Bakı Mühəndislik Universiteti
Bakı Mühəndislik Universiteti — Azərbaycan Respublikası Təhsil Nazirliyinin tabeliyində fəaliyyət göstərən ali təhsil müəssisəsidir.
Bakı Mühəndislik Universiteti | |
---|---|
| |
40°28′25″ şm. e. 49°43′40″ ş. u. | |
Əsası qoyulub | 8 noyabr 2016 |
Tip | Publik hüquqi şəxs |
Rektor | Havar Məmmədov |
Şəhər | Xırdalan |
Ölkə | |
Ünvan | Həsən Əliyev küç.120, AZ0101, Abşeron |
Universitet şəhərciyi | Şəhər kənarı |
Vikianbarda əlaqəli mediafayllar |
Haqqında
8 noyabr 2016-cı il tarixində yaradılmışdır. Bakı Mühəndislik Universiteti" publik hüquqi şəxsin Nizamnaməsi Azərbaycan Respublikası Prezidentinin 2017-ci il 21 fevral tarixli fərmanı ilə təsdiq edilmişdir.
Tədris
Universitetdə Azərbaycan iqtisadiyyatının indiki inkişaf səviyyəsinə əsasən mövcud elmtutumlu sənaye müəssisələrində istehsal proseslərini təşkil etmək və innovativ texnologiyalarla işləmək bacarığına malik mütəxəssislərin hazırlığının həyata keçirilməsi nəzərdə tutulmuşdur. Bakı Mühəndislik Uniiversitetində bakalvr, magistratura və doktrantura təhsil səviyyələrində tədris olunan ixtisaslar Azərbaycan, İngilis və Rus dillərində həyata keçirilir. Hal-hazırda universitetə qəbul dörd ixtisas qrupu (fakültə) üzrə aparılır:
- Mühəndislik
- İqtisadiyyat və İdarəetmə
- Pedaqoji
- Memarlıq və İnşaat
Universitet şəhərciyi
Bakı-Sumqayıt yolu üzərində Universitetə ayrılmış 20 hektar torpaq sahəsində inşa edilmiş universitet şəhərciyinin müasir tədris korpuslarında geniş və işıqlı auditoriyalar, böyük mühazirə salonları, ən müasir texniki avadanlıqlarla və ən son model kompüterlərlə təchiz olunmuş kompüter laboratoriyaları, fasiləsiz internet əlaqəsi tələbələrin istifadəsinə verilmişdir. Həmçinin şəhərcikdə kiçik park və heyvanların saxlanması üçün xüsusi ərazi vardır.
150 nəfərlik seminar salonu və 360 nəfərlik akt zalı, müəllim və tələbələr üçün nəzərdə tutulmuş 700 nəfərlik yeməkxana, bufet və tibb məntəqəsi vardır.
40 minə yaxın kitab fonduna sahib müasir kitabxanası və oxu zalı da vardır.
BMU Texnoparkı və innovasiya mərkəzi
İstər rezidentlərlə, istərsə də startaplarla aktiv iş apararaq innovativ ekosistemi formalaşdırmaq məqsədi ilə universitetdə BMU Texnoparkı və innovasiya mərkəzi fəaliyyət göstərir.
BMU Texnoparkı aşağıdakı missiya əsasında işini formalaşdırır:
- Əlavə dəyərə malik, yüksək texnoloji əhəmiyyətli xidmət və ya məhsulların istehsalını və daha səmərəli həll yollarının tapılmasını inkişaf etdirmək;
- Azərbaycanda iqtisadiyyatın, o cümlədən qeyri-neft sektorunun davamlı inkişafına dəstək vermək;
- Biznes ilə universitetin professor-müəllim və tələbə heyəti arasında əlaqələri inkişaf etdirmək;
- Dünyada sürətlə inkişaf edən yüksək texnoloji yeniliklərin mənimsənilməsi və istehsalında iştirak etmək.
