Elxan Qəniyev

Elxan Qəniyev — azərbaycanlı sənədli fotoqraf, rəqəmsal rəssam.

Elxan Qəniyev
Elxan Ehsan oğlu Qəniyev
Doğum tarixi	12 noyabr 1994 (28 yaş)
Doğum yeri	İsmayıllı, Azərbaycan
Vətəndaşlığı	Azərbaycan
Milliyyəti	azərbaycanlı
Dini	İslam
Fəaliyyəti	Sənədli fotoqraf, rəqəmsal rəssam
Fəaliyyət illəri	2011 – h.h.
Saytı	ganiyevart.com
Vikianbarda əlaqəli mediafayllar

2011-ci il tarixdən fotoqrafiya üzrə peşəkar fəaliyyətə başlamış, bir sıra yerli və beynəlxalq təlim, sərgi və müsabiqələrin iştirakçısı və laureatı olub.

2017-ci ildən Azərbaycan Fotoqraflar Birliyinin üzvüdür.

Uzun müddət İsmayıllı Rayon İcra Hakimiyyətinin dəstəyi ilə İsmayıllını, onun qədim mədəni irsini, təbiətini beynəlxalq arenaya tanıtmaq məqsədilə keçirilən foto, video layihələrin ("Go to Ismayıllı" – 6 ay) birbaşa icraçısı olub.

Formula 1, İslam Həmrəyliyi Oyunları, Avropa Oyunları kimi beynəlxaq yarışların fotoqrafı olub və çəkdiyi fotolar geniş ictimaiyyətə sərgilənib.

"İSTECH MMC", "Hajizade Group", "İntro Dev", Gəmiqaya Holdinq, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ARVXSİDA) tabeliyində olan “ABAD” publik hüquqi şəxs kimi şirkət və dövlət qurumlarında fotoqraf, dizayner, art direktor vəzifələrində çalışıb. Hal-hazırda Kənd Təsərrüfatı Nazirliyində işləyir. "Life style" və "Portret" janırında çəkilişlər edir. Səfərlər edib 4 mövsümdə şəkillər çəkir. Bu çəkilişlər dəfələrlə Azərbaycan mediasında geniş işıqlandırılıb.

Həyatı

Elxan Ehsan oğlu Qəniyev 12 noyabr 1994-cü il də İsmayıllı rayonunda anadan olub.

2000–2011-ci illərdə Natiq Behdiyev adına İsmayıllı kənd tam orta məktəbində tam orta təhsil alıb. Məktəbdə oxuduğu dövrlərdən dizayn, fotoqrafiya sahələrinə marağı olub.

2012–13-cü illərdə İsmayıllı rayon Heydər Əliyev Mərkəzində keçirlən kompyuter kurslarında əlavə təhsil alıb və qırmızı diplomla bitirib.

2012-ci ildə Mingəçevir Kadrhazırlığı və İxtisas Mətkəbində diş texniki isxtisası üzrə təhsil alıb.

Azərbaycan Respublikası Müdafiə Nazirliyinin təşkil etdiyi "KJM Konflikt Jurnalistika Məktəbi"nin şagirdi olub.

17 fevral 2017-ci ildən "Azərbaycan Fotoqraflar Birliyi"nin üzvüdür.

2017-ci ildə "ASAN Könüllüləri" Təşkilatının “Mədəniyyət carçısı” layihəsinin təşkilatçılığı, YARAT Müasir İncəsənət Məkanının tərəfdaşlığı və ASAN Radionun media dəstəyi ilə həyata keçirilən “FotoMən” fotoqrafiya kursunun təlimçisi olub.

2021-ci ildə Bakıda, Sahil metrostansiyasının çıxışında yaşayan kimsəsiz şəxslə bağlı foto-paylaşımı Azərbaycan mediasında geniş əks-səda doğurub.

Evlidir.

Əmək fəaliyyəti

7 yanvar 2016-cı ildən "Gəmiqaya Holdinq"də dizayner olaraq fəaliyyətə başlamış, 21.09.2017-ci ildən isə ARVXSİDA tabeliyində olan "ABAD"-da işləyib. 01.06.2018-ci ildə AR KTN-in İctimaiyyətlə əlaqlələr və informasiya təminatı şöbəsinin baş mütəxəssisi–böyük inspektoru təyin edilib. 29.07.2020 tarixində dövlət qulluğunun 1-ci dərəcəli referenti ixtisas dərəcəsi verilib.

Sərgiləri

Azərbaycan Respublikası Gənclər və İdman Nazirliyinin təşkil etdiyi “İnsan hüquqları sahəsinə aid video hazırlıq kursu”nu (aprel 2014) uğurla bitirmiş, “Azərbaycanda İslam dünyası və multikulturalizm dəyərləri” mövzusunda Gənc Fotoqrafların sərgisində bir neçə seçilmiş fotoşəkli sərgilənmişdir.

