Elman Cəfərli
Elman Cəfərli (tam adı: Cəfərli Elman Niyazil oğlu; 16 iyul 1975, Quzanlı, Ağdam rayonu) — azərbaycanlı jurnalist, Azərbaycan Jurnalistlər Birliyinin üzvü.
Elman Cəfərli | |
---|---|
Elman Niyazil oğlu Cəfərli | |
Doğum tarixi | 16 iyul 1975 (46 yaş) |
Doğum yeri | |
Milliyyəti | azərbaycanlı |
Təhsili | |
Fəaliyyəti | jurnalist |
Həyatı
Elman Cəfərli 16 iyul 1975-ci ildə Ağdam rayonunun Quzanlı qəsəbəsində anadan olub.
1982-1992-ci illərdə orta təhsil, 1992-1997-ci illərdə Azərbaycan Dövlət Pedaqoji Universitetinin Tarix fakültəsində ali təhsil alıb.
1997-1998-ci illərdə Azərbaycan Silahlı Qüvvələrində hərbi xidmətdə olub.
1998-2002-ci illərdə Cəmşid Naxçıvanski adına hərbi liseydə və Azərbaycan Müəllimlər İnstitutunda müəllim işləyib.
Mətbuatda fəaliyyəti
1999-cu ildən Azərbaycan mətbuatında yazılarla çıxış edir. 2000-ci ildə "Haqq yolu" qəzetində müxbir işləyib. 2001-2015-ci illərdə "Olaylar" qəzetində müxbir, həmçinin 2007-ci ildən həmin qəzetdə redaktor vəzifəsində çalışıb. Yazıları "Olaylar", "Türküstan" qəzetlərində, www.karabakhinfo.com beynəlxalq elektron jurnalında yayımlanıb. Hazırda Güney Azərbaycan Televiziyasında (Günaz.TV) işləyir.
Azərbaycan Jurnalistlər Birliyinin üzvüdür.
QHT sektorunda
2009-cu ildən müxtəlif qeyri-hökumət təşkilatlarının həyata keçirdiyi layihələrdə yaxından iştirak etmişdir:
- 2005-ci il, may-sentyabr. "Milli - mənəvi dəyərlərin qorunması və inkişafı" lahihəsi, koordinator.
- 2009-cu il aprel-avqust. "İnsan alverinə qarşı mübarizədə ümumimilli maarifləndirmə" layihəsi, koordinator.
- 2010-cu il, aprel-avqust. "İnfeksion xəstəliklərlə mübarızədə əhalinin sanitar-gigiyenik savadlandırma və maarıfləndirmə işi" layihəsi, direktor.
- 2011-ci il, aprel-avqust. "Azərbaycan torpaqlarına erməni iddialarının gerçək tarixi faktların əks etdirən təkzibedilməz dəlillərlə ifşası" layihəsinin rəhbəri.
- 2012-ci il, aprel-avqust. "Sosial tədqiqatlar yolu ilə əhalinin reklama münasibtinin öyrənilməsi" layihəsinin rəhbəri.
- 2013-cü il, aprel-iyul. "Korrupsiyaya qarşı mübarizədə vətəndaş cəmiyyəti institutlarının və medianın birgə mübarizəsinin təşkili" layihəsinin rəhbəri.
- 2015-ci il, may-avqust. "İslam dinində parçalanma yaratmağa çalışan dini təriqətlərə qarşı mübarizə tədbirlərinin təşkili" layihəsinin koordinatoru.
- 2020-ci il 20 sentyabr-20 noyabr. "Yay mövsümündə zəhərlənmə yaradan qida məhsulları ilə bağlı əhalinin maarifləndirilməsi" layihəsinin rəhbəri.
2019-cu ilin 3 sentyabrından "Yaşıl Dünya" Ekoloji Maarifləndirmə İctimai Birliyi İdarə Heyətinin sədridir.
Mükafatları
Azərbaycan Respublikası Prezidentinin 15 iyul 2015-ci il tarixli, 1321 nömrəli Sərəncamı ilə Azərbaycan Respublikasında kütləvi informasiya vasitələrinin inkişafındakı xidmətlərinə görə "Azərbaycan Respublikası Prezidentinin fəxri diplomu" ilə təltif edilib.
İstinadlar
- "Kütləvi informasiya vasitələri əməkdaşlarının "Azərbaycan Respublikası Prezidentinin fəxri diplomu" ilə təltif edilməsi haqqında" Azərbaycan Respublikası Prezidentinin 15 iyul 2015-ci il tarixli, 1321 nömrəli Sərəncamı (azərb.)