Elçin Bayramlı
Bayramlı Elçin Bayram oğlu - sosioloq, jurnalist.
| Elçin Bayramlı | |
|---|---|
| Elçin Bayram oğlu Bayramlı | |
| Doğum tarixi | |
| Doğum yeri | Tovuz, Tovuz rayonu |
| Fəaliyyəti | jurnalist |
| Saytı | elchinbayramli.home.blog |
Peşə karyerası
Elçin Bayramlı 1975-ci ildə Tovuz şəhərində doğulub. 1990-1995-ci illərdə müxtəlif qəzet və jurnallarda yazıları dərc olunub.
Peşəkar jurnalist fəaliyətinə 1998-ci ildə Elçi qəzetində müxbir kimi başlayıb.
Bakinskiy Raboçiy, Ekspress, İki Sahil, Demokrat,24 saat və s. qəzetlər, Milli.az, Vesti.az, Lent.az, Publika.az, Modern.az portalları, AzərTAc ilə əməkdaşlıq edib.
2002-ci ildən etibarən Sm-Press qəzetinin baş redaktoru, Simurq Tele-Radio Kompaniyasının (SmTv) baş redaktoru, informasiya və müəllif proqramlarının aparıcısı kimi fəaliyyət göstərib.
2006-cı ildən etibarən "Səs" qəzetində müxbir, 2008-ci ildə "Səs" İnformasiya Agentliyinin (SİA) baş redaktoru olub.
2012-2013-cü illərdə "Gündəlik Teleqraf" qəzetində çalışıb.
2014-2015-cı illərdə Fins.az İnformasiya Agentliyində redaktor kimi çalışıb.
2015-2018-cı illərdə Azadinform İnformasiya Agentliyinin baş redaktor müavini olub. 2018-ci ildən "TvPress" İnternet Qəzetinin baş redaktorudur.
Müxtəlif qəzet və saytlarda, həmçinin Rusiya və Türkiyə mətbuatında yazıları dərc olunur.
İctimai fəaliyyəti
"Altay" Sosial-iqtisadi Araşdırmalar Mərkəzinin (ASAM) sədri, "Ekoloq Jurnalistlər Birliyi"nin (EJB) üzvüdür. Bir sıra humanitar, ekoloji və sosial layihələrin rəhbəri və ya koordinatoru olub. Mütamadi olaraq sosial və iqtisadi mövzularda televiziya və mətbuatda çıxışlar edir.
Yaradıcılığı
8 telelayihənin müəllifi, 5 teleproqramın aparıcısı, 3 sənədli, 7 televiziya filminin ssenaristi və rejissoru, 2 kitabın, 100-dən artıq publisistik əsərin- felyeton, şeir, esse, pritça, hekayə və pamfletin, həmçinin, sosial, iqtisadi, siyasi, ekoloji, tarix, mədəniyyət mövzularda yüzlərlə araşdırma va analitik məqalənin müəllifidir.
Təltifləri
Azərbaycanda beynəlxalq və yerli təşkilatlar tərəfindən jurnalistlər arasında keçirilən 10-dan artıq müsabiqənin qaliblərindən olub. Diplom, Fəxri Fərman və Sertifikatlarla təltif olunub. Mediadakı fəaliyyətinə görə, dövlət orqanları, Mətbuat Şurası, KİVDF, bir sıra beynəlxalq və yerli ictimai təşkilatlar tərəfindən mükafata layiq görülüb.
Türk dünyasına xidmətlərinə görə, Milli Mətbuatın inkişafına xidmətlərinə görə mükafatlara layiq görülüb. Ekoloji sahədə fəaliyyətinə görə, WWF, "Critical Ekosistem", ETSN, EJB tərəfindən Diplomla təltif olunub.
Hazırda Bakı şəhərində yaşayır. Ailəlidir, 3 övladı var.