Füzuli Beynəlxalq Hava Limanı
Füzuli Beynəlxalq Hava Limanı — Azərbaycan, Füzuli rayonu ərazisində inşa olunan beynəlxalq hava limanı.
Füzuli Beynəlxalq Hava Limanı | |
---|---|
Füzuli Beynəlxalq Hava Limanı | |
| |
39°35′39″ şm. e. 47°11′47″ ş. u. | |
IATA: none – ICAO: UBBF | |
Məlumat | |
Ölkə | |
Yeri | Füzuli, Azərbaycan |
Sahibkar | Azərbaycan hökuməti |
Vikianbarda əlaqəli mediafayllar |
Tarixi
Birinci Qarabağ müharibəsi zamanı 23 avqust 1993-cü ildə Füzuli rayonu Ermənistan Silahlı Qüvvələri tərəfindən işğal edildi. Rayonla yanaşı Füzuli şəhərinin də təxminən 17.000 sakininin hamısı zorla qovuldu. İşğal dövründə şəhər bütünlüklə dağıdıldı və kabus şəhərinə çevrildi. Ermənistan işğalçıları tərəfindən tutulduqdan sonra şəhər həm də minalanmışdı.
2020-ci il İkinci Qarabağ müharibəsi zamanı oktyabrın 17-də Azərbaycan Prezidenti İlham Əliyev, Azərbaycan Silahlı Qüvvələrinin şəhərə nəzarəti yenidən ələ keçirdiyini elan etmişdir. Ertəsi gün Azərbaycan Müdafiə Nazirliyi Füzulidən Azərbaycan əsgərlərinin şəhərin mərkəzində Azərbaycan bayrağını qaldırdığını göstərən video yayımladı.
Hava limanı tikilməsi qərarı
2020-ci il noyabrın 26-da Azərbaycan Nəqliyyat, Rabitə və Yüksək Texnologiyalar Nazirliyi ICAO-nun Füzulidəki hava limanı da daxil olmaqla 6 hava limanının beynəlxalq yer indeksləri kataloquna daxil edilməsi barədə Dövlət Mülki Aviasiya Agentliyinin müraciətini təmin etdiyini bildirdi.
2021-ci ilin yanvarında Azərbaycan Prezidenti Füzulidə beynəlxalq hava limanının tikintisi barədə sərəncam verdi. Gələcək hava limanının təməlqoyma mərasimi həmən ilin yanvar ayının 14-də baş tutdu.. Hava limanının uçuş zolağının inşasının ilin sonuna kimi tamamlanması planlaşdırılır..
Tikintisi
Ermənistan Silahlı Qüvvələrinin Füzuli şəhərinin işğalından öncə şəhərdə yerli əhəmiyyətli olsa da hava limanı mövcud idi. Bu hava limanı da bütün şəhər kimi son 27 ildə xarabalığa çevrilmişdi. Bu hava limanının uçuş zolağı da 1600 metr olmuşdur.
Köhnə aeroportun yerində tikilən Füzuli beynəlxalq hava limanında uçuş-enmə zolağının inşası ilə bu sahədə böyük təcrübəsi olan "AzVirt" MMC məşğul olmuşdur. Hava limanının tikintisi prezidentin bölgəyə səfərindən dərhal başlamışdır. Plana əsasən ilin sonuna kimi uçuş-enmə zolağı, eləcə də peron istifadəyə veriləcək. Yeni hava limanının uçuş-enmə zolağının uzunluğu 3 000 metr olacaq.
Tikinti getdiyi ərazi döyüş bölgəsi olduğundan, düşmən tərəfindən minalanmışdır. Bu amildə tikintinin sürət tempinə təsir göstərmişdir. Belə ki, tikinti ilə yanaşı minalardan təmizləmə işi paralel aparılmışdır. İngiltərə istehsalı olan, ərazini minalardan zərərsizləşdirən unikal "AARDVARK" modelli mexanizm alınıb və əraziyə gətirilmişdir. Aeroportun tikintisinə müasir texnologiyalardan istifadə edilmişdir. İki müasir tipli asfalt-beton qurğusu alınmış, həmçinin üç doğrayıcı-çeşidləyici qurğu da inşa olunmuş və bir ədəd beton zavod, 1 ədəd qarışdırıcı mexaniki qurğu quraşdırılmışdır. 2021-ci ilin yazından sonra isə tikintidə 24 saatlıq iş rejimi təşkil edilmişdir.
Hava Limanının layihələndirməsinin tərkibinə aşağıdakı obyektlər daxil edilmişdir:
- Aerovağzal binası
- 3000x45 metr ölçüdə uçuş enmə zolağı
- Peron
- Yönəldici yol
- Uçuş enmə zolağının işıq siqnal sistemləri
- Transformator yarımstansiyalarının tikintisi
- Köməkçi binalar
İstinadlar
Bu məqalədəki istinadlar müvafiq istinad şablonları ilə göstərilməlidir. |
- "Azerbaijan's Fizuli a ghost town after Karabakh battles". France 24 (ingilis). 19 November 2020. İstifadə tarixi: 25 January 2021.
- "The Azerbaijani flag was raised up in the center of liberated from the occupation Fizuli city". Azerbaijani Ministry of Defence (ingilis). İstifadə tarixi: 25 January 2021.
- "Аэродромы в Агдаме, Физули и Ханкенди включены в каталог международных индексов местоположений". mincom.gov.az (azərb.). İstifadə tarixi: 2021-01-07.
- "Официальный сайт президента Азербайджанской Республики - НОВОСТИ » Мероприятия". ru.president.az (rus). İstifadə tarixi: 2021-01-15.
- "Президент: В Физули будет построен международный аэропорт". Информационное Агентство Репорт (rus). İstifadə tarixi: 2021-01-07.
- Füzuli hava limanının tikintisi davam edir - FOTO
- Füzulidə hava limanı tikilən ərazinin minalardan təmizlənməsi üçün yeni texnika alınıb
- Füzuli Beynəlxalq Hava Limanında bu obyektlər yerləşəcək (FOTO)