Vikipediya azad ensiklopediya Birinci Türk Dövlətləri Kardioloji QurultayıTarix lər 19 21 aprel 2024Məkan Gülüstan saray

Birinci Türk Dövlətləri Kardioloji Qurultayı
Tarix(lər)	19 – 21 aprel 2024
Məkan	Gülüstan sarayı
Ölkə	Azərbaycan
İştirakçılar	Azərbaycan Türkiyə Qazaxıstan Özbəkistan Türkmənistan Qırğızıstan Bosniya və Herseqovina Şimali Kipr Türk Respublikası
Təşkilatçı	Azərbaycan Elmi-Tədqiqat Kardiologiya İnstitutu
Dəstək	Azərbaycan Respublikası Səhiyyə Nazirliyi

Birinci Türk Dövlətləri Kardioloji Qurultayı — kardiologiya sahəsində irəliləyişləri və problemləri müzakirə etmək üçün türkdilli xalqlardan alim və mütəxəssisləri bir araya toplayan beynəlxalq tədbir. Tədbir Azərbaycan, Türkiyə, Qazaxıstan, Özbəkistan və digərləri də daxil olmaqla türkdilli dövlətlərdən olan iştirakçılar arasında dialoq və bilik mübadiləsini asanlaşdırmaq məqsədilə təşkil edilib. Qurultayda kardiologiya sahəsində elmin ən son nailiyyətləri və ürək xəstəlikləri ilə bağlı aktual problemlər müzakirə edilmiş, müvafiq təkliflər hazırlanmışdır.

Qurultay

| ]

Birinci Türk Dövlətləri Kardioloji Qurultayı Gülnaz Dadaşovanın sədrliyi ilə Səhiyyə Nazirliyi və nazirliyin akademik C. Abdullayev adına Elmi-Tədqiqat Kardiologiya İnstitutunun (ETKİ) birgə təşkilatçılığı ilə aprelin 19-dan 21-dək Bakıda keçirilib. Qurultayda Azərbaycan, Türkiyə, Qazaxstan, Özbəkistan, Türkmənistan, Qırğızıstan, Bosniya və Hersoqovina, Şimali Kipr Türk Respublikasından institut direktorları, professor-həkim heyəti də olmaqla ümumilikdə 1000-dən çox iştirakçı qatılmışdır.

Qurultayda 8 sessiyada elmi müzakirələr aparılmış, satellit simpoziumlar keçirilmişdir. Qurultay çərçivəsində Azərbaycanda ilk dəfə kardiologiya üzrə kurslar təşkil edilib. "Ürək-damar xəsətliklərində kardiak görüntüləmə" kursu zamanı ürək-damar xəstəliklərinin diaqnostikasında MRT görüntüləmə, kardiak KT angioqrafiya kimi müasir üsulların effektivliyi və əhəmiyyəti interaktiv şəkildə müzakirə olunub. Xarici həkimlərin iştirakı ilə baş tutan "Ürək qapaq xəstəliklərində yeniliklər: transkateter aorta qapağı implantasiyası (TAVI)" adlı kursda qapaq xəstəliklərinin açıq cərrahi müdaxilə olmadan invaziv üsulla bərpası, transkateter aorta qapağının implantasiyası (TAVI simulyasiyası) nümayiş olunub.

Eyni zamanda, "Endovaskulyar anevrizmanin (EVAR) və torakal endovaskulyar anevrizmanın (TEVAR) bərpası və müalicəsi" kursunda bu əməliyyatlar barədə ətraflı məlumat verilərək, EVAR və TEVAR əməliyyatlarının simulyasiyası aparılıb. Həmçinin, ilk dəfə keçirilən "Renal denervasiya" adlı kursda Rezistent hipertenziya (dərman müalicəsinə cavab verməyən davamlı yüksək təzyiqin müalicəsi üçün minimal invaziv bir prosedur) haqqında ətraflı məlumat verilib.