BMU Tələbə Gənclər Təşkilatı
Bakı Mühəndislik Universitetinin (BMU) Tələbə Gənclər Təşkilatı (TGT) 2016-cı ilin fevral ayından fəaliyyət göstərir. Tələbə Gənclər Təşkilatı Gənclər və İdman Nazirliyi, həmçinin Təhsil Nazirliyinin birgə layihəsi əsasında yaradılıb. Tələbələrin özlərinin idarəetmə orqanı olan Tələbə Gənclər Təşkilatının əsas məqsədləri tələbələrin hüquqlarının qorunması, maarifləndirilməsi və tələbələrin asudə vaxtlarının səmərəli keçirilməsini təşkil etməkdir. BMU TGT-nin keçirdiyi tədbirlər planı təşkilatın İdarə heyəti və üzvlərinin hazırladıqları layihələr əsasında formalaşır. Bakı Mühəndislik Universiteti Tələbə Gənclər Təşkilatının idarəetmə sistemi sədr və sədr müavinləri tərəfindən həyata keçirilir. Sədr və onun müavinlərinin işi qurulmuş sistemin davamlılığını təmin etmək, departamentlərin işlərindəki problemləri aradan qaldırmaq, TGT-nin ümumi strategiyasını müəyyənləşdirib, onun icrasına nəzarət etməkdir.
Hazırda 5 departamentdən ibarətdir. Təşkilatın sədri Ləman Şərifova, sədr müavinləri isə Namiq Vəlixanlı, İsa İsayev, Sərtac Cabbarlıdır.
BMU Tələbə Həmkarlar İttifaqı Komitəsi
Bakı Mühəndislik Universiteti Tələbə Həmkarlar İttifaqı Komitəsi (THİK) tələbələrin hüquqlarını qoruyan təşkilatdır. Univeristetin tələbələri müxtəlif problemlərlə bağlı Tələbə Həmkarlar İttifaqına müraciət edə bilirlər. Komitə daima tələbələrin problemlərinin onların xeyrinə həll olunmasına çalışır.
THİK tələbələrin sosial-ictimai həyatının təşkilində də mühüm rol oynayır. Həm elmi-praktiki, həm də sosial-ictimai layihələrin təşkilində və həyata keçirilməsində yüksək aktivlik göstərir. Komitə tələbələrin karyera imkanlarının genişlənməsi, asudə vaxtlarının səmərəli keçirilməsi, onların bilik və bacarıqlarının artırılması istiqamətində tədbir və layihələr təşkil edir.
Tələbə Həmkarlar İttifaqının tərkibində 20-dən artıq tələbə klubu fəaliyyət göstərir:
BMU Tələbə Elmi Cəmiyyəti
Bakı Mühəndislik Universitetinin Tələbə Elmi Cəmiyyəti, tələbələrin elmi tədqiqat və elmi-praktiki işlərinin təşkili və koordinasiyası üçün yaradılmış, Bakı Mühəndislik Universitetinin bakalavr və magistratura səviyyələrində təhsil alan tələbələrin könüllü ictimai təşkilatıdır.
Bakı Mühəndislik Universiteti Tələbə Elmi Cəmiyyətinin məqsəd və vəzifələri:
- Tələbələrin elmi tədqiqat fəaliyyətinə cəlb edilməsi və bu fəaliyyətin təşkil olunması,
- Elm, təhsil və təcrübənin vəhdəti prinsipinə əsaslanaraq tələbələr arasında elmi yaradıcılığın müxtəlif formalarının təbliğ edilməsi, həmin formalara və fundamental tədqiqatların aparılmasına gənclərin marağının artırılmasına köməklik göstərilməsi,
- Tələbələrdə tədqiqatçılıq fəaliyyətinə və elmi metodların öyrənilməsinə motivasiyanın yaradılması,
- Elmi seminar və konfranslar, tələbə elmi işlərinə, habelə kurs, buraxılış, dissertasiya işlərinə baxış müsabiqələri, müxtəlif ixtisas və fənlər üzrə olimpiadalar, diskussiya klubları, simpoziumlar, tanınmış alimlərin seminarlarını təşkil edilməsi,
- Tələbələrin elmi mərkəzlər, texnoparklar, ideya inkubatoru və s. müəssisələrdə aparılan işlərə (o cümlədən ödənişli) cəlb edilməsi.
BMU Qadınlar Şurası
Bakı Mühəndislik Universitetində də 2017-ci ildən Qadınlar Şurası təsis olunub. Şuranın məqsədi universitetdə təhsil alan tələbə qızların, habelə burada çalışan professor-müəllim və işçi qadınların iş, əmək və sosial məsələlərinin həllində onlara kömək etmək, qayğı göstərmək, mövcud problemlərlə bağlı müvafiq qurumlar qarşısında məsələ qaldırmaqdır.
