Baham adaları
Baham Adaları Birliyi (ing. Commonwealth of the Bahamas), Bahamalar (ing. Bahamas) — eyni adlı adalarda yerləşən dövlət. Sahəsi – 13,9 min km², əhalisi – 0,4 mln. nəfər (2005-ci il), paytaxtı – Nassau. Baham adaları Florida yarımadasından cənub-şərqdə geniş Baham arxipelağında yerləşir. Arxipelaq 650-dən artıq xırda adalardan ibarətdir.
Baham Adaları Birliyi The Bahamas Baham adaları | |
|---|---|
Şüarı: "İrəli, İrəli, Birlikdə irəli" | |
Himni: "March On, Bahamaland" | |
| Paytaxtı və ən böyük şəhəri | Nassau-250 min nəfər (2011-ci il) |
| Rəsmi dilləri | İngilis dili |
| Etnik qrupları | bahamalılar-90%, haitililər- 5% |
| Dini | Xristian |
| İdarəetmə forması | Parlament demokratiyası və Konstitusiyalı monarxiya |
• Monarx | Kraliça II Elizabet |
• General-qubernator | Kornelius Elvin Smit |
• Baş nazir | Hubert Minnis |
| Qurulması | |
| Tarixi | |
• Böyük Britaniyadan müstəqillik | 10.VII.1973 |
• Yaranması | 1973 |
| Ərazisi | |
• Ümumi | 13878 (161-ci yer) |
• Su (%) | 27% |
| Əhalisi | |
• 2015 təxmini | 365 min (177-ci yer) |
• 2010 siyahıya alma | 353 658 |
• Sıxlıq | 26/km2 (67.3/kv. mil) |
| ÜDM (AQP) | 2012 təxmini |
• Ümumi | 11 240 million (151) |
• Adam başına | 31 900 (45) |
| Valyutası | Dollar (BSD) |
| Saat qurşağı | UTC-5 |
| Yolun hərəkət istiqaməti | sol |
| Telefon kodu | 1 242 |
| ISO 3166 kodu | BS |
| İnternet domeni | .bs |
Adın etimologiyası
Baham adaları adının haradan gəldiyi dəqiq məlum deyil. Adanın adının ispan dilindəki baja mar (cənub dənizi) və ya bu adanın aborigen sakinləri olan Lukayan xalqının dilindəki ba-ha-ma (geniş yüksək ərazi) sözündən yaranması ehtimalı mövcuddur.
Coğrafiya
Baham adaları əsasən mərcan tipli əhəngdaşlarından ibarətdir. Baham - 700 adadan (onlardan 30-u məskunlaşıb) və 2000 mərcan töküntüdən ibarət olan arxipelaqdır. Düzənlik səthə malik olan adalarda karst relyef formaları geniş yayılmışdır. Ölkə 1973-cü ilin iyulun 10-dan müstəqil dövlətdir. Əksər adaların sahillərində narın qumlu, gözəl çimərliklər uzanır. İqlimi tropik rütubətli olub, may ayından oktyabr ayına kimi yağıntılı dövrüdür. Yanvarın orta temperaturu 20-23 °C, iyul 28 °C-dir. İyul ayından oktyabra kimi adalarda tez-tez güclü qasırğalar olur, yağıntının miqdarı 1100–1700 mm-dir. Çaylardan məhrum olan adalarda çoxlu duzlu-şor göllər vardır. Yağıntıların karst burulğanlarından keçərək yaratdığı yeraltı sular ada sakinləri üçün şirin su mənbəyidir.
Adaların bitki örtüyü nisbətən kasıbdır. Savannalar, həmişə yaşıl tikanlı kolluqlar, xeyli sahədə şam meşələri mövcuddur. Böyük adalarda - Androsda və Böyük Abakoda həmişəyaşıl meşələr qalmaqdadır.
Silahlı qüvvələr
Baham adaları dövlətinin hər hansı ordusu və ya Hərbi Hava Qüvvələri mövcud deyil. Ölkənin silahlı qüvvələri Baham Adaları Kral Müdafiə Qüvvələri və Hərbi Dəniz Donanmasından ibarətdir. Müdafiə Aktına əsasən Baham Adaları Kral Müdafiə Qüvvələri ölkənin suverenliyini qorumaq, dəniz sərhədlərinə nəzarət etmək, təbii fəlakət dövründə yardım fəaliyyəti göstərməkdə məsuldur.
Xarici keçidlər
- Rəsmi saytı.
- . Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890—1907.
- Baham adaları xəritədə 2010-12-22 at the Wayback Machine.
- Ensiklopediya.