Qurultay Azərbaycan Respublikası Səhiyyə Nazirliyinin Elmi Tibbi Şurası tərəfindən akkreditasiya olunub və 51 DTT kredit balı ilə qiymətləndirilib. Qurultayda abstraktların dəyərləndirilməsi komitəsi tərəfindən tezislər toplanmış və tezislər toplusu çap edilib.

Qurultay nəticələrinə əsaslanaraq ürək-damar xəstəliklərinin profilaktikasında, diaqnostikasında və müalicəsində yeni istiqamətlərin, innovativ tibbi texnologiyaların işlənib hazırlanmasına və geniş tətbiqinə, laboratoriya və instrumental diaqnostika perspektivlərinə, ürək-damar xəstəliklərinin sübuta əsaslanan farmakoterapiyası, standartlaşdırma, əhaliyə kardioloji xidmətin keyfiyyətinin yaxşılaşdırılması istiqamətində müvafiq işlərə başlanılıb. Hazırda ürək transplantasiyası ilə bağlı proqramın hazırlanılmasına başlanılmışdır.

İstinadlar

| ]

"Bakıda I Türk Dövlətləri Kardioloji Qurultayı keçirilib". Xalqqazeti.az (az.). 19 may 2024 tarixində arxivləşdirilib. İstifadə tarixi: 19 may 2024.
"Türk dövlətlərinin kardioloqları arasında əlaqələri gücləndirmək üçün layihələr hazırlanır – Professor Gülnaz Dadaşova". İki sahil. 01 may 2024.
"Səhiyyə naziri I Türk Dövlətləri Kardioloji Qurultayının açılışında çıxış edib". musavat.com (az.). 19 may 2024 tarixində arxivləşdirilib. İstifadə tarixi: 19 may 2024.
"Səhiyyə naziri I Türk Dövlətləri Kardioloji Qurultayının açılısında çıxış edib". sehiyye.gov.az (az.). 19 may 2024 tarixində arxivləşdirilib. İstifadə tarixi: 19 may 2024.
"Bakıda Birinci Türk Dövlətləri Kardioloji Qurultayı keçirilir YENİLƏNİB VİDEO". AZƏRTAC. 20.04.2024. 2024-04-22 tarixində arxivləşdirilib. İstifadə tarixi: 2024-05-19.
"I Türk Dövlətləri Kardioloji Qurultayı tibb icmaları arasındakı əlaqələrə öz töhfəsini verəcək – Teymur Musayev". Day.Az (rus). 20 aprel 2024. 19 may 2024 tarixində arxivləşdirilib. İstifadə tarixi: 19 may 2024.

[1] "Bakıda I Türk Dövlətləri Kardioloji Qurultayı keçirilib". Xalqqazeti.az (az.). 19 may 2024 tarixində arxivləşdirilib. İstifadə tarixi: 19 may 2024.

[2] "Türk dövlətlərinin kardioloqları arasında əlaqələri gücləndirmək üçün layihələr hazırlanır – Professor Gülnaz Dadaşova". İki sahil. 01 may 2024.

[3] "Səhiyyə naziri I Türk Dövlətləri Kardioloji Qurultayının açılışında çıxış edib". musavat.com (az.). 19 may 2024 tarixində arxivləşdirilib. İstifadə tarixi: 19 may 2024.

[4] "Səhiyyə naziri I Türk Dövlətləri Kardioloji Qurultayının açılısında çıxış edib". sehiyye.gov.az (az.). 19 may 2024 tarixində arxivləşdirilib. İstifadə tarixi: 19 may 2024.

[5] "Bakıda Birinci Türk Dövlətləri Kardioloji Qurultayı keçirilir YENİLƏNİB VİDEO". AZƏRTAC. 20.04.2024. 2024-04-22 tarixində arxivləşdirilib. İstifadə tarixi: 2024-05-19.

[6] "I Türk Dövlətləri Kardioloji Qurultayı tibb icmaları arasındakı əlaqələrə öz töhfəsini verəcək – Teymur Musayev". Day.Az (rus). 20 aprel 2024. 19 may 2024 tarixində arxivləşdirilib. İstifadə tarixi: 19 may 2024.