mövzusunda çıxış etdi. O, mədəniyyət fenomeninə müxtəlif elmi yanaşma üslubları barədə söhbət açdı, daxili və zahiri mədəniyyətin xüsusiyyətlərini açıqladı, mədəniyyət tipləri ilə bağlı yeni konsepsiyanın geniş şərhini verdi və bu konsepsiyadan çıxış edərək müasir qloballaşma şəraitində Azərbaycanın milli mədəniyyətin inkişaf perspektivləri barədə öz mülahizələrini tədbir iştirakçılarının diqqətinə çatdırdı. Milli Qeyri-Hökumət Təşkilatları Forumunun Quba Regional Resurs və Təlim Mərkəzinin rəhbəri Eynulla Xeyrullayev irəli sürülən yeni konsepsiyanın maraqlı olduğunu vurğulamaqla yanaşı, burada səsləndirilən fikirlər ətrafında daha geniş silsilə müzakirələrin aparılmasının zəruriliyini vurğuladı. Eynulla Xeyrullayev eyni zamanda ictimai mədəniyyət və onun demokratik dəyərlərlə əlaqələri barədə də ətraflı söhbət açdı. Quba rayon İcra Hakimiyyətinin nümayəndəsi Aynur Yəhyayeva keçirilən tədbirin vacibliyini vurğuladı. "İrəli" İctimai Birliyinin nümayəndəsi Orxan Balayev mədəniyyətin psixoloji məqamları barədə danışdı, bu kontekstdə "istək" və "ümid" və onların doğurduğu vəziyyətləri mənalandırmağa çalışdı. Quba rayon İcra Hakimiyyətinin nümayəndəsi Rəxşəndə Bayramova mədəniyyət və din məsələləri üzərində dayandı.
Layihə çərçivəsində Assosiasiyanın ilk saytı hazırlandı və İnternetə qoşuldu.
Akademik Ramiz Mehdiyevin Azərbaycanın efir məkanı: problemlər və vəzifələr adlı məqləsinə həsr olunmuş, Milli Televiziya və Radio Şurası (MTRŞ) və Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının təşkilatçılığı ilə Park İnn otelinin "Dan ulduzu" zalında keçirilən dəyirmi masada Fəlsəfi Maarifçilik Assosiasiyasının Prezidenti Adil Əsədov iştirak etmişdir. 13.10.2009.
Assosiasiyanın prezidenti Adil Əsədov 29.06.2009. 17.07.2009 02.10.2009 tarixlərində Fransa Mədəniyyət Mərkəzində keçirilən elmi seminarlarda iştirak etmişdir.
Fəaliyyəti (2010)
Fəlsəfə elmləri doktoru Adil Əsədov akademik Ramiz Mehdiyevin "İctimai və humanitar elmlər: zaman kontekstində baxış" məqaləsi ilə bağlı Azərbaycan Milli Elmlər Akademiyasının Fəlsəfə, Sosiologiya və Hüquq İnstitutunda keçirilən dəyirmi masada çıxış etmişdir. 07.01.2010
Fəlsəfə elmləri doktoru Adil Əsədov Azərbaycan Respublikasının Prezidenti yanında Elmin İnkişafı fondu və Azərbaycan Milli Elmlər Akademiyası Fəlsəfə, Sosiologiya və Hüquq İnstitutu tərəfindən "Ümumvəhdət fəlsəfəsi və müasir elm" mövzusunda keçirilən elmi-nəzəri seminarda "İdrak və İzah: elmdə fəlsəfi və eksperimental başlanğıcların münasibətlərinə dair" mövzusu ilə çıxış etmişdr. 30.03.2010
Fəlsəfə elmləri doktoru Adil Əsədov ulu öndər Heydər Əliyevin irsi və milli ideologiyanın formalaşması məsələləri mövzusunda ümumrespublika elmi-nəzəri konfransında "Canlı siyasi iradədən siyasi fəlsəfəyə və siyasi ideologiyaya doğru" mövzusu ilə çıxış etmişdir. 05.05.2010
Fəlsəfə elmləri doktoru Adil Əsədov Azərbaycan Milli Elmlər Akademiyasında keçirilən "Fəlsəfə və sənətşunaslıq: fənnlərarası qarşılıqlı təsirin metodologiyası" beynəlxalq elmi konfransında "Gözəlliyin fəlsəfəsi, estetika və sənətşunaslıq" mövzusu ilə çıxış etmişdir. 25.05. 2010