Şura təsis olunduğu gündən illik fəaliyyət planını müəyyənləşdirmiş və bu plana uyğun olaraq universitetdə bir neçə tədbirin təşkil olunmasında bilavasitə iştirak etmişdir. Şura tərəfindən dəfələrlə xeyriyyə aksiyaları keçirilib. Görkəmli oftalmoloq alim Zərifə xanım Əliyevanın 95 illik yubileyi və tanınmış yazıçı, professor Mir Cəlal Paşayevin 110 illik yubileyi münasibətilə keçirilən anım tədbirlərinin və digər əhəmiyyətli tədbirlərin təşkili işini həyata keçirmişdir. Şura üzvləri universitetdə təşkil olunan bir sıra seminarlarda məruzəçi və iştirakçı qismində iştirak etmiş, respublikamızın qadın təşkilatları tərkibində qadın problemləri məsələləri ilə də yaxından məşğul olmuşlar. Əlamətdar bayram günlərində qocalar evi və eləcə də valideyn himayəsindən məhrum olmuş uşaq evlərinə baş çəkmiş, onlara ərzaq, paltar və digər ləvazimatlar paylanılmışdır. Universitetin Qadınlar Şurası hal-hazırda fəaliyyətini davam etdirir və yaxın gələcəkdə bir sıra həyata keçirilməsi nəzərdə tutulan fəaliyyətlər planlaşdırılır.
Gənc Tədqiqatçıların Beynəlxalq Elmi Konfransı
Gənc Tədqiqatçıların Beynəlxalq Elmi Konfransı hər il Bakı Mühəndislik Universitetinin təşkilatçılığı ilə keçirililən beynəlxalq elmi konfransdır. Konfransın əsas məqsədi dünyanın müxtəlif universitet, akademiya və elmi-tədqiqat institutlarında fəaliyyət göstərən gənc tədqiqatçıları bir araya gətirmək, bu sahədə əldə olunan elmi nailiyyətləri və təcrübələri digərləri ilə paylaşmaq, qarşılaşdıqları problemləri təhlil etmək, ortaq problemlərin müzakirə olunması və onların həll yolları üçün təkliflərin irəli sürülməsini təmin etmək və gənclərin elmə olan marağını artırmaqdır. Tədbirdə, həmçinin ortaq problemlər müzakirə edilir, onların həlli yolları üçün təkliflər irəli sürülür.
"Gənc Tədqiqatçıların V Beynəlxalq Elmi Konfransı"-nın əsas elmi istiqamətləri aşağıdakılardır:
- Mühəndislik elmləri
- Memarlıq və inşaat elmləri
- Təbiət elmləri
- İqtisadiyyat elmləri
- Filologiya elmləri
- Pedaqogika
- Hüquq, Tarix və Sosyologiya
"Gənc Tədqiqatçıların V Beynəlxalq Elmi Konfransı" 29–30 Aprel 2021 tarixlərində onlayn formada keçiriləcək.
Xarici linklər
- Rəsmi veb saytı
- Rəsmi Facebook səhifəsi
- Rəsmi Instagram səhifəsi
- Rəsmi Youtube kanalı
İstinadlar
- ↑ "Bakı Mühəndislik Universitetinin yaradılması haqqında" Azərbaycan Respublikası Prezidentinin 8 noyabr 2016-cı il tarixli Sərəncamı. 08.11.2016, president.az (azərb.)
- "Bakı Mühəndislik Universitetinin Nizamnaməsi". Azərbaycan Respublikası Təhsil Nazirliyi. İstifadə tarixi: 21 Fevral 2017.
- "BMU Texnoparkı və innovasiya mərkəzi". Beu.edu.az
- "BMU Tələbə Gənclər Təşkilatı". Beu.edu.az
- "BMU Tələbə Həmkarlar İttifaqı Komitəsi". Beu.edu.az
- "Tələbə Elmi Cəmiyyəti". Beu.edu.az
- "Bakı Mühəndislik Universiteti Qadınlar Şurası". Beu.edu.az
- "BMU-da "Gənc tədqiqatçıların V beynəlxalq elmi konfransı" keçiriləcək". Məktəb Guşəsi.
- "Konfrans Haqqında". Yric.az