Berlin hücumu (2016)

Berlin hücumu (alm. Mutmaßlicher Terroranschlag auf den Weihnachtsmarkt am Berliner Breitscheidplatz‎) — 2016-cı ilin 19 dekabr tarixində yerli vaxtla saat 20:00-da Almaniyanın paytaxtı Berlin şəhərində yük maşını ilə gercəkləşdirilmiş terror hücumu. Hadisə yük avtomobilinin Milad bayramı münasibəti ilə təşkil olunmuş bayram yarmarkasında iştirak edən dinc insanların üzərinə sürülməklə törədilmişdir. Berlin polisinin ilkin məlumatına əsasən hadisə nəticəsində 10 nəfər həlak olub, 50-dən çox şəxs isə müxtəlif dərəcəli bədən xəsarətləri alıblar. Həlak olanlardan biri yük avtomobilinin sürücüsüdür.

Berlin hücumu (2016)
Hadisə Kayzer Vilhelm Kilsəsinin yaxınlığında gercəkləşdirilmişdir.
Hücum yeri	Berlin, Almaniya 52°30′18″ şm. e. 13°20′11″ ş. u.
Hücum hədəfi	Yeni il yarmarkasını ziyarət edən dinc sakinlər
Vaxt	19 dekabr, 2016 (20:00)
Hücum üsulu	Yük maşınının insanların üzərinə sürülməsi
Həlak olanlar	12
Yaralılar	48
Şübhəlilər	İŞİD
Commonsda kateqoriyası

Arxa plan

Alman polisi baş vermiş hadisənin nəqliyyat qəzasından daha çox terror aktı olma ehtimalının üzərində dayanır. Hadisə şahidlərinin sözlərinə əsasən yük avtomobili yarmarkaya daxil olduqdan sonra 60-80 metr məsafədə qarşısına çıxan bütün maneələri dağıtmışdır. Polis yaydığı məlumatda Budapeşt küçəsi istiqamətindən gələn yük avtomobilinin, yalnız Kayzer Vilhelm Kilsəsinin yaxınlığına çatanda dayandırıldığını bildirib. Şahidlərin sözlərinə görə bir nəfər şübhəli Berlin Zooloji Parkına doğru qaçarkən görülüb. Sürücü olduğu ehtimal olunan şəxslərdən biri polis tərəfindən saxlanılıb. Polis yük maşının içərisində olan ikinci bir şəxsin hadisədən sonra ölmüş vəziyyətdə aşkar edildiyini də bildirmişdir.

İstinadlar

1. Kate Connolly, Philip Oltermann, Kevin Rawlinson & Fran Lawther (19 December 2016). "Berlin: suspect held and 12 dead after truck crashes into market". The Guardian.
2. "Truck plows into crowd at Berlin Christmas market one dead". Reuters. İstifadə tarixi: 19 December 2016.
3. "Berlin police: Truck runs through Christmas market - CNN.com". CNN. İstifadə tarixi: 19 December 2016.
4. "BNO News on Twitter: "BREAKING: German police believe truck crash at Christmas market in Berlin is a terror attack - dpa"". Twitter. 2010-09-10. İstifadə tarixi: 2016-12-19.
5. "Polizei: Neun Tote bei Anschlag auf Berliner Weihnachtsmarkt". Deutsche Wirtschafts Nachrichten. December 19, 2016.
6. Rawlinson, Kevin; Lawther, Kate Connolly Fran (2016-12-19). "Berlin: at least nine dead after truck crashes into Christmas market". The Guardian (ingilis). ISSN 0261-3077. İstifadə tarixi: 2016-12-19.
7. "BNO News on Twitter". İstifadə tarixi: 19 December 2016.
8. "Suspected driver of lorry that ploughed into Berlin Christmas market arrested". 19 December 2016. İstifadə tarixi: 19 December 2016.
9. "Lkw rast auf Weihnachtsmarkt - Polizei vermutet Anschlag". Berliner Morgenpost.