Faiq Ağayev (hüquqşünas)
Faiq Ağayev (tam adı: Faiq Bahadur oğlu Ağayev; d.12 noyabr 1986; Azərbaycan SSR, Bakı) — hüquqşünas, müəllim, Əmək və Əhalinin Sosial Müdafiəsi Nazirliyinin Sosial Xidmətlər Agentliyinin sədr müavini.
Faiq Ağayev | |
---|---|
Faiq Bahadur oğlu Ağayev | |
Doğum tarixi | |
Doğum yeri | Bakı, Azərbaycan SSR, SSRİ |
Vətəndaşlığı | SSRİ→ Azərbaycan |
Milliyyəti | azərbaycanlı |
İxtisası | hüquqşünaslıq ixtisası |
Təhsili | Bakı Dövlət Universiteti |
Fəaliyyəti | dövlət qulluğunun baş müşaviri |
Mükafatları |
Həyatı
Faiq Ağayev 12 noyabr 1986-cı ildə Bakı şəhərində anadan olub. 1991–2001-ci illərdə Bakı şəhəri 159 saylı orta məktəbdə orta təhsil alıb. Orta məktəb illərində riyaziyyat fənni üzrə məktəb və rayon olimpiadalarının qalibi olub. 2001-2005-ci illərdə Bakı Dövlət Universitetinin Tətbiqi Riyaziyyat və Kibernetika fakültəsinin, İnformatika ixtisasında təhsil alıb, bakalavr təhsilini fərqlənmə diplomu ilə başa vurub. 2005-2007-ci illərdə Bakı Dövlət Universitetində Tətbiqi Riyaziyyat və Kibernetika fakültəsi, İnformatika ixtisası üzrə magistr təhsili alıb. 2007-2011-ci illərdə Bakı Dövlət Universitetində əlavə təhsil olaraq hüquqşünaslıq ixtisasına yiyələnib, 2013-2015-ci illərdə Azərbaycan Dövlət İqtisad Universitetində Biznesin təşkili və idarə edilməsi fakültəsində, "Beynəlxalq biznes üzrə" ixtisası MBA magistr dərəcəsi alıb. 2013-cü ildən AMEA-nın İdarəetmə Sistemləri İnstitutunda dissertantdır. 2020-ci ilə qədər Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında Hüquqi maarifləndirmə, elmi-analitik, informasiya və beynəlxalq əlaqələr şöbəsinin müdiri vəzifəsində çalışıb. 2020-ci ilin sentyabr ayından Əmək və Əhalinin Sosial Müdafiəsi Nazirliyinin Sosial Xidmətlər Agentliyinin sədr müavini vəzifəsinə təyin olunub.
Fəaliyyəti
İnsan hüquqlarına dair 21 elmi məqalələrin müəllifi olan F.Ağayev 2006-cı ildən indiyədək Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında çalışır. 2016-cı ildən Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında Hüquqi maarifləndirmə, elmi-analitik, informasiya və beynəlxalq əlaqələr şöbəsinin müdiridir. Dövlət qulluğunun baş müşaviridir. Eyni zamanda 2017-ci ildən indiyədək Bakı Dövlət Universitetinin "İnsan hüquqları və informasiya hüququ üzrə YUNESKO" kafedrasının müəllimidir. Xarici ölkələrdə təcrübə mübadiləsi proqramında, həmçinin beynəlxalq konfranslarda, habelə ölkə daxilində çoxsaylı konfrans, forum, seminar və təlimlərdə iştirak edib. 2001-ci ildən ölkədə uşaq və gənclər təşkilatlarında layihə rəhbəri kimi çalışıb.
Təltifləri
Azərbaycan Respublikası Prezidenti cənab İlham Əliyevin 23 dekabr 2016-cı il tarixli Sərəncamı ilə "Tərəqqi" medalı ilə təltif edilib.
İstinadlar
- https://oxu.az/society/422951
- https://www.bizimyol.info/az/news/287475.html
- . 2020-10-25 tarixində orijinalından arxivləşdirilib. İstifadə tarixi: 2020-09-20.
- https://news.milli.az/society/882667.html
- https://www.ens.az/az/sosial-xidmetler-agentliyine-sedr-muavini-teyin-olunub
- https://report.az/sosial-mudafie/sosial-xidmetler-agentliyine-sedr-muavini-teyin-olunub/ Sosial Xidmətlər Agentliyinə sədr müavini təyin olunub
- http://www.elibrary.az/docs/QAZET/qzt2017_2299.htm/[ölü keçid] İnsan hüquqları aylığına uğurla yekun vurulmuşdur
- http://www.respublica-news.az/index.php/dig-r-x-b-rl-r/dig-r-x-b-rl-r/item/20746-sulh-vae-insan-huguglar/ Sülh və insan hüquqları
- https://www.qanun.az/images/journal/2019-05-10-12-48-301557478110.pdf/ 2019-05-18 at the Wayback Machine Cinayət-Prosessual hüquq normaları və bu normalarla tənzim edilən hüquq münasibətləri haqqında. "Qanun" jurnalı № 08 (286) / 2018
- Azərbaycan Respublikasının İnsan hüquqları üzrə müvəkkili (Ombudsman) Aparatı əməkdaşlarının təltif edilməsi haqqında Azərbaycan Respublikası Prezidentinin Sərəncamı
Xarici keçidlər
- Ombudsman Aparatının əməkdaşları təltif edilib - SİYAHI
- "UŞAQ HÜQUQLARI KONVENSİYASI"NA DAİR TƏDBİR KEÇİRİLDİ
- Ombudsman Aparatının əməkdaşı beynəlxalq konfransda çıxış etmişdir
- İnsan hüquqları aylığına uğurla yekun vurulmuşdur[ölü keçid]
- 23 ildir dayanmadan təhsil alan gənc - FOTO[ölü keçid]
- Sülh və insan hüquqları
- "İNSAN HÜQUQLARI AYLIĞI" START GÖTÜRÜB
- "Gender zorakılığı-cəmiyyətimizin faciəsi" adlı layihənin təqdimat mərasimi keçirilmişdir 2020-02-17 at the Wayback Machine
- Ombudsman Aparatının nümayəndə heyəti Kişinyovda keçirilən beynəlxalq konfransda iştirak edib