Bəhram Bağırzadə

Bəhram Arif oğlu Bağırzadə (4 sentyabr 1972(1972-09-04), Bakı, Azərbaycan SSR) — tanınmış Azərbaycan aktyoru, şoumen, naşir, Azərbaycanın əməkdar artisti (2015).

Bəhram Bağırzadə
Digər adı	Bəhram Bağırov
Doğum tarixi	4 sentyabr 1972 (48 yaş)
Doğum yeri	Bakı, Azərbaycan SSR, SSRİ
Vətəndaşlığı	Azərbaycan
Fəaliyyəti	Aktyor
Fəaliyyət illəri	1990-cı ildən
Təhsili	ADMİU
Mükafatları
bahram.az
Vikianbarda əlaqəli mediafayllar

Həyatı

 

Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı. 1 mart 2019-cu il.

Bəhram Arif oğlu Bağırzadə 1972-ci il sentyabrın 4-də Bakıda ziyalı ailəsində anadan olmuşdur.

O, 1979-1989-cu illərdə Bakı şəhəri 189 saylı məktəbdə oxuyub. 1989-cu ildə M. A. Əliyev adına Azərbaycan Dövlət İncəsənət İnstitutuna qəbul olub və 1994-cü ildə həmin institutu bitirib. İxtisası teatr rejissorudur.

1991-ci ildən "Bakılı oğlanlar" ŞHK komandasının üzvüdür. 1992-ci ildə ŞHK çempionu, 1995-ci ildə ŞHK Yay Kubokunun sahibi və 2000-ci il ŞHK "Əsrin Çempionu" olmuşdur. MDB ŞHK yığmasının üzvüdür. 1992-ci ildən karikatura çəkir, karikaturaları "Kirpi" satirik jurnalında çap olunub. Respublikada keçirilən bir çox sərgilərin iştirakçısıdır. Bakıda fərdi sərgisi açılıb. 2004-cü ildən "Qalereya" jurnalının naşiridir. Bağırzadənin tanınmasında müstəsna rolu Şən və Hazırcavablar Klubunda yarışlarında "Bakılı Oğlanlar" komandasında çıxışları olub. Onun iştirak etdiyi bu komanda 1992, 1993-cü illərdə çempion, 1995-ci ildə keçirilən yay kubokunun və iyirminci əsrin ən yaxşı komandaları sırasında birinci olub. 2006-cı ildən Azərbaycan «Karikaturaçı Rəssamlar Birliyi»nin üzvüdür. FECO (Beynəlxalq Karikaturaçılar Təşkilatları Federasiyası) Azərbaycan qrupunun üzvüdür. 2006-cı ildən "Planet Parni iz Baku" KVN Teatrının aktyorudur. "Qorod" jurnalının naşiridir.

Bəhram Bağırzadə 2012-ci il aprelin 26-da Kitab nominasıyasında "Humay" milli mükafatına layiq görülmüşdür. 14 sentyabr 2015-ci ildə Azərbaycanın əməkdar artisti fəxri adına layiq görülmüşdür.

Bəhram Bağırzadə 7 iyun 2020-ci il tarixində COVID-19 infeksiyasına yoluxmuş, 14 iyunda Mərkəzi Gömrük Xəstəxanasının reanimasiya şöbəsinə yerləşdirilmişdir. Bəhram Bağırzadənin müalicəsi birbaşa Azərbaycanın birinci vitse-prezidenti Mehriban Əliyevanın nəzarətində olmuşdur.

Filmoqrafiya

1. Hər şey yaxşılığa doğru (film, 1997)
2. Yerlə göy arasında (film, 1999)
3. Yuxu (film, 2001)
4. Milli bomba (film, 2004)
5. Yoxlama (film, 2006)
6. Bir dəfə Qafqazda (film, 2007)
7. Halal pullar (film, 2008)
8. Adam (film, 2010)
9. Vəkil hanı? (film, 2011)
10. 3 bacı (film, 2012-2014) (bədii serial) (rol: özü)
11. Qorxma, mən səninləyəm! 1919 (film, 2013)
12. Axırıncı dayanacaq (film, 2014)
13. 100 kağız (film, 2015)
14. Həyət (film, 2015) (qısametrajlı bədii film)
15. Ağanatiq (film, 2017)
16. Bəxt üzüyü 2 (film, 2017)
17. Məhəllə 3 (film, 2019)

İstinadlar

1. İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər. president.az, 01.03.2019  (az.)
2. Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı
3. . lent.az (azərb.). June 7, 2020. June 9, 2020 tarixində orijinalından arxivləşdirilib. İstifadə tarixi: June 15, 2020.
4. "COVID-19-a yoluxan Bəhram Bağırzadənin vəziyyəti kəskin pisləşib - RƏSMİ". report.az (azərb.). "Report" İnformasiya Agentliyi. June 14, 2020. İstifadə tarixi: June 15, 2020.

Mənbə

• Münsiflər: Bəhram Bağırzadə Arif oğlu yumorkuboku.az 2010-10-06 at the Wayback Machine  (az.)

Xarici keçidlər

• Karikatura profili 2008-08-07 at the Wayback Machine