Fəlsəfə elmləri doktoru Adil Əsədov "Qloballaşma şəraitində mədəniyyətlərin dialoqu" mövzusunda keçirilən Beynəlxalq Forumun məruzəcilərindən biri olmuşdur. 30.06.2010
Fəlsəfə elmləri doktoru Adil Əsədov akademik Ramiz Mehdiyevin "Azərbaycan yolu: stabilləşmədən modernləşməyə doğru" məqaləsinə həsr olunmuş, Azərbaycan Milli Elmlər Akademiyası Fəlsəfə, Sosiologiya və Hüquq İnstitutunda keçirilən dəyirmi masada çixiş etmişdir. 09.10.2010
Fəlsəfi Maarifçilik Assosiasiyasının prezidenti Adil Əsədov fəlsəfi pentologiyanın V cildi — "Siyasətin fəlsəfəsi: dövlət və onun inkişaf mərhələləri siyasi aristokratizmin təkamül dinamikası işığında" monoqrafiyasının ikinçi, yenidən işlənmiş nəşrini çap etdirmişdir. 27.10. 2010
Fəaliyyəti (2011)
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının himayəsi altında Fəlsəfi Maarifçilik Assosiasiyasının həyata keçirdiyi ikinci layihə 2011-ci ildə gerçəkləşdirilən "Azərbaycan mədəniyyəti dünya sivilizasiyasi kontekstində" layihəsi oldu. Layihə 01.04.2011 tarixdən 30.09.2011 tarixədək müddətdə həyata keçirildi. Layihədə Azərbaycan mədəniyyətini dünya sivilizasiyası kontekstində mənalandırılmasından və onu həmin bu məna fonunda təqdim etməkdən ibarət olan məqsəd və bu məqsədin həyata keçirilməsi üçün aşağıdakı vəzifələrin yerinə yetirilməsi qarşıya qoyuldu: — Azərbaycanın dünya mədəniyyətinə verdiyi töhfələri vurgulamaqla gənclərdə bir azərbaycanlı olaraq qürur hissinin inkişaf etdirilməsində yardımçı olmaq; — Azərbaycan mədəniyyəti vasitəsilə dünya mədəniyyətinin mənimsənilməsi, Azərbaycan cəmiyyətində daha yüksək mədəni səviyyənin əldə olunması işinə müəyyən töhfə vermək, mədəniyyət sahəsində həyata keçirilən maarifçiliyin miqyas və dairəsini genişləndirmək, əhalinin, xüsusən gənclərin müasir mədəniyyəti yaradıcı surətdə mənimsəməsinə yardımçı olmaq, dünya mədəniyyətinin mənimsənilməsi prosesininin formal "təqlid" kimi deyil, məzmun, məqsəd və mahiyyət prinsiplərinə bələd olma kimi təqdimatına verilə biləcək töhfənin konkretləşdirilməsi işində faydalı olmaq; — dünyanın Azərbaycana, xüsusən gənclərə müasir sivilizasiya pərdəsi altında göstərə biləcəyi yad təsirlərdən, təkcə Azərbaycan mədəniyyətinə deyil, ümumbəşəri mədəniyyətə yad olan təsirlərdən, daha konkret deyilsə, Qərb sivilizasiyasının yan təsirlərindən qorunmasında yardımçı olmaq.
Layihə çərçivəsində görülmüş işlərə "Azərbaycan mədəniyyəti dünya sivilizasiyasi kontekstində" mövzusu üzrə materialların toplanması və tədqiqi, Bakı şəhərində "Azərbaycan mədəniyyəti dünya sivilizasiyasi kontekstində (mədəniyyət tipləri konsepsiyası işığında)" mövzusunda dəyirmi masanın keçirilməsi, Naxçıvan şəhərində, Azərbaycan Milli Elmlər Akademiyasının Naxçıvan Bölməsində və Naxçıvan Dövlət Universitetində Muxtar Respublikanın aparicı alimləri ilə görüşlərin keçirilməsi, onlarla mövzu ətrafında müzakirələrin aparılması, Naxçıvan şəhərində, Naxçıvan Dövlət Universitetində gənclərlə görüşün təşkili və keçirilməsi aiddir.