Azərbaycan Hava Yollarının əməkdaşlarının iş şəraiti ilə bağlı fotolar çəkib.

ASAN Könüllülərinin və Azərbaycan Fotoqraflar Birliyinin təşkil etdiyi “Həmrəylik Düşərgəsi”nin fotoqrafı olub çəkdiyi fotolar Asan Xidmət mərkəzində keçirilən sərgidə nümayiş etdirilib.

Mükafatları

30 oktyabr 2016-cı ildə Azərbaycan Fotoqraflar Birliyinin keçirdiyi bir sıra müsabiqələrin – “Minimalizm”, “Unutmadıq – Unutmarıq” kimi foto layihələrin qalibi olub.

26 dekabr 2016-cı ildə Azərbaycan Respublikası Prezidenti yanında Gənclər Fondunun dəstəyi ilə keçirilən “Fotolimp” sərgi-yarışmasında II yerə layiq görülüb.

Türkiyədə Konya Böyükşəhər Bələdiyyəsi, Səlcuq Universiteti, İtaliya Mədəni İrsin Qorunması Birliyi, “Türk Sanatları Tarihi və Folklorü Kongresi / Sanat Etkinlikleri Sergisi”nin iştirakçısı olub. Orada sərgilənən fotoları ən bəyənilən eksponatlardan olub.

Almaniyanın GİZ təşkilatının “Ətraf mühitin qorunması” layihəsində 20 fotoşəkli qalib gəlmiş və həmin şəkillərə görə qonorarla mükafatlandırılıb.

Həmçinin bax

• Məhəmməd Türkmən

İstinadlar

1. "İllərin müqayisəsi: "Canon" - "Nikon" - FOTOQRAFLARIMIZ NƏ DEYİR?". 2022-01-09 tarixində . İstifadə tarixi: 2022-01-15.
2. ""Azəraqrar Dövlət İstehsalat və Emal Birliyi"nin səhra gözəlləri FOTO". 2022-01-09 tarixində . İstifadə tarixi: 2022-01-15.
3. "İsmayıllının ucqar "Dərə" məhəlləsinin sakinlərinin BAYRAM SEVİNCİ". 2022-01-09 tarixində . İstifadə tarixi: 2022-01-15.
4. "İvanovkanın göz oxşayan taxıl zəmiləri FOTOLENT". 2022-01-09 tarixində . İstifadə tarixi: 2022-01-15.
5. "Qoyun sürüləri Lerik yaylaqlarına köç edir FOTOLENT". 2022-01-09 tarixində . İstifadə tarixi: 2022-01-15.
7. ""FotoMən" fotoqrafiya kursunun açılış mərasimi keçirilib (FOTO)". 2017-10-21 tarixində . İstifadə tarixi: 2022-01-15.
8. "Bakıda metronun çıxışında yaşayan şəxslə bağlı açıqlama - Foto". 2022-01-09 tarixində . İstifadə tarixi: 2022-01-15.
9. "Metronun çıxışında yaşayan şəxs sığınacağa yerləşdiriləcək". 2022-01-09 tarixində . İstifadə tarixi: 2022-01-15.
10. "Küçədə yaşayan şəxslə bağlı AÇIQLAMA". 2022-01-09 tarixində . İstifadə tarixi: 2022-01-15.
11. . 2022-01-09 tarixində orijinalından arxivləşdirilib. İstifadə tarixi: 2022-01-25.
12. "Üç ildir metronun çıxışında yaşayan şəxs sığınacağa yerləşdirildi - Foto". 2022-01-09 tarixində . İstifadə tarixi: 2022-01-15.
13. ""Azərbaycanda İslam dünyası və multikulturalizm dəyərləri" mövzusunda gənc fotoqrafların sərgisi". 2022-01-11 tarixində . İstifadə tarixi: 2022-01-15.

Xarici keçidlər

• Elxan Qəniyev rəsmi saytı
• Elxan Qəniyev — Azərbaycan Fotoqraflar Birliyinin rəsmi saytında
• Elxan Qəniyev — Instagram səhifəsi
• Elxan Qəniyev kanalı — YouTube
• Elxan Qəniyev — Facebook səhifəsi
• Elxan Qəniyev — WordPress-də bloqu
• "Çəkilən hər bir foto gələcəkdəki keçmişin bələdçisidir" - Müsahibə
• AZTV "Gənclik Stansiası" fotoqrafiya.
• Karyerasına hörümçəklə başlayan fotoqraf: Bir sevginin son şəklini çəkdim