Azər Məmmədov (baş gizir)
Azər Mustafa oğlu Məmmədov (4 mart 1993; Kəmərli, Qazax rayonu, Azərbaycan — 12 sentyabr 2022; Zəngilan rayonu, Azərbaycan) — Azərbaycan Dövlət Sərhəd Xidmətinin Sərhəd Qoşunlarının baş giziri, Vətən müharibəsi iştirakçısı. 2022-ci il sentyabr 12-dən 13-nə keçən gecə Ermənistan Silahlı Qüvvələrinin Zəngilan istiqamətində Azərbaycan Ordusuna qarşı törətdiyi təxribat nəticəsində şəhid olmuşdur.
| Azər Məmmədov | |
|---|---|
| Şəxsi məlumatlar | |
| Doğum tarixi | |
| Doğum yeri | Kəmərli, Qazax rayonu, Azərbaycan |
| Vəfat tarixi | (29 yaşında) |
| Vəfat yeri | Zəngilan rayonu, Azərbaycan |
| Dəfn yeri | Kəmərli, Qazax rayonu, Azərbaycan |
| Vətəndaşlığı | Azərbaycan |
| Atası | Mustafa Neymətov |
| Təhsili | orta |
| Hərbi fəaliyyəti | |
| Mənsubiyyəti | Azərbaycan Ordusu |
| Qoşun növü | Sərhəd Qoşunları |
| Hərbi hissə | Çevik Hərəkat Dəstəsi |
| Xidmət illəri | 2011—2012 / 2019—2022 |
| Rütbə | Baş gizir |
| Vəzifəsi | snayper |
| Döyüşlər | Vətən müharibəsi • Zəngilanın azad edilməsi Azərbaycan–Ermənistan sərhəd toqquşması (2022) |
| Təltifləri | |
Həyatı redaktə
Azər Məmmədov 4 mart 1993-cü ildə Qazax rayonunun Kəmərli kəndində anadan olmuşdur. 1999–2010-cu illərdə Akif Bəbirov adına Qazax rayon Xanbağı kənd tam orta məktəbində orta təhsil almışdır. Ailəli idi, şəhid olmasından 44 gün əvvəl ailə həyatı qurmuşdu. 2023-cü ilin may {23.05.2023} ayında Azay adlı övladı dünyaya gəlib.
Hərbi xidməti redaktə
Azər Məmmədov 2011-ci ilin aprel ayında Səfərbərlik və Hərbi Xidmətə Çağırış üzrə Dövlət Xidmətinin Qazax rayon üzrə Hərbi Şöbəsi tərəfindən hərbi xidmətə çağırılmışdır. Daxili İşlər Nazirliyinin Daxili Qoşunlarının sıralarında, Lənkəran rayonunda yerləşən "N" saylı hərbi hissədə müddətli həqiqi hərbi xidmət etmişdir. 2012-ci ilin oktyabr ayında hərbi xidmətini başa vuraraq mülki fəaliyyətinə davam etmişdir. 2019-cu ilin oktyabr ayından Dövlət Sərhəd Xidmətinin Sərhəd Qoşunlarının Xaçmaz rayonunda yerləşən "N" saylı hərbi hissəsinin snayper bölməsinin qruplarından birində müddətdən artıq həqiqi hərbi xidmət etmişdir.
Dövlət Sərhəd Xidmətinin Sərhəd Qoşunlarının kiçik giziri olan Azər Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində snayper olaraq iştirak etmişdir. Zəngilanın azadlığı uğrunda gedən döyüşlərdə vuruşmuşdur.
Azərbaycanın Zəngilan rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Azər Məmmədov "Zəngilanın azad olunmasına görə" medalı ilə təltif edildi.
Müharibə bitdikdən sonra Azər Məmmədov əvvəlcə gizir, sonra isə baş gizir rütbələrinə layiq görülmüşdü. Dövlət Sərhəd Xidmətinin Sərhəd Qoşunlarının Çevik Hərəkat Dəstəsinin "N" saylı hərbi hissəsində xidmətini davam etdirirdi.
2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Döyüşlərdə Sərhəd Qoşunlarının hərbçisi kimi iştirak edən Azər Məmmədov Zəngilan rayonu istiqamətində döyüş tapşırığını yerinə yetirərkən şəhid olmuşdur. 14 sentyabr tarixində nəşi doğulduğu Qazax rayonunun Kəmərli kəndində dəfn edilmişdir. Vida mərasimində şəhidin yaxınları ilə yanaşı ictimaiyyət nümayəndələri, Qazax sakinləri və hüquq-mühafizə orqanlarının əməkdaşları iştirak etmişdir.
Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Azər Məmmədov Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra "Azərbaycan Bayrağı" ordeni və "Vətən uğrunda" medalı ilə təltif edilmişdir.
Təltifləri redaktə
- (25.12.2020) — "Zəngilanın azad olunmasına görə" medalı
- (05.11.2022) — "Azərbaycan Bayrağı" ordeni (ölümündən sonra)
- (05.11.2022) — "Vətən uğrunda" medalı (ölümündən sonra)
.svg.html){kind=link}
.png.html){kind=link}
İstinadlar redaktə
- Azərbaycanın Müdafiə Nazirliyi. "2022-ci il sentyabrın 12-dən etibarən Ermənistan Silahlı Qüvvələrinin törətdiyi genişmiqyaslı təxribatların qarşısının alınması zamanı şəhid olan hərbi qulluqçuların siyahısı" (PDF). www.mod.gov.az (ingilis). 2022-09-17. 2022-09-17 tarixində arxivləşdirilib (PDF). İstifadə tarixi: 17.09.2022.
- Oxu.az xəbər saytı. "Şəhid Azər Məmmədovun nəşi ailəsinə təhvil verildi". www.oxu.az (az.). 2022-09-13. 2022-09-22 tarixində . İstifadə tarixi: 19.09.2022.
- "Şəhid Azər Məmmədovun övladı dünyaya gəlib". 2023-06-28 tarixində . İstifadə tarixi: 2023-05-27.
- Qazax rayon İcra Hakimiyyətinin rəsmi saytı. "Qazaxda şəhid baş gizir Azər Məmmədovun bu gün üç mərasimi olub". www.qazax-ih.gov.az (az.). 2022-09-16. 2022-09-20 tarixində . İstifadə tarixi: 19.09.2022.
- Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Zəngilanın azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.president.az. 25.12.2020. 2021-01-17 tarixində arxivləşdirilib. İstifadə tarixi: 25.12.2020.
- Oxu.az xəbər saytı. "Şəhid Azər Məmmədov Qazaxda dəfn olunub – FOTO/VİDEO". www.oxu.az (az.). 2022-09-14. 2022-09-21 tarixində . İstifadə tarixi: 19.09.2022.
- ↑ Azərbaycan Prezidentinin rəsmi saytı. . www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
- Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Zəngilanın azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". e-qanun.az. 25.12.2020. 2021-01-16 tarixində arxivləşdirilib. İstifadə tarixi: 25.12.2020.