"Azərbaycan mədəniyyəti dünya sivilizasiyasi kontekstində" mövzusu üzrə aparılan tədqiqatın başlıca məzmunu isə hazırlanmış slaydlarda öz ifadəsini tapdı. Bu slaydlardan birincisi mədəniyyətin nəzəri aspektləri ilə bağlıdır. İkincisi slayd isə Azərbaycan mədəniyyəti dünya sivilizasiyasi kontekstində" mövzusunun tətbiqi aspektləri ilə bağlıdır və layihəyə töhfə olaraq yaradılmışdır.
"Azərbaycan mədəniyyəti dünya sivilizasiyasi kontekstində" mövzusu üzrə aparılan tədqiqatın başlıca məzmununun ifadə olunduğu birinci slaydda "Fəlsəfi Maarifçilik Assosiasiyası" İctimai Birliyinin sədri Adil Əsədov tərəfindən irəli sürülən konsepsiyada mədəniyyətlərin dörd tipinin diqqət mərkəzində saxlanılacagı qeyd olunmur, mədəniyyət anlayışına müəllif tərəfindən verilən yığcam tərif yer alır, mədəniyyətlərin müəllif tərəfindən diqqət mərkəzində saxlanılan dörd tipi sadalanır, mədəniyyət tiplərinə xas olan başlıca əxlaqi dəyərlə bağlı müəllif mövqeyi açıqlanır, mədəniyyət tiplərinə xas olan qadağalar diqqət mərkəzində saxlanılır, mədəniyyət tiplərinə xas olan əxlaqi prinsiplə bağlı müəllif mövqeyi öz ifadəsini tapır, insani əzablarin mədəniyyət tiplərinə xas olan izah xüsusiyyətləri diqqət mərkəzinə gətirilir, mədəniyyət tiplərinə xas olan mütləq varliq modelləri təqdim olunur, mədəniyyət tiplərinə xas olan mütləq varliq modellərində daşinan mənəvi qüvvə ideyası ön plana çıxarılır və təsnif olunur, mədəniyyət tiplərinə xas olan özünüdərk formalari diqqət mərkəzində saxlanılır, mədəniyyət tiplərinə xas olan formalarda temperament tipləri təqdim olunur, mədəniyyət tiplərinə xas olan sosial fəaliyyət sferalari göstərilir, mədəniyyət tiplərinə xas olan gender xüsusiyyətləri ifadə olunur, mədəniyyət tiplərinə xas olan zaman simvolları, mədəniyyət tiplərinə xas olan təbii simvollar açıqlanır, mədəniyyət tiplərinə xas olan estetik prinsiplər təqdim olunur və nəhayət, mədəniyyət tiplərinə xas olan başlica siyasi prinsip diqqət mərkəzinə gətirilir.
"Azərbaycan mədəniyyəti dünya sivilizasiyasi kontekstində" mövzusunun tətbiqi aspektləri ilə bağlı olan slayd isə 67 səhifədən ibarət tərtib olunmuşdur. Burada həm Azərbaycan sənətkarları tərəfindən yaradılan əsərlərin, həm də xarici ölkələrin sənətkarları tərəfindən yaradılan, lakin Azərbaycan reallığını əks etdirən əsərlərin təsvirləri verilmişdir.
"Azərbaycan mədəniyyəti dünya sivilizasiyası kontekstində(mədəniyyət tipləri konsepsiyası işığında)" mövzusunda dəyirmi masanın keçirilməsi 31 may 2011-ci il tarixində baş tutmuşdur.
Dəyirmi masada dövlət orqanlarının (Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının, Azərbaycan Milli Elmlər Akademiyası Fəlsəfə, Sosiologiya və Hüquq İnstitutunun, Azərbaycan Dövlət İnşaat və Memarlıq Universitetinin, Azərbaycan Dövlət Pedaqoji Universitetinin), QHT-lərin (Milli Qeyri-Hökumət Təşkilatları Forumu, "Fəlsəfi Maarifçilik Assosiasiyası" İctimai Birliyi, Quba Regional Resurs və Təlim Mərkəzi), kütləvi-informasiya vasitələrinin ("Alatoran" jurnalı, "Space" televiziyası, "Mərkəz" qəzeti, "Palirta" qəzeti) nümayəndələri iştirak etmişlər.
