Caldapara Milli Parkı

Caldapara Milli Parkı (hind. জলদাপাড়া ন্যাশনাল পার্ক) və ya keçmiş adı ilə Caldapara vəhşi təbiət qoruğu) — Hindistanın Qərbi Benqaliya ştatının Əlipurduar rayonunda, Himalay dağlarının şərq yamaclarında yerləşən milli park. Milli park Torsa çayının sahilindədir. Milli park dəniz səviyyəsindən 61 metr hündürlükdə yerləşmiş olub sahəsi 216.51 km²-dır. 1941-ci ildə bu ərazidəki zəngin flora və faunanı qorumaq üçün qurulmuşdur. Nəsli təhlükədə olan Hindistan kərgədanlarının 2-ci ən böyük populyasiyası burada yaşamaqdadır və milli park həmçinin biotop statusuna malikdir. Çilapata meşələri Hindistan filləri üçün Caldapara ilə Buksa Pələng Qoruğu arasında bir növ dəhliz rolunu oynayır. Bu milli parkın yanında yerləşən Qorumara Milli Parkı da Hindistan kərgədanlarına görə tanınır.

Caldapara Milli Parkı
hind. জলদাপাড়া ন্যাশনাল পার্ক
Milli parkda fillə safari
BTMB kateqoriyası — II (Milli park)
Sahəsi	216.51 km^2 ha
Yaradılma tarixi	1941 (vəhşi təbiət qoruğu) may 2012 (milli park)
Faunası	bəbir, fil, Hindistan zambarı, muntjak, axis axis, axis porcinus, çöldonuzu, bizon, pipikli qartal, uzunquyruq qartal, tüvik, sarı toxucu, cəngəllik toyuğu, tovuz quşu, kəklik, Piton, varan, bunqarus, kobra, qeko və 8 tısbağa növü
Yerləşməsi
Ölkə	Hindistan
Vilayət	Qərbi Benqaliya
Rayon	Əlipurduar
jaldapara.in
Caldapara Milli Parkı
Vikianbarda əlaqəli mediafayllar

Tarixi

Bu ərazilərdə 1800-cü illərə qədər Toto və Meç tayfaları məskunlaşmışdılar. Milli park buna görə Totapara adı ilə də tanınır. 1941-ci ildə Hindistan kərgədanlarını qorumaq üçün Caldapara vəhşi təbiət qoruğu adı ilə qurulmuşdur. 2012-ci ilin mayında milli parka çevrilmişdir.

Flora və fauna

Milli parkı böyük savannalar örtür. Əsas diqqət burada Hindistan kərgədanlarına yönəldilir. Kaziranqa Milli Parkından sonra dünyada ən çox Hindistan kərgədanının yaşadığı milli parkıdır. Milli parkda bəbir, fil, Hindistan zambarı, muntjak, aksis, donuz maralı, çöldonuzu, bizon yaşayır.

Caldapara quş cənnətidir. Benqal dovdağının göründüyü nadir yerlərdəndir. Milli parkda yaşayan digər quş növlərinə pipikli qartal, uzunquyruq qartal, tüvik, sarı toxucu, cəngəllik toyuğu, tovuz quşu, kəklik aiddir. Piton, varan, bunqarus, kobra, qeko və 8 tısbağa növü ən geniş yayılmış sürünənlərdir.

Milli parkda bir çox heyvan növü nəsli kəsilmək təhlükəsi ilə qarşı-qarşıyadır.

Qalereya

İstinadlar

1. "National Park status for Jaldapara Sanctuary". Times of India. 11 may 2012. 11 August 2015 tarixində . İstifadə tarixi: 11 may 2012.
2. . Jalpaiguri District Website. 2012-11-10 tarixində orijinalından arxivləşdirilib. İstifadə tarixi: 25 fevral 2012.
3. . 2014-12-10 tarixində orijinalından arxivləşdirilib. İstifadə tarixi: 2015-05-06.
4. . 2011-07-18 tarixində orijinalından arxivləşdirilib. İstifadə tarixi: 2015-05-06.
5. . Anandabazar Patrika (Benqal dilində). 11 may 2012. 11 May 2012 tarixində orijinalından arxivləşdirilib. İstifadə tarixi: 11 may 2012.

Xarici keçidlər

Vikianbarda Caldapara Milli Parkı ilə əlaqəli mediafayllar var.

• VikiSəyahətdə Jaldapara haqqında səyahət məlumatları var.

Xarici video
	Caldapara kərgədanı

• jaldapara.in — Caldapara Milli Parkının rəsmi saytı