Tədbiri Azərbaycan Milli Elmlər Akademiyası Fəlsəfə, Sosiologiya və Hüquq İnstitutunun elmi işlər üzrə direktor müavini, fəlsəfə üzrə fəlsəfə doktoru Rohidə Rzayeva açmışdır. Fəlsəfi Maarifçilik Assosiasiyası İctimai Birliyinin sədri, fəlsəfə elmləri doktoru Adil Əsədov tədbirdə "Azərbaycan mədəniyyəti dünya sivilizasiyası kontekstində (mədəniyyət tipləri konsepsiyası işığında)" mövzusunda məruzə ilə çıxış etdi. Azərbaycan Milli Elmlər Akademiyası Fəlsəfə, Sosiologiya və Hüquq İnstitutunun direktoru, professor İlham Məmmədzadə qeyri-hökumət təşkilatları ilə alimlərin əlaqələrinin möhkəmləndirilməsinin zəruriliyini vurğuladı. Milli QHT Forumunun İdarə Heyətinin üzvü Əhməd Qəşəm-oğlu keçirilən tədbirin vacibliyini vurğuladı. Professor Sakit Hüseynov alimlərin və qeyri-hökumət təşkilatları nümayəndələrinin birgə fəaliyyətinin zəruriliyindən danışdı. Fəlsəfə elmləri doktoru Aydın Əlizadə mədəniyyətdə elm və praktikanın birliyinin zəruriliyindən danışdı. Fəlsəfə elmləri doktoru, professor Azər Mustafayev mədəniyyət və elm məsələləri üzərində dayandı. Tədbirdə Azərbaycan Milli Elmlər Akademiyası Fəlsəfə, Sosiologiya və Hüquq İnstitutunun aparıcı alimləri ilə yanaçı, Gənc Alimlər Cəmiyyətinin sədri Radif Mustafayev, yazıçı Rasim Qaraca çıxış etdilər. Jurnalist Həmid Herisçi Amerika, Avropa və Azərbaycan mədəniyyətləri arasında paralellər apardı. Tədbirin işinə regiondan dəvət olunan, Milli Qeyri-Hökumət Təşkilatları Forumunun Quba Regional Resurs Mərkəzinin rəhbəri Eynulla Xeyrullayev irəli sürülən yeni konsepsiyanın maraqlı olduğunu vurğulamaqla yanaşı, burada səsləndirilən fikirlər ətrafında daha geniş silsilə müzakirələrin aparılmasının zəruriliyini vurğuladı. Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının katibliyinin nümayəndəsi Elnur Bağırlı tədbirdə iştirak etmişdir. Sonda "Fəlsəfi Maarifçilik Assosiasiyası" İctimai Birliyinin rəhbəri Adil Əsədov tədbir iştirakçılarına minnətdarlığını bildirdi.
13–16 sentyabr 2011-ci il tarixlərində Naxçıvan şəhərində, Azərbaycan Milli Elmlər Akademiyasının Naxçıvan Bölməsində və Naxçıvan Dövlət Universitetində Muxtar Respublikanın aparicı alimləri ilə görüşlərin keçirildi, mövzu ətrafında müzakirələr aparıldı. 16 sentyabr 2011-ci il Naxçıvan şəhəri, Naxçıvan Dövlət Universitetində Gənclərlə görüş keçirildi. Tədbiri giriş sözü ilə Naxçıvan Dövlət Universitetinin tərbiyə işləri üzrə prorektoru, fəlsəfə elmləri doktoru, professor, Naxçıvan Ali Məclisinin üzvü Məmməd Rzayev aşdı. Professor Məmməd Rzayev Azərbaycan mədəniyyətinin dünya sivilizasiyasi kontekstində mənalandırılmasının gənclərin tərbiyəsində mühün əhəmiyyət kəsb etdiyini vurğuladı. Fəlsəfi Maarifçilik Assosiasiyası İctimai Birliyinin sədri, Azərbaycan Milli Elmlər Akademiyası Fəlsəfə, Sosiologiya və Hüquq İnstitutunun şöbə müdiri, fəlsəfə elmləri doktoru Adil Əsədov tədbirdə"Azərbaycan mədəniyyəti dünya sivilizasiyasi kontekstində" mövzusunun tətbiqi aspektləri ilə bağlı olan və 67 səhifədən ibarət tərtib olunan slaydı nümayiş etdirməklə müasir interaktiv üslubda söhbət apardı. Bu söhbət zamanı həm Azərbaycan sənətkarları tərəfindən yaradılan əsərlərin, həm də xarici ölkələrin sənətkarları tərəfindən yaradılan, lakin Azərbaycan reallığını əks etdirən əsərlərin təsvirləri nümayiş etdirildi və bütün bu əsərlər fəlsəfi-psixoloji baxımdan mənalandırıldı. Sonda "Fəlsəfi Maarifçilik Assosiasiyası" İctimai Birliyinin rəhbəri Adil Əsədov göstərdiyi qayğıqa görə, Naxçıvan Dövlət Universitetinin rəhbərliyinə, xüsusən Universitetin rektoru, Azərbaycan Milli Elmlər Akademiyasının həqiqi üzvü, filiogiya elmləri doktoru, professor, Azərbaycan Respublikası Milli Məclisinin üzvü İsa Həbibbəyliyə və Universitetin tərbiyə işləri üzrə prorektoru, fəlsəfə elmləri doktoru, professor, Naxçıvan Ali Məclisinin üzvü Məmməd Rzayevə və bütün tədbir iştirakçılarına minnətdarlığını bildirdi.
Fəlsəfi Maarifçilik Assosiasiyasının prezidenti Adil Əsədov Azərbaycan Milli Elmlər Akademiyası Fəlsəfə, Sosiologiya və Hüquq İnstitutunda keçirilən "Fəlsəfə və elmlərin qarşılıqlı əlaqəsi" movzusunda elmi konfransda "Deterministik elm və fəlsəfə" mövzusunda çixiş etmişdir. 02.02.2011
Ümumdünya Mədəniyyətlərarası Dialoq Forumunun iştirakçısı olan filosoflar — İlham Məmmədzadə (Azərbaycan), Kenan Gürsoy (Türkiyə), Adil Əsədov (Azərbaycan), Andrey Smirnov (Rusiya), İsmayıl Yakıt (Türkiyə), Aleksandr Cumakov (Rusiya), Andrey Malıc (Sloveniya) ictimai televiziyanın qonağı oldular. 09.04.2011
Fəlsəfi Maarifçilik Assosiasiyasının Prezidenti Adil Əsədov Azərbaycan Milli Elmlər Akademiyası Fəlsəfə, Sosiologiya və Hüquq İnstitutunda keçirilən "Fəlsəfə və elm" movzusunda elmi konfransda çıxış etmişdir. 18.05.2011
Adil Əsədovun ""Təfəkkür" anlayışının fəlsəfi statusuna dair" adlı məqaləsi Moskvada, "Вопросы философии" jurnalında çap olunmuşdur. İyun, 2011
Fəlsəfə elmləri doktoru Adil Əsədovun "Təfəkker mədəniyyətlərinin qarşılıqlı təsiri müasir qloballaşma şəraitində" adlı məruzəsi Moskvada, "Канон+" nəşriyyatında "Диалог культур в условиях глобализации" məcmuəsində çap olunmuşdur. 2011
Fəlsəfi Maarifçilik Assosiasiyasının Prezidenti Adil Əsədov Vətəndaş cəmiyyəti jurnalına müsahibə vermişdir. 28.07.2011
Fəlsəfə elmləri doktoru Adil Əsədov Azərbaycan Milli Elmlər Akademiyası Fəlsəfə, Sosiologiya və Hüquq İnstitutunda keçirilən Azərbaycan Respublikasının iyirmi illiyinə həsr olunmuş elmi konfransda çıxış etmişdir. 14.10.2011
Fəlsəfi Maarifçilik Assosiasiyasının Prezidenti Adil Əsədov Azərbaycan Respublikası Prezidenti yaninda Qeyri-Hökumət Təşkilatlarına Dövlət Dəsdəyi Şurasının himayəsi altında həyata kecirilən "Azərbaycan mədəniyyəti dünya sivilizasiyası kontekstində" layihəsi cərcivəsində "Azərbaycan mədəniyyəti dünya sivilizasiyası kontekstində (mədəniyyətlərin dörd bölümlü tipologiyasi konsepsiyası işığında" mövzusunda dəyirmi masada çıxış etmişdir. 31.05.2011
Fəaliyyəti (2012)
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının himayəsi altında Fəlsəfi Maarifçilik Assosiasiyasının həyata keçirdiyi üçüncü layihə cari, "Azərbaycan mədəniyyətinin inkişafinda regional resursların əhəmiyyəti" 2012-ci ilə aiddir. Layihəsinin icrasına 2012-ci ilin may ayından başladı.
Layihədə qarşıya qoyulan məqsəd Azərbaycan mədəniyyətinin inkişafını regional resursların əhəmiyyəti baxımından mənalandırmaqdan və onu həmin bu məna fonunda təqdim etməkdən ibarətdir.
Bu məqsədin həyata keçirilməsi üçün aşağıdakı vəzifələrin yerinə yetirilməsi nəzərdə tutulur:
— Azərbaycanın milli mədəniyyətinin inkişafında regional resursların rolu ilə bağlı yerinə yetirilmiş tədqiqatlarda ictimai əhəmiyyət kəsb edən məqamların aşkar və inkişaf edilməsinə və onların çap olunmasına nail olmaq;
— Azərbaycanın mənəvi tərəqqisinin öz daxili imkanlarının aktuallaşdırılmasından doğulan milli mədəniyyətinin dünya mədəniyyətinə verdiyi töhfələri vurğulamaqla gənclərdə bir azərbaycanlı olaraq qürur hissinin inkişaf etdirilməsinə və bununla da Azərbaycançılıq ideologiyasının sosial dayaqlarının daha da möhkəmlənməsinə yardımçı olmaq;
— Azərbaycan cəmiyyətində daha yüksək mədəni səviyyənin əldə olunması işinə müəyyən töhfə vermək, mədəniyyət sahəsində həyata keçirilən maarifçiliyin miqyas və dairəsini genişləndirmək, əhalinin, xüsusən gənclərin mədəniyyəti yaradıcı surətdə mənimsəməsinə yardımçı olmaq, dünya mədəniyyətinin mənimsənilməsi prosesininin formal "təqlid" kimi deyil, milli mədəniyyətinin daxili resursların aktuallaşdırılması kimi məzmun kəsb etməsi işində faydalı olmaq;
— dünyanın Azərbaycana, xüsusən gənclərə müasir sivilizasiya pərdəsi altında göstərə biləcəyi yad təsirlərdən, təkcə Azərbaycan mədəniyyətinə deyil, ümumbəşəri mədəniyyətə yad olan təsirlərdən, daha konkret deyilsə, Qərb sivilizasiyasının yan təsirlərindən qorunmasında yardımçı olmaq.
Layihə üzrə nəzərdə tutulan işlərin Bakı və Lənkəran şəhərlərində həyata keçirilməsi nəzərdə tutulur. Azərbaycanın regionları içərisindən Lənkəran şəhərinin seçilməsi cənub bölgəsinin mədəni mərkəzi olaraq Lənkəranın özünəməxsusluğu ilə əlaqədardır. Buraya o məqamı da əlvə etmək yerinə düşər ki, Lənkəran şəhəri Azərbaycan Respublikası Mədəniyyət və Turizm Nazirliyi tərəfindən 2011-ci ildə Azərbaycanın folklor paytaxtı elan olunmuşdu. Lənkəran şəhərinin Azərbaycanın folklor paytaxtı elan olunması ilə bağlı Mədəniyyət və Turizm Nazirliyi tərəfindən həyata keçirilən rəsmi tədbirlər yekunlaşsa da, Lənkəran şəhəri Azərbaycanın cənub bölgəsinin mədəni mərkəzi olaraq statusunu əlbəttə ki saxlamaqdadır.
Layihənin rəhbəri fəlsəfə elmləri doktoru Adil Əsədovdur.
Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən maliyyələşdirilir.
Fəaliyyəti (2017)
Fəlsəfi Maarifçilik Assosiasiyası İctimai Birliyi Azərbaycan Respublikası Prezidenti yaninda Qeyri-Hökumət Təşkilatlarına Dövlət Dəstəyi Şurasının 2017-ci il üçün elan etdiyi birinci müsabiqənin qaliblərindən oldu. 2017.03.07
Fəlsəfi Maarifçilik Assosiasiyası "Mənəvi birliyimizi yaşadaq və inkişaf etdirək" layihəsi çərçivəsində milli-mənəvi dəyərlərimizin qorunmasına dair gənc nəslin münasibətini öyrənmək məqsədilə sosial sorğu keçirdi. 2017.05.19
Fəlsəfi Maarifçilik Assosiasiyası Azərbaycan Milli Elmlər Akademiyasının alimlərini də cəlb etməklə "Mənəvi varlığımızı yaşadaq və inkişaf etdirək" mövzusunda elmi seminar keçirdi. 2017.06.16
16 iyun 2017-ci il tarixində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının himayəsi altında, AMEA-nın Fəlsəfə İnstitutunun təşkilati dəstəyi ilə, Fəlsəfi Maarifçilik Assosiasiyası İctimai Birliyi tərəfindən “Mənəvi birliyimizi yaşadaq və inkişaf etdirək” layihəsi çərçivəsində seminar keçirilmişdir. Seminarı Fəlsəfi Maarifçilik Assosiasiyasının prezidenti, AMEA Fəlsəfə İnstitutunun şöbə müdiri, fəlsəfə elmlər doktoru Adil Əsədov açmışdır. O, mənəvi birliyimizin ümumbəşəri və milli aspektlərinə toxunmuş, mənəviyyat anlayışının fəlsəfi xarakteristikasından söz açmışdır. Seminarda Fəlsəfi Maarifçilik Assosiasiyası İdarə Heyətinin sədr müavini, AMEA Fəlsəfə İnstitutunun əməkdaşı Natalya Əliyeva “Milli-mənəvi dəyərlərimiz və ənənələr” mövzusunda çıxış etmişdir.
Müzakirələrdə fəlsəfə üzrə elmlər doktoru, professor Azər Mustafayev, fəlsəfə üzrə elmlər doktoru Ziba Ağayeva, fəlsəfə üzrə fəlsəfə doktorları Hüseyn İbrahimov, Elfanə Qasımova, Leyla Nəzirzadə, Xəzər Universitetinin müəllimləri, AMEA-nın doktorantları Mələk Kərimova və Ruslan Xəlilov, AMEA Fəlsəfə İnstitutunun elmi işçiləri Yasmina Məlikova və Almaz Məlikova çıxış etdilər.
Fəlsəfə elmləri doktoru Adil Əsədov Quba şəhərində Milli Qurtuluş Gününə həsr olunmuş tədbirlərə iştirak etmişdir. - Milli Məclisin üzvü Xanhüseyn Kazımlı, prof.Şahin Fərzəlibəyli, Quba rayon İcra hakimiyyətinin başçısı Mübariz Ağayev, Adil Əsədov,millət vəkili Vahid Əhmədov, Quba rayon prokuroru Nazim Hacıyev.
Mənbə
- Fəlsəfi Maarifçilik Assosiasiyasının rəsmi saytı 2017-09-22 at the Wayback Machine
Xarici keçidlər
- Adil Əsədov "Zəka nuru" proqramı üzrə "Dahilər" seriyasından Epikürlə bağlı çıxış etmişdir 1.*2.*3.*4.*5.*6.
- AzTV Adil Əsədov Dahilər seriyasından Sokratla bağlı çıxış etmişdir 1. 2. 3. 4. 5.
- AzTV Adil Əsədov Dahilər seriyasından Platonla bağlı çıxış etmişdir 1. 2. 3.
- Adil Əsədovun Gözəlliyin fəlsəfəsi monoqrafiyasının təqdimat mərasimi 1. 2. 3. 4. 5. 6. 7.
- Fəlsəfi Maarifçilik Assosiasiyası Quba Şəhərində dəyirmi masa keçirmişdir
- Layihə rəhbəri Adil Əsədov Xəyal televiziyasına müsahibə vermişdir.
- Layihə rəhbəri Adil Əsədov konsepsiya ilə bağlı cıxış etmişdir 1 2
- Fəlsəfə elmləri doktoru Adil Əsədov İnternews-Azərbaycan televiziyzsına müsahibə vermişdir 1. 2. 3. 4. 5.
- Fəlsəfi Maarifçilik Assosiasiyasının Prezidenti Adil Əsədov Vətəndaş cəmiyyəti jurnalına müsahibə vermişdir. 28.07.2011[ölü keçid]
- Filosoflar İctimai Televiziyanın qonağı oldular (Aleksandr Çumakov (Rusiya), İsmayıl Yakıt (Türkiyə), Adil Əsədov (Azərbaycan), İlham Məmmədzadə (Azərbaycan), Andrey Smirnov (Rusiya), Kənan Gürsoy (Türkiyə), Andrey Malıç (Sloveniya))
- Azərbaycan Qeyri-Hökumət Təşkilatları